Samtgemeen Lüh

Vun Wikipedia
Wapen/Flagg Koort

Wapen vun de Samtgemeen Lüh

Samtgemeen Lüh
Laag vun Samtgemeen Lüh in Düütschland
Basisdaten
Sitt: Steenkark
Landkreis: Stood
Flach: 57,93 km²
Inwahners: 9939 (31. Dezember 2016)
Geograafsche Laag: 53° 33′ N, 9° 36′ O
Grenzen bi OSM: 444930 444930
Gemeenslötel: 03 3 59 406
Tall Gemenen: 6
SG-Börgermeester: Michael Gosch (CDU)
Websteed: www.luehe-online.de
Koort
Kreis
Karte
Balje (Neddersassen)Krummendiek (Neddersassen)Freiborg (Elv)ÖderquartGemeen WischhobenGemeen DrochtersGrootweurnGemeen EngelschoppHammahDüünbeudelGemeen HimmelpoortenGemeen BurwegGemeen KronenborgGemeen EsdörpOlendörpGemeen HeinbockelGemeen StoodDeinstGemeen FreenbeekGemeen KutenhultGemeen JörkGemeen BuxthuGemeen ObbensGemeen BeekdörpGemeen SounsiekGemeen OhlersGemeen BrestBargstGemeen HarsfeldNottensdörpBliersdörpHornborgDollernGothenborgLandkreis StoodNeddersassenLandkreis CuxhobenLandkreis RodenborgLandkreis HorborgHamborgSleswig-HolsteenSleswig-HolsteenGreundiekMittelskarkNeekark (Olland)GauderhandviddelSteenkark (Olland)Hullern-Twielenfleth
Laag von de Gemeen Samtgemeen Lüh in’n Landkreis Stood (Koort lett sik anklicken)

De Samtgemeen Lüh is en Rebeetsverband in’n Landkreis Stood, Neddersassen. Se hett 9939 Inwahners (Stand 31. Dezember 2016) un liggt dicht bi Stood in Oolland.

Geografie[ännern | Bornkood ännern]

Samtgemenenopdelen[ännern | Bornkood ännern]

De Samtgemeen besteiht ut de söss Gemenen Gauderhandviddel, Greundiek, Hullern-Twielenfleth, Mittelskark, Neekark un Steenkark.

Historie[ännern | Bornkood ännern]

De Samtgemeen hett sik an’n 1. Januar 1971 grünnt.

Anfang September 2018 is de Verwaltung von de Samtgemeen in en neet Raadhuus intagen.[1] Dat Gebüüd hett 1300 m² op twee Etaaschen.[2] Op dat Gelänn stünn vörher en Rewe-Supermarkt.[2] De Besitter von dat Grundstück weer Wilken Simonsen ut Finkwarder.[1] He hett 2017 bet 2018 ok dat ne’e Gebüüd boot un dat denn för en fasten Pries von 3,2 Milljonen Euro an de Samtgemeen verköfft.[1] Dat ole Raadhuus in de Straat Huttfleth 18 warrt 2019 to en Kita ümboot.[1]

Inwahnertall[ännern | Bornkood ännern]

Johr Inwahners[3]
1972-12-3131. Dezember 1972 7.899
1977-12-3131. Dezember 1977 8.857
1982-12-3131. Dezember 1982 9.476
1987-12-3131. Dezember 1987 8.940
1992-12-3131. Dezember 1992 9.662
1997-12-3131. Dezember 1997 9.910
2002-12-3131. Dezember 2002 10.113
2007-12-3131. Dezember 2007 9.895
2012-12-3131. Dezember 2012 9.725
2017-12-3131. Dezember 2017 9.979

Politik[ännern | Bornkood ännern]

Samtgemeenderaat[ännern | Bornkood ännern]

Sitten in’n Samtgemeenraat
Johr CDU SPD FWGL Gröne FDP
2006 9 9 2 1 1
2011[4] 9 5 3 3 -

Samtgemeenbörgermeesters[ännern | Bornkood ännern]

Dat Amt von’n Samtgemeenbörgermeester weer bet to dat Enn von de Tweegleisigkeit 1998 ehrenamtlich. Siet 1998 is de Börgermeester in’t Hauptamt för de Verwaltung von de Samtgemeen tostännig.

  • 1976–1990: Oskar Jungmann
  • 1990–1998: Hans Gosch
  • 1998–2006: Günter Schargus
  • 2006–31. Oktober 2014: Hans Jarck (SPD)
  • 1. November 2014–: Michael Gosch (CDU)

Samtgemeendirekters[ännern | Bornkood ännern]

Dat Amt von’n Samtgemeendirekter is 1998 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.

  • 1971–1986: Hans Lorenzen
  • 1986–: Friedrich Schnirring

Weertschop un Infrastruktur[ännern | Bornkood ännern]

In de Samtgemeen Lüh gifft dat mehrstendeels de Bueree mit veel Aaftanbo.

Besünners wichtig sünd de Touristen in'n Oolland, tomehrst ween de Kars- un annere Aaftbööm bleiht.

Verkehr[ännern | Bornkood ännern]

De Samtgemeen is över dree Busstreken ansloten:

  • 2357 Stood - Hullern-Twielenfleth - Steenkark - Jörk - Hamborg-Cranz;
  • 2030 Buxtuud - Dammhuusen - Jörk - Borstel - Steenkark;
  • 2033 Greundiek - Steenkark - Hornborg (blots wenn School is).

Mit de Lüh-Schulau-Fähr köönt de Lüüd op de annere Kant vun de Elv kamen (no Wedel). Von 1996 bet 2007 is ok de Elv-City-Jet vun Stood no Hamborg föhrt un hett an’n Lüh-Anlegger in Lüh hollen.

Scholen[ännern | Bornkood ännern]

De Samtgemeen Lüh is Dreger von de Oberschool Steenkark un von de Grundscholen Gauderhandviddel, Hullern-Twielenfleet un Steenkark.

Ver- un Entsorgung[ännern | Bornkood ännern]

För dat Afwater is de Afwaterverband Oolland un Geestrand mit dat Klärwark Wetterndörp tostännig.

Footnoten[ännern | Bornkood ännern]

  1. a b c d Björn Vasel: Neues Rathaus in Betrieb genommen, Stader Tageblatt an’n 4. September 2018
  2. a b Lena Stehr: Grundstein für das neue Rathaus in Steinkirchen ist gelegt, Wochenblatt an’n 18. Juli 2017
  3. Daten von dat Landsamt för Statistik Neddersassen
  4. http://www.luehe-online.de/index.php?id=365

Weblenken[ännern | Bornkood ännern]

Samtgemeen Lüh. Mehr Biller, Videos oder Audiodateien to’t Thema gifft dat bi Wikimedia Commons.

Wohrschau: De DEFAULTSORTKEY „Luh Samtgemeen“ överschrifft den vörher bruukten Slötel „Lüh“.