Hogenlucht
Dit Woort hett noch annere Bedüden: kiek dorför ünner Hogenlucht (Burweg).
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21734 | |
| Vörwahl: | 04753 | |
| Geograafsche Laag: | Koordinaten:53° 48′ N, 9° 11′ O53° 48′ N, 9° 11′ O | |
|
| ||
Hogenlucht (hoochdüütsch Hohenlucht) is en Oort in de Gemeen Öderquart (Samtgemeen Noordkeden) in’n Landkreis Stood, Neddersassen.
Geografie
[ännern | Bornkood ännern]De Oort liggt in de Masch von Keden. Dat Water ut dat Rebeed flütt af över de Krummendieker Wettern.
De Naveröörd sünd Bredendiek, Eggerkamp un Wechtern in’n Noorden, dat Westerenn von Öderquart un Klinten in’n Oosten, de Gehrener Sietwenn un Kaidiek in’n Süüdoosten, Tollboom un de Seeweg in’n Süden, Wetterdiek in’n Westen un Süderdiek in’n Noordwesten.
Historie
[ännern | Bornkood ännern]Hogenlucht hett fröher to de Buurschop Bentwisch tohöört.
Verwaltungsgeschicht
[ännern | Bornkood ännern]De Oort hett vör 1852 to dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden un 1932 is dat Deel von’n Kreis Stood worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 2 Füürsteden |
| 1824[2] | 8 Füürsteden |
| 1. Dezember 1871[3] | 55 Lüüd, 9 Hüüs |
Religion
[ännern | Bornkood ännern]Hogenlucht is evangeelsch-luthersch präägt un höört to dat Kaspel von de Johannis-Kark in Öderquart.
För de Kathoolschen is de Hillig-Geist-Kark in Stood tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Hogenlucht löppt de Kreisstraat 10, de in’n Noordwesten över Bredendiek un Süderdiek na de Landsstraat 111 geiht un in’n Oosten an de L 113 ran. De L 113 geiht von dor in’n Noordoosten na Freeborg un in’n Süüdwesten na Öberndörp. Von de L 113 geiht na Noorden de K 9 na Krummendiek. In’n Westen geiht von de K 10 de Straat Wetterdiek dör Wetterdiek na Neenslüüs an de K 26 ran.
De nächsten Autobahnen sünd de Autobahn 26 (Afsnidd Stood–Hamborg) un de Autobahn 27 (Afsnidd Cuxhoben–Bremerhoben). De Opfohrt 3 Stood-Oost op de A 26 liggt so 39 Kilometer in’n Süüdoosten von Hogenlucht an de L 111 un de Opfohrt 1 Cuxhoben op de A 27 üm un bi 39 Kilometer in’n Westen an de B 73.
De nächste Bahnhoff is so bi twölv Kilometer wied weg in’n Süüdwesten de Bahnhoff Wingst an de Nedderelvbahn von Cuxhoben na Hamborg.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 108
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 286
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136