Trinculo (Maand)

Vun Wikipedia
Zur Navigation springen Zur Suche springen

Trinculo (ok S/2001 U1 oder Uranus XXI) is een vun de lütten Maanden vun den Planeten Uranus.

Opdecken un Naam[ännern | Bornkood ännern]

De Maand is an’n 13. August 2001 vun de Astronomen Matthew J. Holman, John J. Kavelaars un Dan Milisavljevic opdeckt worrn. Toeerst weer he as S/2001 U1 betekend, wat de offizielle Beteken na de Internatschonale Astronoomsche Union (IAU) is. Sien richtigen Naam hett he later eerst kregen.

De Maanden vun’n Uranus hebbt na en Traditschoon all Naams vun Figuren ut de Warken vun William Shakespeare oder Alexander Pope. Trinculo is en besopen Narr ut Shakespeares Kummedie The Tempest (dt.: Der Sturm).

Ümloopbahn[ännern | Bornkood ännern]

De Maand kreist üm Uranus in en middleren Afstand vun 8.578.000 km, woför he üm un bi 759 Daag un 1 Stünn bruukt. De Bahn is nich nipp un nau kreisrund, man en beten watt länglich mit en Exzentrizität vun 0,2079. Dorbi is se üm 167° gegen den Äquater vun’n Uranus kippt, so dat de Maand retrograd, d.h. gegen de Rotatschoon vun den Uranus, lopen deit.

Egenschoppen un Opbo[ännern | Bornkood ännern]

De Grött vun den Maand warrt op 18 km schätzt. He hett, as veele lütte Maanden, en middlere Dicht vun ungefäähr 1,5 g/cm³, wat dorop sluten lett, dat Trnculo to’n gröttsten Deel ut Wateries un Silikatsteen tohopensett is. De Bavenflach hett en Albedo vun 0,04 – jüst so as de anneren buteren Maanden. Dat heet, dat 4% vun dat infallend Licht wedder torüch reflekteert warrt. Trinculo is dormit en teemlich düsteren Maand.