Heliopaus

Vun Wikipedia
Opbo vun de Heliosphäär un Wirken vun’t interstellare Gas. Intekent sünd de Bahnen vun de Ruumsonden Voyager 1 un Voyager 2

De Heliopaus is de Butengrenz vun de Heliosphäär un dormit de butere Grenz vun’t Sünnsystem.

Defineert is de Heliopaus as de Grenz, woneem de Sünnwind keen Wirken mehr op dat interstellare Gas hett. De Deelken vun’n Sünnenwind mischt sik vun hier an mit de Partikels vun de interstellaren Materie ut de ümgeven Steerns un Nevels un wiest nu keen sünnere Stroomricht mehr op.

Dordör dat de Sünn sik dör’n Weltruum bewegen deit, also en Egenbewegen opwiest, is de Heliosphäär, un somit ok de Heliopaus, keen regelmatige Kugel, man warrt in Bewegensricht dör de opdrapen interstellare Materie tohopendrückt. Se warrt vun de Theorie her in en Afstand vun 110[1] bit 150 AE vermoodt. Wo wiet se nipp un nau liggt, hangt dorvun af, woans dat interstellare Magnetfeld utsütt un wovun Materie de Heliosphäär to de Tiet jüst dörlopen deit.

Borns[ännern | Bornkood ännern]

  1. http://antwrp.gsfc.nasa.gov/apod/ap020624.html (engelsch)