Rosalind (Maand)

Vun Wikipedia

In de Astronomie betekend Rosalind (ok Uranus XIII oder S/1986 U4) en vun de lütteren Maanden vun den Planeten Uranus. De Uranus-Maanden hebbt traditschonell all Naams vun Figuren ut dat Wark von William Shakespeare oder Alexander Pope; Rosalind is de Dochter vun den Hertog ut Shakespeares As You Like It (dt.: „Wie es Euch gefällt“).

Opdecken[ännern | Bornkood ännern]

De Maand is an’n 13. Januar 1986 vun den Astronom Stephen P. Synnott opdeckt worrn op Billers, de vun de Ruumsond Voyager 2 maakt werrn.

Ümloopbahn[ännern | Bornkood ännern]

Rosalind bruukt ruch weg 13 Stünnen un 24 Minuuten für een Ümloop üm Uranus. Dorbi hett de Maand en middler’n Afstand von 69.927 km. De Maandbahn hett en Exzentrizität vun 0,0 un is somit nipp un nau kreisförmig. De Bahneven is üm 0,28° en lütt beten gegen den Äquater vun’n Uranus kippt.

Opbo[ännern | Bornkood ännern]

De Dörmeter vun Rosalind liggt bi ungefäähr 72 km. Mit 1,3 g/cm³ liggt de Dicht düdlich ünner de vun de Eer. Man geiht dorüm dorvun ut, dat de Maand in eerster Lien ut Wateries besteiht. Rosalind is ok teemlich düster. Siene Albedo is 0,07 – d. h. 7 % vun dat Licht, dat op den Maand ankummt, warrt also wedder afstrahlt. De Sworversnellen bedriggt an de Bavenflach ungefäähr 0,013 m/s².