Landkreis Deefholt

Vun Wikipedia
Wesseln na: Navigatschoon, Söök
Wapen Koort
Wapen vun’n Landkreis Deefholt Laag vun’n Landkreis Deefholt in Düütschland
Grunddaten
Bundsland: Nedersassen
Kreisstadt: Deefholt
Flach: 1.987,64 km²
Inwahners: 215.648(31. Dezember 2005)
Inwahnerdicht: 108
Kreisslötel: 03 2 51
Kfz-Kennteken: DH
Updeelen: 47 Gemenen
Adress vun’n
Kreisverwalten:
Niedersachsenstraße 2
49356 Deefholt
Websteed: landkreis-diepholz.de
Landraat: Gerd Stötzel
(ohn Partei)
Koort
Laag vun’n Landkreis Deefholt in Nedersassen

De Landkreis Deefholt is en Landkreis in de Midden vun Neddersassen. He grenzt in'n Noorden an Bremen, in'n Noordoosten un Oosten an den Landkreis Veern, in'n Süüdoosten un Süüd-Süüdoosten an den Landkreis Nienborg/Werser, in'n Süden an den Kreis Minnen-Lübbecke in Noordrhien-Westfalen, in'n Süüd- Süüdwesten un Westen an den Landkreis Ossenbrügge, in'n Süüdwesten un Westen an den Landkreis Vechte, in'n Noordwesten an den Landkreis Ollnborg un in'n Noord-Noordwesten an de kreisfree Stadt Demmost.

Historie[ännern | Bornkood ännern]

De Landkreis is noch nich oolt. 1977 sünd bi de Kreisreform in Neddersassen de beiden Landkreisen Landkreis Graafschop Hoya un Landkreis Graafschop Deefholt tohopenslaten wurrn. Dor kümmt ok dat hüdige Wapen vun her: De Lööw is dat Teken vun den Deefholter Graafen, de Boornklau fünn sik in dat Wapen vun de Grafen to Hoya.


Politik[ännern | Bornkood ännern]

Kreisdag[ännern | Bornkood ännern]

De Kreisdag sett sik so tohopen:

CDU SPD FDP GRÖÖN Links. Tohopen
2006 27 22 7 5 1 62

(Stand: Wahl an'n 10. September 2006)

Landrööt[ännern | Bornkood ännern]

  • 1977–1986: Heinz Zurmühlen (CDU)
  • 1986–1996: Josef Meyer (CDU)
  • 1996–2001: Helmut Rahn (CDU)
  • siet 2001: Gerd Stötzel (ersten Landraat, de direkt wählt is un dat vun Beroop maakt; ohn Partei)

Verwalten[ännern | Bornkood ännern]

De Behöörd vun de Kreisverwalten is mit ehr verscheden Ämter („Fackdensten“) to'n groten Deel in dat Kreishuus in Deefholt ünnerbröcht. Lüttjere Delen vun de Verwalten finnt sik noch in dat Kreishuus in Syke (Slottweid/Amtshoff), man in dat Johr 2004 is de „Butenstell Syke“ to'n gröttsten Deel uplööst wurrn.

Baas vun de Verwalten weer vun 1977 bit 2001 de Överkreisdirektor (ÖKD). Vun 2001 af an is dat de Landraat, de direkt vun de Inwahners wählt wurrn is un de dat ok as Beroop utöven deit.

Överkreisdirektoren[ännern | Bornkood ännern]

Weertschop un Infrastruktur[ännern | Bornkood ännern]

De gröttste Rull speelt de Weertschop in'n Noorden vun den Landkreis in den Speckgördel üm Bremen ümto. Dor liggt de gröttsten Gemeenden un Städer vun den Kreis: Stuhr, Weyhe un Syke. In de groten Bedrievenparks gifft dat allerhand Grootmarkten vun bekannte Ünnernehmen as IKEA. In'n Süden na Noordrhien-Westfalen to warrt mehr Bueree bedreven, ofschoonst dat in de Samtgemeende Ooltamt Lemförde vunwegen de groten Industriebedrieven ZF Lemförder Fahrwerktechnik un Elastogan (höört to de BASF-Grupp) bannig veel Arbeitsplätz gifft.

Verkehr[ännern | Bornkood ännern]

Dör den Landkreis löppt de A 1 vun Bremen na Ossenbrügge. An dat Autobahndreeck Stuhr schall tokünftig de A 28 na Ollnborg un de Nedderlannen anslaten weern.

Scholen[ännern | Bornkood ännern]

  • 4 Kooperative Gesamtscholen mit al Schooltwiegen, wo en wieter up lehren kann (twee in Weyhe un twee in Stuhr)
  • 5 Gymnasien (in Deefholt, Twustern, Sulingen, Syke, Brooksen-Vilsen)
  • 4 Hööftscholen (in Deefholt, Sulingen, Syke, Bassen)
  • 4 Realschulen (in Deefholt, Sulingen, Syke, Bassen)
  • 10 Hööft- un Realscholen (in Karkdörp, Lemförde, Swabern, Ehrenborg, Varrel, Twustern, Barnstrup, Brooksen-Vilsen, Rehrn, Wagenfeld)
  • 2 Beroopscholen (in Deefholt (mit Butenstell in Bassen un Sulingen), Syke
  • Volkshoochschool (Hööftstell Syke)

Kultur[ännern | Bornkood ännern]

Üm allens, wat de Kultur angeiht, kümmert sik de Landschopsverband Werser-Hunte, de Vereen „Kunst in de Provinz“, de Kreismusikschool, de Städer un Gemeenden ehr Beupdragten för Kultur, de Karkengemeenden, de Kreisspoorkass un allerhand private Gruppen un Verenen, as de Heimat-, Umwelt- un Kulturvereen „Eule“ e.V. in Schwarme, de Kulturvereen Sulingen e.V., „Jazz Folk Klassik in Syke e.V.“, „Rüttelschuh in der Wassermühle e.V.“ in Syke-Barrien, „KunstVereinSyke e.V.“ u.a.

Vun 1989 af an hett de Landkreis den Kulturpries vun den Landkreis Deefholt utschreven. Dor will he Künstlers un anner Lüde ut de Gegend mit föddern, de sik mit Kultur befaten doot. Ok könnt se den Pries tospraken kriegen, wenn se sik dat mit jem ehr Levenswark verdeent hefft.

Dat „Kreisarchiv Landkreis Deefholt“ is dat Archiv vun de Verwalten vun düssen Landkreis, sotoseggen ehr Gedächtnis. Dor staht Akten vun 1770 af an, Karten, Urkunnen (vun 1458 af an), Nalatenschoppen un ole Utgaven vun de Dagblöer ut de Gegend. Schöler, Studenten, Lüde vun de Wetenschop un Schrieverslüde könnt sik dat dor ankieken. Ünnerbröcht is dat Archiv in de ole School för Landweertschop, nich wiet af vun den Deefholter Bahnhoff.

Städer un Gemeenden[ännern | Bornkood ännern]

Sülvstännige Gemeenden

  1. Bassen, Stadt (16.289)
  2. Deefholt, Stadt (16.652)
  3. Stuhr (32.842)
  4. Sulingen, Stadt (13.248)
  1. Syke, Stadt (25.841)
  2. Twustern, Stadt (12.558)
  3. Wagenfeld (7.176)
  4. Weyhe (30.378)

Samtgemeenden mit de Gemeenden, de dor tohöört

* Sitt vun de Verwalten vun de Samtgemeende

  1. Brookm oder Broubm (1.087)
  2. Hüde (1.049)
  3. Lembrouk (1.011)
  4. Lemförde, Flecken * (2.873)
  5. Marl (570)
  6. Quernheim (452)
  7. Stemshorn (725)
  1. Baarnstrup, Flecken * (6.040)
  2. Drebber (3.049)
  3. Drentwede (1.058)
  4. Eidelstee (1.912)
  1. Asendörp (3.154)
  2. Brooksen-Vilsen, Flecken * (6.172)
  3. Engeln (1.140)
  4. Mattfeld (2.970)
  5. Swarm (2.513)
  6. Süst (1.591)
  1. Bornbössel (1.318)
  2. Baarnborg, Flecken (1.289)
  3. Freestatt (955)
  4. Karkdörp * (2.741)
  5. Varrel (1.776)
  6. Wehrbleck (867)
  1. Barver (1.091)
  2. Dickel (512)
  3. Hemzel (651)
  4. Rehrn * (1.818)
  5. Wetschken (1.772)
  1. Affinghusen (899)
  2. Ehrenborg (1.646)
  3. Neenkarken (1.170)
  4. Scholen (850)
  5. Swabern * (1.496)
  6. Suwohle (1.115)
  1. Bössel (1.421)
  2. Maasen (548)
  3. Mellgenhusen (1.094)
  4. Sie’enborg, Flecken * (1.297)
  5. Staaste (596)