Sticht (Gemeen Mittelsnohn)

Vun Wikipedia
Wapen/Flagg Koort
hett keen Wapen
Sticht
Laag vun Sticht in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Loomst
Gemeen: Mittelsnohn
Inwahners:
Postleettall: 21770
Vörwahl: 04773
Geograafsche Laag:
Koordinaten:53° 39′ N, 9° 1′ O
53° 39′ N, 9° 1′ O

Karte

Sticht (hoochdüütsch Sticht) is en lütt Oort in de Gemeen Mittelsnohn (Samtgemeen Loomst) in’n Landkreis Cuxhoben, Neddersassen. De Oort höört polietsch al von öllers bi Mittelsnohn mit bi.

Geografie[ännern | Bornkood ännern]

Sticht liggt op’n Rand von Moor un Geest. Dat Water ut dat Rebeed flütt över den Moorbeek na’n Stinster Randkanaal hen af.

De Naveröörd sünd Mittelsnohn in’n Noordoosten, Köven un Loomst in’n Oosten, Armsdörp in’n Süüdoosten, Hoorn in’n Süden, Maurismaur in’n Süüdwesten, Neebachenbrook in’n Westen un Stinst in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

Sticht is von öllers Deel von de Gemeen Mittelsnohn.

Vör 1859 weer de Oort in dat Amt Bremervöör un denn von 1859 bet 1885 in dat Amt Oosten, is denn in’n Kreis Neehuus ween un 1932 an’n Kreis Land Hadeln kamen. 1977 is dat Deel von’n Landkreis Cuxhoben worrn.

De Gemeen Mittelsnohn is an’n 1. Juli 1972 mit Varrel un Nordahn to de ne’e Gemeen Mittelsnohn tohoopleggt worrn.

Religion[ännern | Bornkood ännern]

Sticht is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Sticht löppt de Landsstraat 116, de in’n Westen na Lintig un Hainmöhlen geiht. Von dor föhrt de L 119 na Beers un de L 128 na Beverst. In’n Oosten löppt de L 116 na Loomst un drippt dor op de Bundsstraat 495. Von Loomst geiht de L 116 wieder na Heckthusen an de Bundsstraat 73. Von Mittelsnohn ut löppt de Kreisstraat 34 in’n Noordwesten na Stinst un Godshem.

De nächste Autobahn is de Autobahn 27 (Afsnidd BremerhobenCuxhoben). De Opfohrt 5 Debst liggt so 28 Kilometer in’n Westen von Sticht an de L 120.

De nächste Bahnhoff is so bi 13 Kilometer wied weg in’n Noordoosten de Bahnhoff Hemmoor an de Nedderelvbahn von Cuxhoben na Hamborg.