Eer

Disse Artikel is man blots en Stubben. Du kannst Wikipedia helpen un em verbetern.

Erde
Blue Marble, ene Opnaam vun de Apollo 17 an’n 7. Dezember 1972
Egenschoppen vun’e Ümloopbahn
Halfassen vun de Ellips	1 AE (149,6 Mio. km)
Exzentrizität	0,0167
Perihel – Aphel	0,983 – 1,017 AE
Bahnnegen	0,0001°
Sideersche Ümlooptied	365,256 d
Middelste Bahnsnelligkeid	29,78 km/s
Physikaalsche Egenschoppen
Äquater(⌀)∗	12 756,27 km
Pool (⌀)∗	12 713,50 km
Masse	5,9722 · 1024 kg
Dichte	5,514 g/cm3
Fallsnelligkeid∗	(9,790–9,832) m/s2
Kosmische Snelligkeid	11,186 km/s
Rotatschoonstied	23 h 56 min 4 s
Inklinatschoon vun’e Rotatschoonsass	23,44°
Geometrische Albedo	0,434
Druck∗	1,014 bar
Temperatuur∗ Min. – Middel – Max.	184 K (−89 °C) 288 K (+15 °C) 330 K (+57 °C)
Bestanddelen Stickstoff: 78,08 % Suerstoff: 20,95 % Argon: 0,93 % Kohlenstoffdioxid: 0,042 % Neon: 0,002 %
∗in Betog op dat Nullniveau vun’n Planeten
Annerwat
Maanden	1
vun links na rechts: Vergliek Sünn, Merkur, Venus, Erer, Mars, Jupiter, Saturn, Uranus un Neptun (Grötte na Maat, Afstänn nich na Maat)

De Eer (astronoomsch Symbol: ) is de Planet, op den wi all leven, un de drütte in uns Sünnsystem, wenn man vun de Sünn ut kiekt. Un as de Eer haast runn is, kannst all stuur liekut löpen un kümmst all wedder trüch. Duurt bloots en beten un musst ok mal swimmen, denn de Eer is bannig groot (de Ümfang is 40.076,592 km am Äquater) un natt (bloot 29,3 % sünd Land, de Rest is Water). De Eer is villicht 4,55 Milliarden Johr oolt un de enkelt Planet, op den överhoop wat leevt. De Lüüd luurt ok jümmers, ob se Leven op annere Planetens finnen doon, men se hebbt to Dag nix funnen.

Dat grote tosamenhangende Land is en Eerddeel (ok Kontinent nöömt), dat geev Afrika, Amerika (Noord un Süüd), Antarktika, Asien, Australien un Europa. Dat geev ok Lüüd de seggen dat Europa un Asien een Kontinent sünd un anner Lüüd de seggen, dat Ozeanien en Aart Kontinent is, man bloot sunner veel Lann dor bünn. Dat is man bloot en Snack und hett nix to doon mit de wetenschopliche Indelen. Dorna is en Kontinent, wat ut dat lichtere Granit maakt is, und dat annere is de ozeanische Krust, de ut Basalt maakt is. De Wetenschoppers kiekt naar de Steen und wo dick de Eerdkrust is un woneem de Eer in ehrn Innern opboot is. So is Iesland so dick as en Kontinent, ok wenn dat man bloot en Eiland is.

Üm de Eer is de Atmosphäär to, dat is de Luft de wi all brukt to’n ademen. Baven an’n Heben kreist de Maand, dat is en lütt Trabant, de jümmers üm de Eer lööpt. Wi hebbt bloot den enen. Un den bruukt wi för de Tied, för Ebb un Floot.

Aber de Eer dreiht sik ok sülven, dorum gifft dat Dag un Nacht. Un se löpt ok jümmers üm de Sünn un dat duert slankweg een Johr. Man de Ass üm de sik de Eer dreiht, steiht nich pielliek na baven, man is üm 23,5° scheev, un dorum gifft dat Fröhjohr, Sommer, Harvst un Winter.

Kannst ok en lüttjen Modell vun de Eer köpen un kieken woneem de Länner un de See sünd un wo se heten. Dat is denn en Globus.

Biller

• 
  De Eer opnohm von Apollo 17
• 

Weblenken

Eer. Mehr Biller, Videos oder Audiodateien to’t Thema gifft dat bi Wikimedia Commons.

Weltkaarten. Mehr Biller, Videos oder Audiodateien to’t Thema gifft dat bi Wikimedia Commons.

 Wiktionary: Eer – Bedüdensverklaren, Woortherkamen, Synonymen, Översetten

• Onegeology.org: Geologische Weltkarte
• NASA Earth Observatory
• Solar System Exploration: Earth. In: NASA.gov. Afropen an’n 10. Mai 2020 (engelsch). 

Dat Sünnsystem

Grote Objekten:  Sünn | Merkur | Venus | Eer | Mars | Ceres | Jupiter | Saturn | Uranus | Neptun | Pluto | Haumea | Makemake | Eris

Objektklassen:  Planeten | Dwargplaneten | Asteroiden | Kometen | Maanden | Meteoroiden

Rebeden:  Asteroidengördel | Kuipergördel | Oortsche Wulk | Heliopaus