Juliet (Maand)

Vun Wikipedia

Juliet (ok: Uranus XI oder S/1986 U 2) betekent in de Astronomie en vun de lütten Maanden vun den Planeten Uranus. Juliet is en vun de inneren Maanden, över den aver ok noch nich ganz veel künnig is. De Uranus-Maanden hebbt all Naams vun Figuren ut dat Wark von William Shakespeare oder Alexander Pope; Juliet is en vun de Titelfiguren ut Shakespeares Tragödie Romeo and Juliet (dt.: „Romeo und Julia“).

Opdecken[ännern | Bornkood ännern]

De Maand is an’n 3. Januar 1986 vun den Astronomen Stephen P. Synnott op Biller vun de Ruumsond Voyager 2 opdeckt worrn. He hett toeerst de vörlöpig Beteken S/1986 U 2 kregen.

Ümlopbahn[ännern | Bornkood ännern]

Juliet kreist in ungefähr 11 Stünnen un 50 Minuuten eenmol üm Uranus. Dorbi hett he en middler’n Afstand vun 64.358 km. De Maandbahn hett en ganz lütte Exzentrizität von 0,00059 un is dormit meist kreisrund. De Bahn is üm un bi 0,6° gegen den Äquater vun’n Uranus kippt, wat ok nich jüst veel is.

Opbo[ännern | Bornkood ännern]

De Dörmeter vun den Maand liggt in’n Dörsnitt bi ungefähr 94 km. Mit 1,3 g/cm³ liggt de Dicht düütlich ünner de vun de Eer. De Wetenschopplers gaht dorvun ut, dat de Maand to’n gröttsten Deel ut Wateries besteiht. De Bavenflach vun Juliet is teemlich düster mit en Albedo vun 0,07. Dat heet, dat 7 % vun dat Licht, dat op den Maand ankummt, wedder afstrahlt warrt. An de Bavenflach warkt en Sworversnellen vun 0,017 m/s², wat üm un bi een Promill vun de Eer is.