Bliersdörp

From Wikipedia
(Redirected from Bliedersdorf)
Jump to navigation Jump to search
Wapen/Flagg Koort

Wapen vun Bliersdörp

Bliersdörp
Laag vun Bliersdörp in Düütschland
Basisdaten
Bundsland: Neddersassen
Landkreis: Stood
Samtgemeen: Hornborg
Flach: 12,41 km²
Inwahners: 1720 (31. Dezember 2016)
Hööchd: 23 m över de See
Postleettall: 21640 (oolt: 2152)
Vörwahl: 04163
Geograafsche Laag:
Koordinaten:53° 29′ N, 9° 34′ O
53° 29′ N, 9° 34′ O
Grenzen bi OSM: 444929 444929
Gemeenslötel: 03 3 59 007
Börgermeester: Tobias Terne (CDU)
Websteed: horneburg.de
Koort
Kreis
Balje (Neddersassen)Krummendiek (Neddersassen)Freiborg (Elv)ÖderquartGemeen WischhobenGemeen DrochtersGrootweurnGemeen EngelschoppHammahDüünbeudelGemeen HimmelpoortenGemeen BurwegGemeen KronenborgGemeen EsdörpOlendörpGemeen HeinbockelGemeen StoodDeinstGemeen FreenbeekGemeen KutenhultGemeen JörkGemeen BuxthuGemeen ObbensGemeen BeekdörpGemeen SounsiekGemeen OhlersGemeen BrestBargstGemeen HarsfeldNottensdörpBliersdörpHornborgDollernGothenborgLandkreis StoodNeddersassenLandkreis CuxhobenLandkreis RodenborgLandkreis HorborgHamborgSleswig-HolsteenSleswig-HolsteenGreundiekMittelskarkNeekark (Olland)GauderhandviddelSteenkark (Olland)Hullern-Twielenfleth
Laag von de Gemeen Bliersdörp in’n Landkreis Stood (Koort lett sik anklicken)

Bliersdörp (hoochdüütsch Bliedersdorf) is en Dörp un Gemeen in’n Landkreis Stood in Neddersassen. De Gemeen is Maat von de Samtgemeen Hornborg un hett 1720 Inwahners (Stand 31. Dezember 2016). Blangen Bliersdörp sülvst höört ok de Öörd Postmoor un Rutenbeek to de Gemeen.

Neddersassenhuus in Bliersdörp

Geografie[edit | edit source]

De Oort liggt op de Stoder Geest. Dat Water ut dat Rebeed flütt över lüttjere Beken na de Au hen af, de een Kilometer in’n Noordwesten langsflütt. Dat Rebeed langs de Au is as Naturschuulrebeed Audaal un Blangendaals schuult.

De Naveröörd sünd Hornborg in’n Noorden, Postmoor un Schragenbarg in’n Noordoosten, Nottensdörp un Heendörp in’n Oosten, Grundolendörp in’n Süüdoosten, Ruschwehl in’n Süden, Rutenbeek un Harsfeld in’n Süüdwesten, Issendörp in’n Westen un Daudiek in’n Noordwesten.

Historie[edit | edit source]

Dat ole Riddergeslecht vun Bliderstorp is in dat 14. Johrhunnert utstorven.

Verwaltungsgeschicht[edit | edit source]

In de Franzosentied von 1810 bet 1814 hett de Oort to de Mairie Hornborg in’n Kanton Hornborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Kreis Stood.

Inwahnertall[edit | edit source]

Johr Inwahners
1791-00-001791[1] 39 Füürsteden
1824-00-001824[2] 52 Füürsteden
1848-00-001848[3] 506 Lüüd. 77 Hüüs*
1871-12-011. December 1871[4] 391 Lüüd. 67 Hüüs
1885-12-011. December 1885[5] 380 Lüüd. 63 Hüüs
1905-12-011. December 1905[6] 433 Lüüd. 69 Hüüs
1910-12-011. December 1910[7] 520*
1925-00-001925[8] 561*
1933-00-001933[8] 514*
1939-00-001939[8] 541*
1961-00-001961 814*
1970-00-001970 901*
1989-00-001989 1.265*
2000-00-002000 1.650*
2006-06-3030. June 2006 1.643*
2009-06-3030. June 2009[9] 1.701*
* tohoop mit Postmoor un Rutenbeek

Religion[edit | edit source]

De Katharinenkark

Bliersdörp is evangeelsch-luthersch präägt un billt mit de Katharinenkark en egen Kaspel.

För de Kathoolschen is de St.-Marien-Kark in Buxthu tostännig.

Wapen[edit | edit source]

Dat Wapen von de Gemeen wiest op sülvern Grund dree blaue blaue Spitzen, de na baven wiest.

Politik[edit | edit source]

Gemeenraat[edit | edit source]

Sitten in’n Gemeenraat
Johr CDU SPD FWGB
2001 5 3 3
2006 6 3 2
2011 5 3 3

Börgermeester[edit | edit source]

  • 24. Oktober 1968–1985: Herbert Feindt
  • 1985–: Hans-Wilhelm Glüsen
  • 1991–: Rainer Schulz (CDU)
  • –2001: Hans-Wilhelm Glüsen
  • 2001–31. Oktober 2011: Rainer Schulz (CDU)
  • 1. November 2011–31. Oktober 2016: Hans-Wilhelm Glüsen (FWGB)
  • 1. November 2016–18. Dezember 2017: Rainer Schulz (CDU)
  • 18. Dezember 2017–: Tobias Terne (CDU)

Kultur[edit | edit source]

In Bliersdörp warrt jümmer an’n eersten Advent bi de Kark Wiehnachtsmarkt fiert.

De Oort hett en Dörpgemeenschopshuus, dat 1980 inwieht worrn is.

Weertschop un Infrastruktur[edit | edit source]

Sprüttenhuus in Bliersdörp

Bliersdörp hett en egene freewillige Füürwehr, de 1937 grünnt worrn is.

De Kreisspoorkass Stood harr in Bliersdörp in de Hauptstraat 31 en Filiaal, de to’n 28. Februar 2017 dichtmaakt hett.

Verkehr[edit | edit source]

Oortsschild mit plattdüütschen Naam

Dör Bliersdörp löppt de Kreisstraat 37, de in’n Süüdwesten in Rutenbeek in de K 26 münnt un in’n Noordoosten in Postmoor in de Bundsstraat 73. De K 26 löppt von Rutenbeek wieder na Harsfeld. En lüttjere Straat gifft dat in’n Oosten ok noch na Nottensdörp an de Landsstraat 130, de in’n Süden denn wieder na Obbens föhrt.

2012 hett dat Dörp ne’e gele Oortsschiller kregen, op de nu ok de plattdüütsche Naam blangen den hoochdüütschen mit op steiht.

De nächste Autobahn is de Autobahn 26 (Afsnidd StoodHamborg). De Opfohrt 5 Hornborg liggt so veer Kilometer in’n Noordoosten von Bliersdörp an de K 36.

De nächste Bahnhoff is so bi veer Kilometer wied weg in’n Noorden de Bahnhoff Hornborg an de Nedderelvbahn twüschen Cuxhoben un Hamborg.

Scholen[edit | edit source]

In Bliersdörp is een von de twee Standöörd von de Grundschool Bliersdörp-Nottensdörp.

För dat Gymnasium güngen de Schölers bet 2018 op de Halepaghen-School in Buxthu. Von dat Schooljohr 2018/2019 af an wesselt de Schölers op dat Au-Geest-Gymnasium in Harsfeld.

Ver- un Entsorgung[edit | edit source]

För dat Afwater is de Afwaterverband Oolland un Geestrand mit dat Klärwark Wetterndörp tostännig.

Lüüd[edit | edit source]

De plattdüütsche Bibelöversetter Christian Fuhst weer 23 Johr lang Pastoor von de Katharinenkark in Bliersdörp un de Handball-Natschonalspelerin Melanie Schliecker is dor 1974 boren. De Volleyballspelerin Silke Meyer is 1968 in Bliersdörp boren.

Literatur[edit | edit source]

  • Christian Fuhst, Gerhard Burfeind, Metta Baumann: Bliedersdorf: wie es wurde was es ist. Chronik von Dorf und Kirche Bliedersdorf. Dammann, Bliersdörp 1988

Footnoten[edit | edit source]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 26
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 62
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 150
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de
  9. http://www.horneburg.de/pdf/formulare_a-z/Einwohnerzahlen.pdf

Weblenken[edit | edit source]

Commons-logo.svg Bliersdörp. Mehr Biller, Videos oder Audiodateien to’t Thema gifft dat bi Wikimedia Commons.