Francop

Wapen/Flagg

Koort

Basisdaten

Bundsland: Hamborg

Flach:

9,1 km²

Inwahners:

605 (2010-12-3131. Dezember 2010)

Inwahnerdicht:

66,5 Inwahners pro km²

Postleettall:

2....

Vörwahl:

040

Geograafsche Laag:

Koordinaten:53° 30′ N, 9° 51′ O53° 30′ N, 9° 51′ O

Grenzen bi OSM:

29208

Francop is en Deel von de Stadt Hamborg (Bezirk Horborg).

Geografie[ännern | Bornkood ännern]

Francop liggt in’n Oosten von Oolland (drüdde Miel) in de Masch un löppt as Stratendörp in en Afstand von so bi 500 m an de Finkwarder Süderelv langs. De Anbo von Appels un Kassbeern is hier noch jümmer wichtig un dat gifft nooch en Reeg ole Neddersassenhüüs. In’n Süden von Francop kummt na de Masch en Striepen Moor (Naturschuulrebeed Moorgördel) bevör de Geest denn anfangt.

In’n Noorden liggt Finkwarder, in’n Oosten Oolwarder, in’n Süüdoosten Moorborg un Huusbrook, in’n Süden Neegraven-Fischbeek un in’n Westen Neefeld.

De Finkwarder Süderelv in’n Noorden von Francop steiht ünner Naturschuul.

Historie[ännern | Bornkood ännern]

Francop kummt 1235 toeerst in de Oorkunnen vör. De Oort is aver wohrschienlich in dat 12. Johrhunnert grünnt worrn, as Hollanners in de Hollerkolonisation in Oolland Öörd grünnt hebbt. De Naam kummt wohrschienlich von en Vörnaam Franko oder Franke verbunnen mit de Achtersülv -koop.

Vör 1852 hett Francop to dat Gericht Francop höört un denn to dat Amt Jörk. Von 1885 bet 1932 weer dat in’n Kreis Jörk un is denn Deel von’n Landkreis Horborg worrn. Aver al mit dat Groot-Hamborg-Gesett von 1937 is de Oort denn an Hamborg kamen.

In’n Eersten Weltkrieg sünd 38 Soldaten ut Francop fullen oder vermisst un in’n Tweten Weltkrieg 52^[1].

Bi de Stormflood 1962 is ok in Francop de Diek braken.

Inwahnertall[ännern | Bornkood ännern]

Johr	Inwahners
1824-00-001824^[2]	699
1848-00-001848^[3]	702 Lüüd, 89 Hüüs
1910-12-011. Dezember 1910^[4]	686

Politik[ännern | Bornkood ännern]

Wahlen[ännern | Bornkood ännern]

	SPD	CDU	FDP	Gröne-GAL	De Linke	Annere
Börgerschopswahl 2011	45,4 %	31,5 %	13,5 %	04,5 %	01,5 %	03,6 %
Börgerschopswahl 2008	25,9 %	59,3 %	05,5 %	04,5 %	03,1 %	01,7 %
Börgerschopswahl 2004	23,5 %	59,3 %	03,7 %	06,6 %	–	06,9 %
Börgerschopswahl 2001	23,0 %	38,1 %	09,0 %	05,2 %	00,3 %¹⁾	24,4 %²⁾
Börgerschopswahl 1997	36,8 %	35,8 %	04,7 %	09.0 %	–	13,7 %³⁾
Börgerschopswahl 1993	38,7 %	36,4 %	05,9 %	06,6 %	–	12,4 %⁴⁾
Börgerschopswahl 1991	43,2 %	46,2 %	03,0 %	03,6 %	–	04,0 %
Börgerschopswahl 1987	39,7 %	52,4 %	04,5 %	03,2 %	–	00,2 %
Börgerschopswahl 1986	35,3 %	52,9 %	04,0 %	06,3 %	–	01,5 %
Börgerschopswahl Dez. 1982	38,8 %	52,8 %	02,8 %	05,6 %	–	–
Börgerschopswahl Juni 1982	32,1 %	56,5 %	02,8 %	08,1 %	–	00,5 %
Börgerschopswahl 1978	42,6 %	49,6 %	04,9 %	01,5 %⁵⁾	–	01,4 %
Börgerschopswahl 1974	34,9 %	52,0 %	11,7 %	–	–	01,4 %
Börgerschopswahl 1970	44,7 %	41,2 %	07,8 %	–	–	06,3 %⁶⁾
Börgerschopswahl 1966	39,5 %	48,4 %	07,1 %	–	–	05,0 %⁷⁾

¹⁾ As PDS/Linke List.
²⁾ Mit 22,7% för de Schill-Partei.
³⁾ Mit 5,3% för de DVU.
⁴⁾ Mit 6,6% för De Republikaners.
⁵⁾ As Bunte Liste - Wehrt Euch.
⁶⁾ Mit 6,0% för de NPD.
⁷⁾ NPD.

Kultur[ännern | Bornkood ännern]

In Francop gifft dat en Denkmaal för de Fullenen ut de twee Weltkrieg’.

Weertschop un Infrastruktur[ännern | Bornkood ännern]

Na Neegraven hen gifft dat en Windpark mit 13 Windrääd.

Verkehr[ännern | Bornkood ännern]

Francop liggt as Stratendörp an de Straat Veertigstücken/Hogenwischer Straat/Achterdiek, de in’n Westen na Neefeld un denn över Hoov un Eestbrügg na Jörk löppt. In’n Süüdoosten löppt de Straat na Neegraven. Na Oosten geiht de Moorbörger Schanz na Moorborg. De nächste Opfohrt op de Autobahn is so bi söss Kilometer weg (Opfohrten Waltershoff un Moorborg op de Autobahn 7).

In’n Noorden von Francop schall in Tokumst de Oortsumgehung Finkwarder langslopen un in’n Süden de Autobahn 26.

De nächste Bahnhoff von de S-Bahn Hamborg (Lien S3) is in Neegraven.