Portia (Maand)

Portia (ok: Uranus XII oder S/1986 U 1) betekent in de Astronomie en vun de lütten Maanden vun den Planeten Uranus. Portia is en vun de inneren Maanden, över den aver noch nich ganz veel künnig is. De Uranus-Maanden hebbt all Naams vun Figuren ut dat Wark von William Shakespeare oder Alexander Pope; Portia is en Figur ut Shakespeares Kummedie The Merchant of Venice (dt.: „Der Kaufmann von Venedig“).

Opdecken

De Maand is an’n 3. Januar 1986 vun den Astronomen Stephen P. Synnott op Biller vun de Ruumsond Voyager 2 opdeckt worrn. He hett toeerst de vörlöpig Beteken S/1986 U 1 kregen.

Ümlopbahn

Portia kreist in ungefähr 12 Stünnen un 19 Minuuten eenmol üm Uranus. Dorbi hett he en middler’n Afstand vun 66.097 km. De Maandbahn hett en Exzentrizität von 0,0001 un is dormit meist kreisrund. De Bahn is üm un bi 0,6° gegen den Äquater vun’n Uranus kippt.

Opbo

De Dörmeter vun den Maand liggt in’n Dörsnitt bi ungefähr 135,2 km. Mit 1,3 g/cm³ liggt de Dicht düütlich ünner de vun de Eer. De Wetenschopplers gaht dorvun ut, dat de Maand to’n gröttsten Deel ut Wateries besteiht. De Bavenflach vun Portia is teemlich düster mit en Albedo vun 0,07. Dat heet, dat 7 % vun dat Licht, dat op den Maand ankummt, wedder afstrahlt warrt.

Maanden vun den Planeten Uranus

Ariel | Belinda | Bianca | Caliban | Cordelia | Cressida | Cupid | Desdemona | Ferdinand | Francisco | Juliet | Mab | Margaret | Miranda | Oberon | Ophelia | Perdita | Portia | Prospero | Puck | Rosalind | Setebos | Stephano | Sycorax | Titania | Trinculo | Umbriel

Kiek ok na bi: List vun de Uranusmaanden