Free Wählers

Vun Wikipedia
Wesseln na: Navigatschoon, Söök

Free Wählers (anner Betekens: Wählergemeenskupp, Wählervereenigen, Wählergrupp) sünd kien normaal politisch Parteien. Dat sünd „blot“ Börgers, de suk tosammensluten hebben, um in hör Gemeente of Landkreis, of un to ok in’t Bunnsland to en Wahl antotreden. Faken komen süks free Wählergemeenskuppen van en Börgerinitiative. Meest sünd de Gemeenskuppen so nömd Indragen Vereenen.

Waar un Wo[ännern | Bornkood ännern]

Besünners up dat Land hebben free Wählergruppen en groot Bedüden in d’ Kommunaalpolitik. In mennig Gemeeten sitten se in de Gemeenteraden of hebben of un to ok maal de Buurmester. In groten Städer un up Lannesebende sünd se daartegen bold nich van Belang.

Umdat se so up hör egen Kuntrei utricht sünd, gift dat kien Organisatschoon van all tosammen. Dat gift blot regionaal Tosammenslutens. Man völ Gemeenskuppen warken bi de Verband van de Free Wählergemeenskuppen mit, en Vereen van dit Gruppen. Up Stünns is de Vörsitter van dit Vereen Landraad Armin Grein ut de Landkreis Main-Spessart.

Stee[ännern | Bornkood ännern]

Free Wählers versöken, de Politiek in hör Gemeenten so utorichten, dat maakt word, wat de Gemeente würkelk nütten deit. Se löven, dat de normaal Parteien dat nich könen, umdat de so van d’ Lannes- un Bunnspolitiek offhangig sünd. Man de politisch Utrichten is unnerschedelk. Dat gift ok en paar Gruppen, de heel an d’ rechte Sied van de Politiek stahn

Betekens[ännern | Bornkood ännern]

Dat gift kien besünner Naam, de alle Free Wählergemeenskuppen hebben. Elk nömt sik, as se dat will, to’n Bispööl:

  • Allgemeen Wählergemeenskupp (AWG)
  • Börgergemeenskupp (BG)
  • Börgerlist (BL)
  • Free Büörger-Initiative (FBI)
  • Free Unoffhangig Wählergemeenskupp (FUW)
  • Free Wählers (FW)
  • Free Wählergemeenskupp (FWG)
  • Free Wählerunion (FWU)
  • Free Wählervereenigen (FWV)
  • Över-Parteielk Wählergemeenskupp (ÜWG)
  • Parteifree Wählers (PfW)
  • Parteiloos Wählergemeenskupp (PWG)
  • Unoffhängig Börgers
  • Unoffhängig Bürgergemeinschaft (UBG)
  • Unoffhängig Wählergemeenskupp (UWG)
  • Unoffhängig Wählervereenigen (UWV)
  • Wählergrupp Fre’e Börgers (WFB)

Websieden[ännern | Bornkood ännern]