Kalf (Neddersassen)

Vun Wikipedia
Wapen/Flagg Koort

Wapen vun Kalf

Kalf
Laag vun Kalf in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Zittens
Flach: 10,25 km²
Inwahners: 623 (31. Dezember 2022)
Hööchd: 41 m över de See
Postleettall: 27419
Vörwahl: 04282
Geograafsche Laag:
Koordinaten:53° 18′ N, 9° 33′ O
53° 18′ N, 9° 33′ O
Grenzen bi OSM: 1079027 1079027
Gemeenslötel: 03 3 57 029
Öörd in de Gemeen: 1
Börgermeester: Bernd Petersen (UWG Kalf)
Websteed: www.sittensen.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Kalf (Neddersassen) in’n Landkreis Rodenborg (Koort lett sik anklicken)

Kalf is en Oort un Gemeen in de Samtgemeen Zittens in’n Landkreis Rodenborg (Wümm) mit 623 Inwahners (Stand 31. Dezember 2022).

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Zittens in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

Von dat 19. Johrhunnert bet to’n 1. Oktober 1949 hett ok de Oort Freetz to de Gemeen Kalf tohöört. 1949 is Freetz denn en egenstännige Gemeen worrn.[1]

Inwahnertall[ännern | Bornkood ännern]

Johr Inwahners
1793-00-001793[2] 19 Füürsteden
1824-00-001824[3] 14 Füürsteden
1848-00-001848[4] 160 Lüüd, 36 Hüüs
1871-12-011. Dezember 1871[5] 171 Lüüd, 28 Hüüs
1949-10-011. Oktober 1949[1] 445

Religion[ännern | Bornkood ännern]

Freetz is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Kalf sett sik mit den Börgermeester ut 9 Lüüd tohopen. De letzte Kommunalwahl weer 2016:

Partei 2016 2011 2006 2001
CDU 4 4 4 6
SPD 1 3
UWG Kalf 5 5 4

Wapen[ännern | Bornkood ännern]

Dat Wapen von Kalf wiest op grönen Grund den sülvern Ingang von en Söss-Sülen-Huus över en sülvern Ekenbladd un sülvern Born.

Utklamüsert hett dat Wapen 2010 de Heraldiker Arnold Rabbow.

Weertschop un Infrastruktur[ännern | Bornkood ännern]

Dörpsbild[ännern | Bornkood ännern]

De Mitt vun Kalf warrt bestimmt dör schöne olle Ekenbööm. Sien ländlichen Charakter hett sik dat Dörp över de Johren wahrt. Ok bi’t Boen is dorop Weert leggt worrn, dat olle Bild vun’t Dörp nich toschannen to maken. So kann man dor torecht maakte Reetdäcker un Söss-Sülen-Hüüs sehn. Dortwüschen hebbt ok de Gewarfbedrieven un ne’ere Hüüs jemehr Steed funnen. Inrahmt warrt dat Bild vun Kalf dör Aaftwischen un Buerngoorns un nich opletzt ok vun de Sportanlagen, de veel Ruum hebbt.

Verkehr[ännern | Bornkood ännern]

Kalf liggt in’n Noordoosten vun de Samtgemeen un grenzt dormit an de Landkreisen Horborg un Stood. Dat Dörp liegt ’n beten wieter af vun de groten Straten twüschen de Dörper Freetz un Tiss. Över Tiss besteiht Verbinnen an de L 142, de vun Zittens över Borgzittens na Wist in’n Landkreis Horborg föhrt, woneem se an de B 75 (HamborgBremen) rangeiht un gliek blang an na Töst föhrt. In Zittens gifft dat de Anslusssteed 47 Zittens an de A 1 (Afsnidd HamborgBremen), de ok dör dat Gemeenrebeet löppt.

Kalf hett goot utbote Radweeg ründüm, de ok faken vun Inline-Löper nütt warrt.

Kultur[ännern | Bornkood ännern]

Üm de Freetiet sinnvoll to begahn warrt sik veel drapen in’t Dörp. För dissen Sinn gifft dat t. B. en Dörpgemeenschapshuus mit en enkelten Ruum för de Jöögd. För’t Dörpsleven speelt de freewillige Füerwehr un de Dörpsjöögd en grote Rull, man ok Sport warrt in Kalf veel dreven. Ungefäähr de Hälfte vun de Inwahners is Liddmaat in’n Vereen.

Beropen Lüüd[ännern | Bornkood ännern]

Ut Kalf kummt Hans-Heinrich Ehlen, de neddersass’sche Minister för Nohren, Landweertschap un Brukerschuul.

Footnoten[ännern | Bornkood ännern]

  1. a b Neues Archiv für Niedersachsen. Band 3, W. Dorn, 1949, Sied 871
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 125: https://books.google.de/books?id=jN5QAAAAcAAJ&pg=RA1-PA125
  3. C. H. Jansen: Statistisches Handbuch des Königreichs Hannover. 1824, Sied 108: http://books.google.de/books?id=tG0AAAAAcAAJ&pg=RA1-PA108
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170

Weblenken[ännern | Bornkood ännern]