Döösmoor

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Döösmoor
Laag vun Döösmoor in Düütschland
Basisdaten
Bundsland: Neddersassen
Landkreis: Stood
Samtgemeen: Noordkeden
Gemeen: Öderquart
Inwahners:
Postleettall: 21734
Vörwahl: 04770
Geograafsche Laag:
Koordinaten:53° 47′ N, 9° 16′ O
53° 47′ N, 9° 16′ O

Döösmoor (hoochdüütsch Dösemoor) is en Oort in de Gemeen Öderquart (Samtgemeen Noordkeden) in’n Landkreis Stood, Neddersassen.

Geografie[ännern | Bornkood ännern]

De Oort liggt in dat Kedener Moor in Keden. Dat Water ut dat Rebeed flütt över’n Wischhobener Moorkanaal na de Wischhobener Süderelv hen af. In’n Süüdwesten is en Stück Moor as Naturschuulrebeed Öderquarter Moor schuult.

Dat Moor in’n Süden liggt deelwies bet to 5 Meter över NHN, in’n Noorden deelwies aver ok bi 0 Meter över NHN oder sogor en beten ünner Null.

De Naveröörd sünd Landsbrügg un Schinkel in’n Noorden, Hollerdiek in’n Noordoosten, Wischhoben, Hamelwöördenermoor un Neelannermoor in’n Süüdoosten, Isensee (Landkreis Cuxhoben) un Brook in’n Süüdwesten un Kaidiek un Öderquart mit dat Oosterenn in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Kaspel Öderquart von dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.

Döösmoor weer fröher binnen dat Kaspel Öderquart Deel von de Hauptmannschop Oosterenn-Öderquart. Later is de Hauptmannschop in de Gemeen Öderquart opgahn.

Inwahnertall[ännern | Bornkood ännern]

Johr Inwahners
1824-00-001824[1] 56 Füürsteden
1871-12-011. Dezember 1871[2] 414 Lüüd. 79 Hüüs
1885-12-011. Dezember 1885[3] 403 Lüüd. 78 Hüüs
1905-12-011. Dezember 1905[4] 354 Lüüd. 76 Hüüs

Religion[ännern | Bornkood ännern]

Döösmoor is evangeelsch-luthersch präägt un höört to dat Kaspel von de Johannis-Kark in Öderquart.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

In Döösmoor gifft dat den Heimaatvereen Döösmoor.

Weertschop un Infrastruktur[ännern | Bornkood ännern]

För Döösmoor is de freewillige Füürwehr Öderquart mit tostännig.

Verkehr[ännern | Bornkood ännern]

Dör Döösmoor löppt de Kreisstraat 12, de in’n Noordwesten över Kaidiek na Öderquart an de Landsstraat 113 ran geiht un in’n Süüdoosten över Hamelwöördenermoor un Neelannermoor na Wulfsbrokermoor an de Bundsstraat 495 ran. In Neelannermoor geiht von de K 12 na Oosten de K 13 af, de na Wischhoben un dor ok an de B 495 föhrt.

De nächste Autobahn is de Autobahn 26 (Afsnidd StoodHamborg). De Opfohrten 2 Stood-Süüd un 3 Stood-Oost doot so 33 Kilometer in’n Süüdoosten von Döösmoor an de B 73 liggen.

De nächsten Bahnhööv sünd so bi 16 Kilometer wied weg in’n Süüdwesten de Bahnhoff Wingst un de Bahnhoff Hemmoor an de Nedderelvbahn von Cuxhoben na Hamborg.

Footnoten[ännern | Bornkood ännern]

  1. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 138
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 94