Caliban (Maand)

Vun Wikipedia
Zur Navigation springen Zur Suche springen

In de Astronomie betekend Caliban en vun de lütteren Maanden wieter buten vun den Planeten Uranus. De Uranus-Maanden hebbt all Naams vun Figuren ut dat Wark von William Shakespeare oder Alexander Pope; Caliban is en Schlingel ut Shakespeares The Tempest (dt.: „Der Sturm“).

Opdecken[ännern | Bornkood ännern]

Caliban is an’n 6. September 1997 vun de Astronomen Brett Gladman, Phil Nicholson, Joseph Burns un John J. Kavelaars mit dat 5 m-Spegelteleskop vun de Hale-Steernwacht opdeckt worrn. In de glieken Nacht hebbt se ok den Maand Sycorax funnen.

Ümlopbahn[ännern | Bornkood ännern]

Caliban brukt ungefäähr 579,5 Daag, üm eenmol üm Uranus ümtolopen. Dorbi hett he en middler’n Afstand von 7.230.000 km. De Ümlop is retrograd, also torüchlöpig. Dat heet, de Maand löpt üm den Planet gegen sien’n Rotatschoonssinn. De Maandbahn hett en Exzentrizität von 0,08 un is so bi 137,6° gegen den Äquater vun’n Uranus kippt. Ok de Dreihass von Caliban is bannig dull kippt, nämlich üm 98,732°.

Opbo[ännern | Bornkood ännern]

De Dörmeter vun Caliban liggt bi ungefäähr 72 km (annere Bornen snackt ok von 98 km). Mit 1,5 g/cm³ liggt de Dicht düdlich ünner de vun de Eer. Caliban is ok teemlich düster. Siene Albedo is 0,07 – 7 % vun dat Licht, dat op den Maand ankummt, warrt also wedder afstrahlt.