Baarnborg

Vun Wikipedia
Wapen/Flagg Koort

Wapen vun Baarnborg

Baarnborg
Laag vun Baarnborg in Düütschland
Basisdaten
Bundsland: Neddersassen
Landkreis: Deefholt
Flach: 16,38 km²
Inwahners: 1.264 (2006-12-3131. Dezember 2006)
Inwahnerdicht: 77,2 Inwahners pro km²
Hööchd: 35 m över de See
Postleettall: 27245
Vörwahl: 04273
Geograafsche Laag:
Koordinaten:52° 22′ N, 8° 29′ O
52° 22′ N, 8° 29′ O
Grenzen bi OSM: 1675311 1675311
Börgermeester: André Meyer, ohn Partei
Websteed: www.barenburg.de
Karte

Baarnborg is en Flecken in den Landkreis Deefholt in Neddersassen.

Laag[ännern | Bornkood ännern]

Baarnborg liggt tuschen den Dümmer See un dat Steinhuder Meer in de Midden twuschen Bremen un Minden. De Gemeen höört na de Samtgemeende Karkdörp to. De ehr Seet is in Karkdörp.

Historie[ännern | Bornkood ännern]

To'n eersten Mol steiht vun de Gemeen wat in en Urkunn ut dat Johr 1247 to lesen. 1285 warrt ok to'n eersten Mol wat vun en Borg mit Naam Baarnborg schreven. De is denn in dat Johr 1338 tohopen mit de Herrschop Olen-Brooksen na de Graafschop Hoya kamen. 1434 is de Hartog Wilhelm vun Bruunswiek-Lüümborg ankamen un hett de Borg innahmen. Achterna is se noch en paar Mol as Pand wiedergeven wurrn un amenne is se denn to Dutt fullen. Vun dat Dörp Baarnborg is to'n eersten Mol wat in dat Johr 1530 to höörn. Dor weer dat al en Flecken.

Politik[ännern | Bornkood ännern]

Gemeenderaat[ännern | Bornkood ännern]

In den Gemeenderaat vun Baarnborg sitt 11 Raatlüde (Mannlüde un Froonslüde), all ohn Partei.

Börgermeester[ännern | Bornkood ännern]

De ehrenamtliche Börgermeester André Meyer is an'n 9. September 2001 wählt wurrn.

Wat los is in Baarnborg un wat een sik ankieken kann[ännern | Bornkood ännern]

Bowarken[ännern | Bornkood ännern]

Bi de Baarnborger Kark sünd noch Delen vun de Muern vun de Kapell To'n Hilligen Krüüz ut dat 12. Johrhunnert to sehn.

Weertschup un Verkehr[ännern | Bornkood ännern]

Verkehr[ännern | Bornkood ännern]

De Gemeende liggt dirkt an de B 61. De föhrt vun Minden na Sulingen. Fröher geev dat ok noch de Iesenbahnstreck Rahrn-Sulingen-Bassen, man dor is bloß dat Deelstück Baarnborg-Sulingen noch vun in Bedriev. In Baarnborg sitt de grote Firma Exxon Mobil. De föhrt Tankwagens mit Swefel un Eerdööl up düsse Streck.

Literatur[ännern | Bornkood ännern]

  • Kratochwill-Gertich, Nancy: Barenburg, Sieten 159-164 in: Obenaus, Herbert (Rutg.; tohopen mit David Bankier un Daniel Fraenkel): Historisches Handbuch der jüdischen Gemeinden in Niedersachsen und Bremen, Band 1 un 2 (1668 S.), Chöttingen 2005 – 6 Seiten

Kiek ok bi[ännern | Bornkood ännern]

Weblenken[ännern | Bornkood ännern]