Swartenmoor

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Öberndörp
Inwahners:
Postleettall:	21787
Vörwahl:	04772
Geograafsche Laag:	53° 46′ N, 9° 12′ O

Swartenmoor (hoochdüütsch Schwarzenmoor) is en Oort in de Gemeen Öberndörp (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Öberndörp mit bi.

Geografie

De Naveröörd sünd Bremerreeg un Brook in’n Noorden, Isensee un Schüttdamm in’n Süüdoosten, Hasenfleet in’n Süüdwesten un Moordiek un Tollboom in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1824-00-001824	2 Füürsteden
1848-00-001848	80 Lüüd, 14 Hüüs
1871-12-011. Dezember 1871	71 Lüüd, 12 Hüüs

Religion

Swartenmoor is evangeelsch-luthersch präägt un höört to dat Kaspel von de Georg-Kark in Öberndörp.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Weertschop un Infrastruktur

Verkehr

Dör Swartenmoor löppt de Kreisstraat 27, de in’n Süüdoosten na Schüttdamm an de Bundsstraat 495 ran geiht un in’n Westen in Hasenfleet an de Landsstraat 113. De L 113 wedder geiht in’n Noorden na Öderquart un in’n Westen na Öberndörp un an de Bundsstraat 73 ran.

De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 36 Kilometer in’n Süüdoosten von Swartenmoor.

De nächste Bahnhoff is so bi acht Kilometer wied weg in’n Westen de Bahnhoff Wingst an de Nedderelvbahn.

Lüüd

De Politiker Georg Beckmann is in Swartenmoor opwussen un na Volksschool gahn.