Deinst

Vun Wikipedia
Wapen/Flagg Koort

Wapen vun Deinst

Deinst
Laag vun Deinst in Düütschland
Basisdaten
Bundsland: Neddersassen
Landkreis: Stood
Samtgemeen: Freenbeek
Flach: 27,25 km²
Inwahners: 2166 (31. Dezember 2022)
Hööchd: 19 m över de See
Postleettall: 21717
Vörwahl: 04149
Geograafsche Laag:
Koordinaten:53° 32′ N, 9° 26′ O
53° 32′ N, 9° 26′ O
Grenzen bi OSM: 445845 445845
Gemeenslötel: 03 3 59 011
Öörd in de Gemeen: 2
Börgermeester: vakant
Websteed: www.fredenbeck.de
Koort
Kreis
Karte
Balje (Neddersassen)Krummendiek (Neddersassen)Freiborg (Elv)ÖderquartGemeen WischhobenGemeen DrochtersGrootweurnGemeen EngelschoppHammahDüünbeudelGemeen HimmelpoortenGemeen BurwegGemeen KronenborgGemeen EsdörpOlendörpGemeen HeinbockelGemeen StoodDeinstGemeen FreenbeekGemeen KutenhultGemeen JörkGemeen BuxthuGemeen ObbensGemeen BeekdörpGemeen SounsiekGemeen OhlersGemeen BrestBargstGemeen HarsfeldNottensdörpBliersdörpHornborgDollernGothenborgLandkreis StoodNeddersassenLandkreis CuxhobenLandkreis RodenborgLandkreis HorborgHamborgSleswig-HolsteenSleswig-HolsteenGreundiekMittelskarkNeekark (Olland)GauderhandviddelSteenkark (Olland)Hullern-Twielenfleth
Laag von de Gemeen Deinst in’n Landkreis Stood (Koort lett sik anklicken)

Deinst (hoochdüütsch Deinste) is een Gemeen in de Samtgemeen Freenbeek in’n Landkreis Stood. Se hett 2166 Inwahners (Stand 31. Dezember 2022). To de Gemeen höört de beide Öörd Deinst un Helmst, de gliek groot sünd.

Geografie[ännern | Bornkood ännern]

De Swing löppt so bi twee Kilometer in’n Noordwesten von Deinst langs. Dör Deinst sülvs löppt de Deinster Möhlenbeek, de in de Swing münnt.

De Naveröörd sünd Hagen in’n Noorden, Helmst in’n Oosten, Frankenmoor in’n Süden, Wehl in’n Süüdwesten, Freenbeek in’n Westen un Swing in’n Noordwesten.

Historie[ännern | Bornkood ännern]

De Oort kummt üm 900 as Tunstede toeerst in de Oorkunnen vör.

In’n Oort gifft dat de Deinster Möhl, en fröhere Watermöhl an’n Deinster Möhlenbeek. De Möhl keem 1235 toeerst in dat Lehnsregister von dat Klooster Corvey vör. To de Tied harr dat Georgsklooster in Stood de Möhl un tosätzlich en Fischtucht un en Broeree. Dat Möhlengood warrt siet 1634 von de Familie Steffens bedreven. Direkt bi de Möhl gifft dat vondaag en Golfplatz un verscheden gastronoomsche Bedrieven.

Verwaltungsgeschicht[ännern | Bornkood ännern]

In de Franzosentied hett Deinst von 1810 bet 1813 tohoop mit Hagen un Heidkroog to de Kommuun Hagen tohöört. Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

De Gemeen Deinst hett in de Tied vör 1972 toletzt to de Samtgemeen Freenbeek tohöört. De is an’n 1. Juli 1972 oplööst worrn. In dat Johr is mit de Kommunalreform in Neddersassen de ne’e un gröttere Samtgemeen Freenbeek billt worrn, to de de Oort sietdem höört. An dissen Dag hebbt sik de olen Gemenen Deinst un Helmst to de ne’e Gemeen Deinst tohoopslaten.

Inwahnertall[ännern | Bornkood ännern]

Johr Inwahners
1824-00-001824[1] 17 Füürsteden
1848-00-001848[2] 270 Lüüd, 41 Hüüs
1910-12-011. Dezember 1910[3] 409
1933-00-001933[4] 388
1939-00-001939[4] 412

Religion[ännern | Bornkood ännern]

Deinst is evangeelsch-luthersch präägt un hett bet 1959 to dat Kaspel von de Primus-Kark in Bargst höört. Nu höört dat to de Martin-Luther-Kark in Freenbeek.

För de Kathoolschen is de Hillig-Geist-Kark in Stood tostännig.

Gemeenderoot[ännern | Bornkood ännern]

Sitten in’n Gemeenderaat
Johr CDU SPD FWG-Pro Bürger
2006 7 6 -
2011[5] 5 4 3

Börgermeester[ännern | Bornkood ännern]

  • 1972-1996: Heinrich Klintworth (CDU)[6]
  • 1996–2006: Hans-Wilhelm Schmetjen (CDU)
  • 2006-2011: Marianne Wiebusch (CDU)
  • 2011-30. September 2013: Jochen Sturhan (SPD; unverwacht doodbleven)
  • 29. Oktober 2013-: Jörg Müller (SPD)

Wapen[ännern | Bornkood ännern]

Dat Wapen in Guld wiest enen sülvernen Helm in en rood Veereck. In’n Schildfoot is en half Waterrad.

Kultur un wat to bekieken is[ännern | Bornkood ännern]

In’n Süüden sünd

In Deinst is dat Düütsche Feld- un Kleenbohnmuseum

Weertschop un Infrastruktur[ännern | Bornkood ännern]

De Kreisspoorkass Stood hett in Deinst in de Straat In’t Möhlenfeld 4 en Filiaal.

Verkehr[ännern | Bornkood ännern]

Deinst liggt an de Kreisstraat 1, de in’n Westen na Freenbeek löppt un in’n Oosten na Helmst un dor an de Landsstraat 124 anslaten is. Lüttjere Straten loopt in’n Noorden na Hagen un in’n Süden na Lusthoop, Frankenmoor un Ohrens.

Fröher harr Deinst en Bahnhoff an de Bahnlien Stood-Bremervöör. Vondaag sünd de nächsten Bahnhööv de Bahnhoff Brest-Aasp an de Bahnlien Bremervöör-Buxthu un de Bahnhööv Stood, Gothenborg un Dullern an de Nedderelvbahn.

Literatur[ännern | Bornkood ännern]

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 128: http://books.google.de/books?id=tG0AAAAAcAAJ&pg=PA128
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  3. http://www.gemeindeverzeichnis.de/gem1900/gem1900.htm?hannover/stade.htm
  4. a b http://www.verwaltungsgeschichte.de/stade.html
  5. http://www.fredenbeck.de/v3/upload/wahl/kw2011/deinste/00_sitze.html
  6. Stader Tageblatt: Heinrich Klintworth ist gestorben. 17. Juni 2013

Weblenken[ännern | Bornkood ännern]

Deinst. Mehr Biller, Videos oder Audiodateien to’t Thema gifft dat bi Wikimedia Commons.