Wooxdörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21218 | |
| Vörwahl: | 04105 | |
| Geograafsche Laag: | Koordinaten:53° 25′ N, 9° 58′ O53° 25′ N, 9° 58′ O | |
|
| ||
Woxdörp (hoochdüütsch Woxdorf) is en Dörp in de Gemeen Seevdaal in’n Landkreis Horborg, Neddersassen. De Oort höört polietsch al von öllers bi Metzendörp mit bi.
Geografie
[ännern | Bornkood ännern]Bi Woxdörp flüüt de Engelbeek langs. Een Kilometer in’n Noordoosten liggt de Landsgrenz na Hamborg.
De Naveröörd sünd Bääkdörp un Weid in’n Noordoosten, Wittenbarg in’n Oosten, Fleest in’n Oosten, Metzendörp in’n Süden, Tötsen in’n Süüdwesten un Lüra in’n Noordwesten.
Historie
[ännern | Bornkood ännern]Een von de öllsten Funnen in Woxdörp is dat Graff von Woxdörp ut de Jungsteentied.
In’n Eersten Weltkrieg sünd fiev Soldaten ut Woxdörp fullen oder vermisst.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Mäkelfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.
De Oort is as Deel von de Gemeen Metzendörp an’n 1. Juli 1972 mit de Gemeenreform in Neddersassen an de Gemeen Seevdaal kamen. Binnen de Gemeen Seevdaal höört Woxdörp to de Oortschop Fleest-Glüsen-Bääkdörp-Metzendörp. Woxdörp billt keen egen Gemeendeel un tellt to’n Gemeendeel Metzendörp.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 3 Füürsteden |
| 1812[3] | 21 |
| 1848[4] | 33 Lüüd, 5 Hüüs |
| 1. Dezember 1871[5] | 45 Lüüd, 7 Hüüs |
Religion
[ännern | Bornkood ännern]Woxdörp is evangeelsch-luthersch präägt un höört to dat Kaspel von de Mauritius-Kark in Hittfeld.
För de Kathoolschen is de St.-Ansgar-Kark in Hittfeld tostännig, dat siet 2014 to de Karkengemeen Goden Hirt in Winsen tohöört.
Kultur
[ännern | Bornkood ännern]Wandtafeln in Gedenken an de Fullenen ut den Eersten Weltkrieg hängt in Hittfeld an de Kark.
Verenen
[ännern | Bornkood ännern]De Schüttenvereen Fleest un Ümgegend, in den de Woxdörper Schütten mit in sünd, is an’n 17. April 1898 grünnt worrn.
Weertschop un Infrastruktur
[ännern | Bornkood ännern]As freewillige Füürwehr is de Füürwehr Bääkdörp-Metzendörp för Woxdörp mit tostännig, de an’n 1. April 1937 grünnt worrn is. Vörher weer de Löschgrupp Woxdörp-Metzendörp von de Freewillige Füürwehr Sinsdörp för Woxdörp tostännig.
In Woxdörp doot twee Waterwarken von’n Waterbeschaffungsverband Horborg liggen.
Verkehr
[ännern | Bornkood ännern]Dör Woxdörp löppt de Kreisstraat 69, de in’n Noordoosten na Bääkdörp geiht un in’n Süüdwesten na Tötsen.
De nächste Autobahn is de Autobahn 7. De Opfohrt 35 Fleest liggt so dree Kilometer in’n Oosten von Woxdörp.
De nächste Bahnhoff is knapp twee Kilometer wied weg in’n Süüdoosten de Bahnhoff Hittfeld an de Bahnlien Hamborg–Bremen.
Literatur
[ännern | Bornkood ännern]- Unter alten Eichen: Chronik von Emmelndorf, Woxdorf und Metzendorf. Reinhold, 1992
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/hitfeld2.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 255: https://books.google.de/books?id=jN5QAAAAcAAJ&pg=PA255
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 129: https://books.google.de/books?id=qTZDAQAAMAAJ&pg=RA2-PA129
Bääkdörp | Bullenhuus | Emmelndörp | Fleest | Glüsen | Groot-Moor | Helmstörp | Hittfeld mit Eddels un Karoxbossel | Holtörp | Host | Hössen | Lütt-Moor | Lindhost | Maschen | Mäkelfeld | Metzendörp mit Wooxdörp | Ohlendörp | Over | Ramßel