Köben

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Loomst Gemeen: Loomst
Inwahners:
Postleettall:	21769
Vörwahl:	04773
Geograafsche Laag:	53° 39′ N, 9° 5′ O

Köben (hoochdüütsch Köven) is en Oort in de Gemeen Loomst (Samtgemeen Loomst) in’n Landkreis Cuxhoben, Neddersassen. Vondaag is de Oort mit Loomst tohoopwussen un warrt kuum noch as egen Oort wohrnahmen.

Geografie

Köben liggt in’n Süden von’n Westerbarg op de Geest.

De Naveröörd sünd Rahden, Wohlenbeek un Hockmöhlen in’n Noordoosten, Ihlbeek in’n Oosten, Seth in’n Süüdoosten, Loomst in’n Süden, Sticht in’n Westen un Mittelsnohn, Nordahn un Varrel in’n Noordwesten.

Historie

De Oort hett vör 1859 to de Vaagdie Loomst von dat Amt Bremervöör tohöört un is denn in dat Amt Oosten wesselt. Na 1885 weer dat in’n Kreis Neehuus. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

Inwahnertall

Johr	Inwahners
1824-00-001824	11 Füürsteden
1848-00-001848	100 Lüüd, 20 Hüüs
1871-12-011. Dezember 1871	93 Lüüd, 24 Hüüs

Religion

Köben is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Weertschop un Infrastruktur

De freewillige Füürwehr Loomst is för Köben mit tostännig.

Verkehr

Dör Köben löppt de Kreisstraat 21, de in’n Noordwesten na Bröckelbeek un dör de Wingst geiht un in’n Süüdosten in Loomst an de Bundsstraat 495 rangeiht.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 32 Kilometer in’n Oosten von Köben. De Opfohrt 5 Debst op de Autobahn 27 (Afsnidd Cuxhoben–Bremerhoben) liggt so 34 Kilometer in’n Westen.

De nächste Bahnhoff is so bi negen Kilometer wied weg in’n Noordoosten de Bahnhoff Hemmoor an de Nedderelvbahn.