Rübk

Vun Wikipedia
Wapen/Flagg Koort

Wapen vun Rübk

Rübk
Laag vun Rübk in Düütschland
Basisdaten
Bundsland: Neddersassen
Landkreis: Horborg
Gemeen: Vosshusen
Flach: 3,92 km²
Inwahners: 583 (2016-12-01[1])
Inwahnerdicht: 148,7 Inwahners pro km²
Postleettall: 21376
Vörwahl: 04172
Geograafsche Laag:
Koordinaten:53° 29′ N, 9° 46′ O
53° 29′ N, 9° 46′ O
RübkVosshusen (Oortschop)Raad (Landkreis Horborg)SwiersdörpIlsdörp
Laag von Rübk in de Gemeen Vosshusen (Koort lett sik anklicken)

Karte

Rübk oder Rüb (hoochdüütsch Rübke) is en Dörp in de Gemeend Vosshusen in’n Landkreis Horborg. Bi Rübk höört ok de Öörd Finkenriek un Nincoperdiek bi.

Geografie[ännern | Bornkood ännern]

Rübk liggt in’n Oosten von Oolland in de Masch. Dat is binnen den Landkreis Horborg de Oort, de opwiedst in’n Noorden liggt. Dat Dörp liggt an’n Noordrand von de Naturschuulrebeden Moor bi Buxthu un Moorgördel.

De Naveröörd sünd Neefeld in’n Noordoosten, Vosshusen in’n Süüdoosten, Öbergünn in’n Süden, Buxthu in’n Süüdwesten un Moorenn in’n Noordwesten.

Historie[ännern | Bornkood ännern]

Rübk kummt 1335 as Redbeke toeerst in de Oorkunnen vör. De Naam kummt von de Wöör Reet un Beek, de sik mit de Tied afslepen hebbt.

Von 1885 bet 1932 hett Rübk to’n Kreis Jörk tohöört (vörher to dat Amt Jörk) un is denn Deel von’n Landkreis Horborg worrn. Mit de Gemeenreform in Neddersassen to’n 1. Juli 1972 in Neddersassen is Rübk denn Deel von de Gemeen Vosshusen worrn.

In’n Eersten Weltkrieg sünd 22 Soldaten ut Rübk fullen oder vermisst un in’n Tweten 15[2].

Bi de Stormflood 1962 weer Rübk ok swoor drapen. Dat Water keem von twee Sieden, von Neefeld un von Eestbrügg, un de Hüüs stünnen bet ünner’t Dack ünner Water. Veel Veh is verdrunken un ok een Minsch.

Inwahnertall[ännern | Bornkood ännern]

Johr Inwahners
1848-00-001848[3] 327 Lüüd, 60 Hüüs
1910-12-011. Dezember 1910[4] 353
1925-00-001925[5] 397
1933-00-001933[5] 399
1939-00-001939[5] 350

Wapen[ännern | Bornkood ännern]

Dat Wapen von Rübk wiest vörn op gollen Grund en swarten Dweerbalken un achtern op grönen Grund en sülvern Escher.

Religion[ännern | Bornkood ännern]

Rübk is evangeelsch-luthersch präägt un höört to dat Kaspel von de Martini-Kark in Eestbrügg.

För de Kathoolschen is de St.-Maria-Kark in Buxthu tostännig.

Kultur[ännern | Bornkood ännern]

Kriegerdenkmaal
Füürwehrhuus in Rübk

In Nincoperdiek steiht en Denkmaal för de Fullenen ut de twee Weltkrieg’.

Rübk hett en egen Freewillige Füürwehr, de 1934 grünnt worrn is.

Weertschop un Infrastruktur[ännern | Bornkood ännern]

Appelaust in Rübk

Verkehr[ännern | Bornkood ännern]

Rübk liggt an de Kreisstraat 19, de in’n Süüdwesten in de K 40 övergeiht un na Buxthu löppt. In’n Oosten löppt de K 19 bi Nincoperdiek an de L 235 ran, de in’n Noorden na Neefeld löppt un in’n Süden na Vosshusen. Lüttjere Straten loopt na Öbergünn, Vosshusen un Moorenn.

De plaante Autobahn 26 (Afsnidd StoodHamborg) schall so bi 200 Meter süüdwarts von Rübk langslopen. De Opfohrt 8 Vosshusen liggt denn glieks bi dat Dörp an de L 235.

De nächste Bahnhoff is de Bahnhoff Buxthu an de Nedderelvbahn von Cuxhoben na Horborg un liggt bi söss Kilometer wied weg in’n Süüdwesten. Mit veer Kilometer noch dichter bi is de Bahnhoff Vosshusen, an den de Lien S3 von de S-Bahn Hamborg höllt.

Ünnernehmens[ännern | Bornkood ännern]

Rübk hett en SB-Filiaal von de Spoorkass Stood-Oolland.

Footnoten[ännern | Bornkood ännern]

  1. „Wissenswertes über die Gemeinde Neu Wulmstorf“, Stand der Einwohnerzahlen: Dezember 2016, Faltblatt der Gemeinde Neu Wulmstorf, Januar 2017
  2. http://www.denkmalprojekt.org/2009/neu_wulmstorf-ruebke_wk1u2_ns.htm
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 151: http://books.google.de/books?id=eOI-AAAAcAAJ&pg=PA151
  4. http://www.gemeindeverzeichnis.de/gem1900/gem1900.htm?hannover/jork.htm
  5. a b c http://www.verwaltungsgeschichte.de/harburg.html

Weblenken[ännern | Bornkood ännern]

Rübk. Mehr Biller, Videos oder Audiodateien to’t Thema gifft dat bi Wikimedia Commons.