Brook (Landkreis Stood)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Brook
Laag vun Brook in Düütschland
Basisdaten
Bundsland: Neddersassen
Landkreis: Stood
Samtgemeen: Noordkeden
Gemeen: Öderquart
Inwahners:
Postleettall: 21734
Vörwahl: 04779
Geograafsche Laag:
Koordinaten:53° 46′ N, 9° 13′ O
53° 46′ N, 9° 13′ O

Brook (hoochdüütsch Bruch) is en Oort in de Gemeen Öderquart (Samtgemeen Noordkeden) in’n Landkreis Stood, Neddersassen. De Oort hett polietsch von öllers to de Buurschoppen Bentwisch un Klinten tohöört.

Geografie[ännern | Bornkood ännern]

De Naveröörd sünd Kaidiek, Döösmoor un Hamelwöördenermoor in’n Noordoosten, Neelannermoor in’n Süüdoosten, Isensee un Schüttdamm in’n Süden, Swartenmoor, Moordiek un Bremerreeg in’n Süüdwesten un Moorstreek un Armsdörp in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.

In de Tied üm de Johrhunnertwenn to dat 20. Johrhunnert sünd de Buurschoppen Bentwisch un Klinten Deel von de Gemeen Öderquart worrn, de sik in ehren Ümfang na dat Kaspel von de Johannis-Kark richten dee.

Inwahnertall[ännern | Bornkood ännern]

Johr Inwahners
1824-00-001824[1] 20 Füürsteden
1871-12-011. Dezember 1871[2] 125 Lüüd. 25 Hüüs

Bentwisch:

Johr Inwahners
1824-00-001824[3] 20 Füürsteden
1871-12-011. Dezember 1871[4] 107 Lüüd. 18 Hüüs

Religion[ännern | Bornkood ännern]

Brook is evangeelsch-luthersch präägt un höört to dat Kaspel von de Johannis-Kark in Öderquart.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Brook loopt lüttjere Straten na Kaidiek in’n Noorden an de Kreisstraat 12, na Swartenmoor in’n Süden an de K 27 un na de Landsstraat 113.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so 37 Kilometer in’n Süüdoosten von Brook.

De nächste Bahnhoff is so bi ölven Kilometer wied weg in’n Westen de Bahnhoff Wingst an de Nedderelvbahn.

Scholen[ännern | Bornkood ännern]

Ganz fröher harr de Oort en egen Volksschool, de aver al lang dichtmaakt hett. Bet 2014 güngen de Kinner ut’n Oort denn op de Grundschool Öderquart. Nadem disse School ok dichtmaakt hett, mööt de Kinner nu op de Grundschool Freeborg gahn oder köönt op Wunsch von de Öllern ok op de Grundschool Wischhoben oder de Grundschool Balje gahn. Nadem se mit de Grundschool trech sünd, gaht de Kinner op de Oberschool Noordkeden oder op dat Vincent-Lübeck-Gymnasium in Stood. Se dröfft aver ok op dat Detlefsengymnasium in Glückstadt oder dat Gymnasium Warstood gahn.

Footnoten[ännern | Bornkood ännern]

  1. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 92
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 92
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136