Landkreis Stood

Wapen	Koort

Grunddaten
Bundsland:	Nedersassen
Kreisstadt:	Stood
Flach:	1.265,99 km²
Inwahners:	196.475 (31. Dezember 2005)
Inwahnerdicht:	155,2
Kreisslötel:	03 3 59
Kfz-Kennteken:	STD
Updeelen:	40 Gemenen
Adress vun’n Kreisverwalten:	Am Sande 2 21682 Stade
Websteed:	landkreis-stade.de/
Landraat:	Michael Roesberg (ohn Partei)
Koort

De Landkreis Stood is en Landkreis in’n Noorden vun Neddersassen. In’n Oosten grenzt de Landkreis Stood an Hamborg, in’n Südoosten an’n Landkreis Horborg un in’n Südwesten an’n Landkreis Rodenborg (Wümm). De Grenz in’n Westen is de Oost mit den Landkreis Cuxhoben up de annere Siet. De Elv is de natürlich Grenz in’n Noorden mit de beiden Kreise Steenborg un Pinnbarg in Sleswig-Holsteen.

Inholtsverteken

1 Geografie
2 Politik
- 2.1 Kreisdag
- 2.2 Landrääd
3 Weertschop un Infrastruktur
- 3.1 Verkehr
- 3.2 Scholen
4 Historie
5 Religion
6 Kultur
7 Städer un Gemenen
8 Weblenken
9 Footnoten

Geografie [ännern]

De Landkreis warrt in’n Noordoosten vun de Elv markiert. To den Landkreis höört dat bekannte Oolland, de Landschop Kehdingen un de Stoder Geest. Dat gifft dor en poor lüttje Strööm, as t. B. de Swing, de Eest un de Lüh.

Politik [ännern]

Kreisdag [ännern]

Kreisdag
Johr \ Partei	Tall	CDU	SPD	Gröne	KWG	FWG	FDP	Linke	NPD	BR	Unafhängig
1996	60	24	22	5	4		2			1	2
2006	60	26	21	4	5		2	1	1
2011	52	19	17	7		6	1	1	1

Liddmaten

1996:

CDU: Heinrich Augustin, Karsten Behr, Helmuth Borstelmann, Johann Breuer, Johann Burfeindt, Andreas Buss, Ute Claus, Friedrich Dammann, Helmut Dammann-Tamke, Heinz Eckhoff, Jutta Fock, Hans Gosch, Thies Hardorp, Georg Hellweeg, Robert Kamprad, Hermann Krusemark, Artur Meyer, Heinz Mügge, Christine Mühlhausen, Hans‑Hermann Ott, Lüder Pott, Günther Schild, Lotte Schwander, Richard Wilke

SPD: Hermann Bardenhagen, Heinrich von Borstel, Birgit Breuer, Eva‑Maria Casper, Heinz Dabelow, Werner Dubbels, Ute‑Veronika Dürkes, Monika Ebeling, Birgit Ehrhardt, Hans‑Uwe Hansen, Dirk Ludewig, Kurt Matthies, Rudolf Näthhorn, Egon Ohlrogge, Klaus Quiatkowsky, Manfred Schild von Spannenberg, Wolfgang Schwenk, Ursula Stapelfeld, Harald Stechmann, Ernst Tilsner, Margrit Wetzel, Monika Wörmer‑Zimmermann

Gröne: Ulrich Hemke, Malte Jahn, Ulrike Mohr, Udo Paschedag, Wolfgang Weh

KWG: Peter Bredehöft, Hans Willi Heinsohn, Helmut Hudaff, Gerd Lefers

FDP: Walburga Frenzel, Lisa Peters

BR: Peter Brinkmann

Unafhängig: Helge Heyn

2011:

as Landraad: Michael Roesberg

CDU: Arnhild Biesenbach, Harald Burfeindt, Helmut Dammann-Tamke, Hans-Jürgen Detje, Udo Feindt, Michael Gosch, Oliver Grundmann, Rainer Jürgens, Robert Kamprad, Hermann Krusemark, Hans-Albert Kusserow, Silja Köpcke, Hans-Hermann Ott, Gerhard Seba, Kai Seefried, Matthias Steffen, Uwe Uhlendorf, Marianne Wiebusch, Diedrich Wohlers

SPD: Astrid Bade, Heino Baumgarten, Rolf Bredendiek, Burkhard Bönnighausen, Jochen Dammann, Ute-Veronika Dürkes, Wilfried Ehlers, Hans-Uwe Hansen, Michael Ospalski, Martina Pfaffenberger, Annika Protze, Klaus Quiatkowsky, Stefan Schimkatis, Harald Stechmann, Siegfried Stresow, Petra Tiemann, Monika Ziebarth

Gröne: Ulrich Hemke, Hartwig Holthusen, Dieter Kröger, Ingrid Meyer-Schmeling, Ursula Männich-Polenz, Hans-Joachim Raydt, Verena Wein-Wilke

FWG: Uwe Arndt, Frank Buchholz, Harald Gooßen, Bodo Klages, Gerd Lefers, Johann Schlichtmann

FDP: Rudolf Fischer

Linke: Benjamin Koch-Böhnke

NPD: Adolf Dammann

Landrääd [ännern]

Landraad	Partei	Tied
Karl Schwering		1932-1945
Heinrich Hellweeg	DP	1946-1947
Hinrich Schleßelmann	CDU	-1972
Helmut Barwig	SPD	1972-1976
Richard Toborg	CDU	1976-1989
Richard Wilke	CDU	1989-1999
Gunter Armonat	parteilos	1999-2006
Michael Roesberg	parteilos	2006-

Weertschop un Infrastruktur [ännern]

De ländlich Inwohners leevt to’n groot Deel vun de Landweertschop, besünners veel vun’n Aaftanbo (veel Appeln un Karsen). De Tall vun de Speditschonen is dorum höger as woanners. Vele Lüüd arbeidt bi de groten Ünnernehmen as Dow Chemical, AOS, Airbus oder E.ON, föhrt ober ok as Pendler no Hamborg. In’n Olen Land maakt sik ok de Tourismus ganz goot, mit vele Hotels un Kröög.

No dat Weertschopsblatt Focus Money is de Landkreis Stood eener vun de stärksden in Neddersassen un dormit beter as de Landkreis Eemsland mit de Meyer-Warft, as Soltgitter mit Salzgitter Stahl un ok as Wulfsborg mit Volkswagen. In’n Vergliek to ganz Düütschland liggt de Kreis op Platz 24. Öber Straten, Iesenbahn un de Elv is de Landkreis Stood mit Europa un de ganze Welt verbunnen.

Verkehr [ännern]

Stratenverkehr [ännern]

Mit de Bundsstraat 73 is de Landkreis teemlich good an dat Hamborger Rebeet anbunnen. Dit is de op’t mehrst bruukte Bundsstraat mit twee Spöör in Düütschland. En ne’e Autobohn A 26 warrt boot un schall bi Hamborg-Moorborg an de annern Autobohnen ansloten warrn. Dor is betherto man eerst ee Afsnidd von Stood bet Hornborg von trech. En twete Autobohn, de A 20 warrt jüst utklamüstert un schall bi Drochters öber de Elv gohn. Bit nu gifft dat twüschen Cuxhoben un Hamborg blots de ene Fähr bi Wischhoben, üm öber de Elv to komen. Vun de A 20 schall jichtensmool de A 22 afgohn un to den Wersertunnel föhren.

Iesenbahnverkehr [ännern]

De Landkreis Stood hett eenige Bohnhööv de mehrst an de Nedderelvbohn ansloten sünd. En Deel is ok an de Iesenbahnen un Verkehrsbedrieven Elv-Werser GmbH. Siet den 12. Dezember 2004 is de hele Kreis an den Hamborger Verkehrsverbund (HVV) ansloten. De HVV will mit siede Priesen in Bus un Bohn Autoföhrer to dat Iesenbahnführen rümkriegen. De Bohnhoff vun Stood schall bit Dezember 2007 an de Hamborger S-Bohn ansloten warrn. För de Industrie gifft dat in Brunshusen, en Oortsdeel vun Stood, enen Bohnhoff de mehrst vun de Dow Chemical un de beiden groten Speditschonen Bertschi un Alfred Talke bruukt warrt.

Schipperee [ännern]

Nich wiet vun de Stadt Stood is Stodersand, vun wo ene Snellfähr vun Fröhjohr bit Harvst no Hamborg föhrt. In Stodersand gifft dat enen lüttjen Hoven, de ok för de Industrie jichtensmool för Containers utboot warrn schall. No dat Affboon vun dat Stoder Atomkraftwark is nu dat Upboon vun en Kohlkraftwark in’n Snack, un de Hoven müsst wieter utboot warrn.

Scholen [ännern]

De Landkreis Stood is Dreger von de Beroopscholen Buxthu, Stood I, Stood II un Stood III, de Förderscholen Albert-Schweitzer-School in Buxthu, Astrid-Lindgren-School in Freeborg, Balthasar-Leander-School in Harsfeld, Friedrich-Fröbel-School in Stood un de Förderschool Ottenbeek un de Gymnasiums Vincent-Lübeck-Gymnasium in Stood, Athenäum in Stood un Au-Geest-Gymnasium in Harsfeld.

Historie [ännern]

De Landkreis Stood is in’t Johr 1932 ut de vörher sülvstännige Kreisen Jörk (utbenahmen de Rebeden in’n Oosten von de Eest mit Francop, Hasselwarder, Hoov, Cranz, Rübk, Nincop un Moorenn, de an den Landkreis Horborg gahn sünd), Kehdingen un Stood un de Gemenen Grootweurn, Hüll un Neeland von’n Kreis Neehuus nied schopen wurrn.

Baas von de Kreisarchäologie is Dietrich Alsdorf, as Nafolger von Diether Ziermann.

Religion [ännern]

Dat Kreisrebeet is tomeist evangelsch-luthersch instellt. De Karkengemenen höört to de Landskark Hannober. Kathoolsche Gemenen, de to dat Bisdom Hilmessen tellt, hebbt sik sünners na den Krieg bildt tomeist dör de Towannerten vör allen ut Slesien un dat Ermland, aver ok vun Gastarbeiders ut Süüdeuropa oder Utsiedlers ut Oosteuropa. In de letzten Johren geev dat vele, de ut de Karken rutgahn sünd. Dorüm sünd de Karken dorbi, sik nieg to orden. T. B. weern de kathoolschen Karkengemenen vun Zeven un Rodenborg tohopenfaat to de „Seelsorgeenheit Rodenborg-Zeven“. In’n Kreis leevt aver ok vele Muslime, Liddmaten vun Freekarken un Tügen vun Jehova.