Oederquart

Vun Wikipedia
Wapen/Flagg Koort

Wapen vun Oederquart

Oederquart
Laag vun Oederquart in Düütschland
Basisdaten
Bundsland: Neddersassen
Landkreis: Stood
Samtgemeen: Noordkeden
Flach: 37,01 km²
Inwahners: 1031 (31. Dezember 2022)
Hööchd: 0 m över de See
Postleettall: 21734
Vörwahl: 04779
Geograafsche Laag:
Koordinaten:53° 47′ N, 9° 17′ O
53° 47′ N, 9° 17′ O
Grenzen bi OSM: 446463 446463
Gemeenslötel: 03 3 59 035
Öörd in de Gemeen: 1
Börgermeester: Heinz Mahler (FWG)
Websteed: www.oederquart.de
Koort
Kreis
Karte
Balje (Neddersassen)Krummendiek (Neddersassen)Freiborg (Elv)ÖderquartGemeen WischhobenGemeen DrochtersGrootweurnGemeen EngelschoppHammahDüünbeudelGemeen HimmelpoortenGemeen BurwegGemeen KronenborgGemeen EsdörpOlendörpGemeen HeinbockelGemeen StoodDeinstGemeen FreenbeekGemeen KutenhultGemeen JörkGemeen BuxthuGemeen ObbensGemeen BeekdörpGemeen SounsiekGemeen OhlersGemeen BrestBargstGemeen HarsfeldNottensdörpBliersdörpHornborgDollernGothenborgLandkreis StoodNeddersassenLandkreis CuxhobenLandkreis RodenborgLandkreis HorborgHamborgSleswig-HolsteenSleswig-HolsteenGreundiekMittelskarkNeekark (Olland)GauderhandviddelSteenkark (Olland)Hullern-Twielenfleth
Laag von de Gemeen Oederquart in’n Landkreis Stood (Koort lett sik anklicken)

Oederquart is en Oort in’n Landkreis Stood un höört to de Samtgemeen Noordkeden. Se hett 1031 Inwahners (Stand 31. Dezember 2022). De Düütsche Fährstraat löppt dör dat Dörp.

Bi dat Kaspel un de Gemeen Öderquart höört von öllers ok en Reeg annere Öörd mit to. Dat sünd: Landsbrügg, Hollerdiek, Schinkel, Klinten, Hogenlucht, de Seeweg, de Gehrener Sietwenn, Kaidiek, Döös, Döösmoor, Brook, de Hööv Feldhoff, Bredenhoff, Barkenborg un Tegelhoff, de Göder Örichsheil, Döös, Brookhoff, Klinten, Hogenlucht, Seeborg un Neehoff un Delen von Wetterdiek.

Historie[ännern | Bornkood ännern]

De Historie vun den Oort is in dree Tieden intodeelen. Dat geev de Chauken- oder Sassentied; dor no keum in'n 12. Johrhunnert de Kolonisatschoon vun de Hollänner un in de letzten Johrhunnerte de Moor-Kolonisatschoon.

Dat eerste Mool is de Oort 1331 in en Urkunn beneumt worrn.

De Oort weer vör 1885 Deel von dat Amt Freeborg un weer denn in’n Kreis Keden. 1932 is dat an’n Landkreis Stood kamen.

2015 hebbt de Gemeenrääd in de Samtgemeen Noordkeden beslaten, dat se as Eenheitsgemeen tohoopgahn wüllt. Dat schull to’n 1. Januar 2017 passeren.[1] Dör en Börgerentscheid in de Gemeen Wischhoben an’n 29. November 2015 hebbt sik de Börgers von Wischhoben mit 68 % gegen de Eenheitsgemeen utspraken. Dormit weren de Plaans to Fall brocht un de Samtgemeen blifft bestahn.[2]


Inwohners[ännern | Bornkood ännern]

  • 1925 1620 Inwohners
  • 2003 1300 Inwohners (ca.)

Noom[ännern | Bornkood ännern]

De ole Schriefwies Oderichwart oder Oderikwordt wiest all up de Tied mit dat Wohnen up Warften hin. En Oderich oder Oderik het wohl up en lüttjet Eiland en Warft upschüt't. Dit is sachts noch bi enen Bult bi Oerichsheil to sehn. No de eerste Urkunn het sick de Schriefwies mannigmol ännert: 1331 Oderkort, Oderquerd, 1346 Oderkart, 1347 Oderquart, 1357 Oderquart, 1420 Oderquat, 1448 Odernkwurdt, 1459 Oderkwart (an de ole Karkenklock), 1500 Oderckwurdt, 1507 Oderiquardt un Oderkwurdt, 1555 Orquark, 1566 Orquardt, 1581 Oderquart, 1584, 1586, 1612, 1618, 1620 Oderquart, Oderquardt oder Oderquartt. Up Melchior Lorck sien „sehr spezieller Charte des Elbstroms“ vun 1568 warrt de Oort Orckwardt neumt. Nöördlich dicht dorbi is en Bowark wie een Slott mit den Naam Ohrborg wiest, wat up jeden Fall dat hüüttodags dat Goot Oerichsheil is.

Dar Dörp Oederquart höört to de "Klinter Buernshoop", dorüm is antonehmen, dat de ersten Siedlungen noch öller sünd. De Naam klinten bedüüt soveel wie Anbarg, Affal vun dat Land oder ok Afsacken in ene Deep, villicht to de "Waterkant" vun Sietwende. Up de Koort vun Lorck find't man en Hupendörp mit Beum, dat Ohrdorp heet. villicht werr dormit Klinten meent. De Schriefwies vun Öörd is eerst 1777 dör dat Statistisch-topographsch Sammeln vun den Oosterhulter Böveramtmann Christoph Barthold Scharf teemlich good in de Reeg bröcht wurrn.

Ut de Oederquarter Gemeen-Chronik (schreeven vun Hermann Poppe, 1955)

Religion[ännern | Bornkood ännern]

Oederquart is evangeelsch-luthersch präägt un billt mit de Johannis-Kark en egen Kaspel.

För de Kathoolschen is de Hillig-Geist-Kark in Stood tostännig.

Politik[ännern | Bornkood ännern]

Gemeenderoot[ännern | Bornkood ännern]

De Gemeenderoot hett siet de letzte Wohl an'n 10. September 2006 ölven Rootsmitgleder.

Sitten in’n Gemeenderoot
Johr CDU SPD FWG
2006[3] 2 2 7
2011[4] 4 2 5

Börgermeester[ännern | Bornkood ännern]

  • vör 2011: Hans-Heinrich Janßen (FWG)
  • na 2011: Heinz Mahler (FWG)

Wapen[ännern | Bornkood ännern]

Dat Wapen in Root wiest enen sülvernen Linnenboom up en greune Warft.

Kultur un wat to bekieken is[ännern | Bornkood ännern]

  • Thingsteed: Disse beropene Platz in Oederquart wöör bit 1852 de Wohlsteed för de Hööfdlüüd.

In Oederquart warrt jümmer an’n eersten Advent bi de Kark Wiehnachtsmarkt fiert.

Sport[ännern | Bornkood ännern]

MTSV Oederquart vun 1922 e.V.

Weertschop un Infrastruktur[ännern | Bornkood ännern]

De Volksbank Keden hett in Oederquart in de Dörpstraat 58 en Filiaal un de Kreisspoorkass Stood in de Dörpstraat 57.

Scholen[ännern | Bornkood ännern]

De Gemeen hett vun 1975 aff an enen Kinnergoorn för 35 Kinner un dree Schoolmeesters. De egene Grundschool Öderquart hett mit dat Enn von dat Schooljohr 2013/2014 dichtmaakt, von wegen dat de Schölertallen to dull dalgahn sünd. De Kinner gaht nu na de Grundschool Freeborg. Op Wunsch von de Öllern dröfft de Kinner aver ok na de Grundschool Balje oder Grundschool Wischhoben gahn.

De Bökeree mit öber 1.200 Böker hett een mol in de Week open.

Weblenken[ännern | Bornkood ännern]

Oederquart. Mehr Biller, Videos oder Audiodateien to’t Thema gifft dat bi Wikimedia Commons.

Footnooten[ännern | Bornkood ännern]

  1. Fusion auf den Weg gebracht, Stader Tageblatt an’n 22. Juli 2015
  2. Einheitsgemeinde ist gekippt, Stader Tageblatt an’n 30. November 2015
  3. http://www.nordkehdingen.de/UPLOADS/PDFDatein/Wahloederquarttabelle.pdf
  4. http://www.nordkehdingen.de/uploads/Oederquart.pdf