Armsdörp (Landkreis Stood)

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Noordkeden Gemeen: Öderquart
Inwahners:
Postleettall:	21734
Vörwahl:	04779
Geograafsche Laag:	53° 47′ N, 9° 11′ O

Armsdörp (hoochdüütsch Armsdorf) is en Oort in de Gemeen Öderquart (Samtgemeen Noordkeden) in’n Landkreis Stood, Neddersassen. Dat liggt an’n Ne’en Seeweg.

Geografie

De Oort liggt in Keden in de Masch twüschen Oost un Elv. Dat Water ut dat Rebeed flütt över Gravens na de Oost hen af.

De Öörd ümto sünd Hogenlucht in’n Noorden, de Gehrener Sietwenn un Klinten in’n Noordoosten, Kaidiek in’n Oosten, Brook un Bremerreeg in’n Süüdoosten, Tollboom un Moordiek in’n Süden, Moorstreek in’n Süüdwesten un See, de Seeborg un Wetterdiek in’n Noordwesten.

Historie

Verwaltungsgeschicht

De Oort hett vör 1852 to de Hauptmannschop Bentwisch von dat Kaspel Öderquart in’t Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.

Inwahnertall

Johr	Inwahners
1824-00-001824	6 Füürsteden

Religion

Armsdörp is evangeelsch-luthersch präägt un höört to dat Kaspel von de Johannis-Kark in Öderquart.

För de Kathoolschen is de Hillig-Geist-Kark in Stood tostännig.

Weertschop un Infrastruktur

Verkehr

Dicht bi Armsdörp löppt de Landsstraat 113 langs, de in’n Noordoosten över Öderquart na Freeborg an de L 111 ran geiht un in’n Süüdwesten na Öberndörp. Dor is se över de Kreisstraat 24 an de Bundsstraat 73 anbunnen. In’n Oosten löppt de K 11/K 12 na Kaidiek un Wischhoben.

De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 1 Cuxhoben liggt so 40 Kilometer in’n Noordwesten von Armsdörp an de B 73. De Opfohrten 2 Stood-Süüd un 3 Stood-Oost op de Autobahn 26 (Afsnidd Stood–Hamborg) doot so 42 Kilometer in’n Süüdoosten an de B 73/L 111 liggen.

De nächste Bahnhoff is good negen Kilometer wied weg in’n Süüdwesten de Bahnhoff Wingst an de Nedderelvbahn.

Scholen

Bet 2014 güngen de Kinner ut’n Oort op de Grundschool Öderquart. Nadem de School dichtmaakt hett, mööt de Kinner nu op de Grundschool Freeborg gahn oder köönt op Wunsch von de Öllern ok op de Grundschool Wischhoben oder de Grundschool Balje gahn. Nadem se mit de Grundschool trech sünd, gaht de Kinner op de Oberschool Noordkeden oder op dat Vincent-Lübeck-Gymnasium in Stood. Se dröfft aver ok op dat Detlefsengymnasium in Glückstadt oder dat Gymnasium Warstood gahn.