Moorstreek

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Öberndörp
Inwahners:
Postleettall:	21787
Vörwahl:	04772
Geograafsche Laag:	53° 47′ N, 9° 11′ O

Moorstreek (hoochdüütsch Moorstrich) is en Oort in de Gemeen Öberndörp (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Öberndörp mit bi.

Geografie

Moorstreek liggt an’n Westrand von dat ole Kedener Moor hen na de Masch von de Oost. Dat Water ut Moorstreek flütt na Westen af över dat Moorstreker Fleet na de Oost.

De Naveröörd sünd de Seeweg in’n Noorden, Armsdörp un Kaidiek in’n Noordoosten, Brook in’n Oosten, Tollboom un Bremerreeg in’n Süüdoosten, Moordiek in’n Süden un Bentwisch in’n Westen.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1793-00-001793	72 Füürsteden
1824-00-001824	72 Füürsteden
1848-00-001848	34 Lüüd, 4 Hüüs
1871-12-011. Dezember 1871	36 Lüüd, 5 Hüüs

Religion

Moorstreek is evangeelsch-luthersch präägt un höört to dat Kaspel von de Georg-Kark in Öberndörp.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Weertschop un Infrastruktur

Verkehr

In’n Oosten geiht an Moorstreek de Landsstraat 113 langs, de in’n Noordoosten na Öderquart un Freeborg geiht un in’n Süüdwesten na Öberndörp.

De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 40 Kilometer in’n Süüdoosten von Moorstreek.

De nächste Bahnhoff is so bi negen Kilometer wied weg in’n Süüdwesten de Bahnhoff Wingst an de Nedderelvbahn.