Amt Wessen
Dat Amt Wessen weer en Verwaltungsrebeed in de Graafschop Heien un later in dat Förstendom Lümborg un dat Königriek Hannover mit Seet in Wessen binnen de Landdrostie Hannover.
Dat Rebeed höört vondaag to de Gemenen Thänhusen, Veern, Blenner un Dörbern in’n Landkreis Veern un to de Gemeen Swarm in’n Landkreis Deefholt.
Dat Leid över dat Amt harr en Amtmann, de twete Beamte weer bet 1816 de Amtsschriever.
Geografie[ännern | Bornkood ännern]
Dat lümbörgsche Amt Thänhusen is (allens Stand 1848) in’n Noorden an dat Amt Achem grenzt, in’n Oosten an dat Amt Veern, in’n Süüdoosten an dat Amt Wessen, in’n Süden an dat Amt Heien, in’n Süüdwesten an dat Amt Brooksen un in’n Süüdoosten an dat bruunswiek-wulfenbüttelsche Amt Thänhusen.
Dat Amt Wessen is in’n Noorden an dat Amt Veern un de Stadt Veern grenzt, in’n Süüdoosten an dat Amt Rethen, in’n Süüdwesten an dat Amt Heien un in’n Noordwesten an dat lümbörgsche Amt Thänhusen.
Historie[ännern | Bornkood ännern]
Dat Rebeed üm Wessen hett to dat Bisdom Veern höört un is mit dat Enn von’n Dörtigjohrigen Krieg an de Sweden fullen, de nu de Herrn in Bremen-Veern weren. Königin Christina hett dat Amt Heinrich Leschhorn as Lehn geven, de dat aver 1653 an Thomas von Gerstenberg verköfft hett. Sweden un dat Hartogdom Bruunswiek-Lümborg hebbt 1679 en Vergliek slaten, in den Sweden dat Rebeed von Wessen un ümto an Bruunswiek-Lümborg afgeven hett. In dat Johr is dat Amt mit twee Vaagdien in Dörbern un Huttbargen grünnt worrn.
Ok dat Amt Thänhusen is 1679 von Sweden afgeven worrn, dorbi aver deelt worrn in een Deel, de to dat Förstendom Bruunswiek-Wulfenbüttel höört hett, un een, de to dat Förstendom Lümborg höört hett (Amt Thänhusen). De Lümbörger Deel (mit de Vaagdien Intschen un Swarm) is 1708 mit dat Amt Wessen tohoopslaten worrn. Dat ne’e Amt is denn Amt Wessen-Thänhusen nöömt worrn.
Dat Amtshuus von dat Amt is 1761/1762 boot worrn.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört. Wessen weer dor Seet von’n Kanton Wessen. Von’n 1. Januar 1811 af an hett dat Rebeed to dat Departement von de Wersermünnen un direkt to Frankriek höört. Wessen weer in disse Tied Seet von de Mairie Wessen in’n Kanton Rethen. 1813 müssen de Franzosen dat Amt denn opgeven un de ole Stand is wedderkamen.
De Öörd Oold-Holbm un Varste hebbt bet 1827 noch deelwies to dat Amt Heien höört. 1827 sünd se kumplett ünner de Verwaltung von dat Amt Wessen-Thänhusen stellt worrn.
1848 weer dat Amt so 164,14 km²[1] groot.
Öörd Stand 1848[1][ännern | Bornkood ännern]
Öörd ahn egen Nummer hebbt to de Buurschop von dat Dörp mit bihöört, ünner dat se ünnerstaht, un weren dormit nich kumplett egenstännig.
|
Amt Wessen
|
Amt Thänhusen
|
1852–1859[ännern | Bornkood ännern]
Dat Amt Wessen is bi de Verwaltungs- un Justizreform an’n 1. Oktober 1852 in dat Königriek Hannover ut de Buurschoppen Baame, Dörbern, Geesfeld, Städörp, Wessen, Ahnbargen, Barnstaedt, Döhlbargen, Hänsch, Groot Huttbargen, Lüttjen Huttbargen, Stäbargen un Wahnbargen von dat Amt Wessen-Thänhusen un de Öörd Dienshoop un Loohoff von dat Amt Heien nee billt worrn.
Ut de Buurschoppen Beppen, Morsen, Swarm, Wulmsdörp, Blenner, Einste, Holbm, Intschen un Ritzenbargen von dat fröhere hannöversche Amt Thänhusen is dat Amt Swarm nee billt worrn.
As Gericht för dat Amt is to’n 1. Oktober 1852 dat Amtsgericht Wessen inricht worrn.
1859 bi de nächste Verwaltungsreform is dat Amt Wessen oplööst un Deel von dat Amt Veern worrn.[2] Dorbi is dat von de Landdrostie Hannover in de Landdrostie Stood wesselt.
Inwahnertall[ännern | Bornkood ännern]
| Johr | Inwahners |
|---|---|
| 1810[3] | 3.309 Lüüd, 446 Füürsteden |
| 1848[1] | 10.965 Lüüd, 1.652 Hüüs |
Amtlüüd[ännern | Bornkood ännern]
- 1780–1784: Johann Friedrich Plate
- ~1790: Heinrich Ernst Ludwig Meyer
- ~1820: Georg Christoph Burchard Meyer
- ~1851: Friedrich Heinrich Grimsehl
- ~1858: Eberhard von Graevemeyer
Amtsschrievers[ännern | Bornkood ännern]
- ~1784: Christoph Heinrich Meyer
- ~1790: Wilhelm Friedrich Schumann
- 1793–1794: Friedrich Georg Wilhelm Ostermeyer
- ~1796: Johann Wilhelm Christoph Scharf
- ~1799: Wilhelm Ludewig Diehle
- 1801–: Wilhelm Georg Conrad Arnold Kestner
Footnoten[ännern | Bornkood ännern]
- ↑ a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 64: http://books.google.de/books?id=eOI-AAAAcAAJ&pg=PA64
- ↑ Christian H. Ebhardt: Verordnungen und Ausschreiben für das Königreich Hannover. Hannover 1859, Sied 229
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 136: https://books.google.de/books?id=c24IAAAAQAAJ&pg=PA136
Stadt Bodenwerder | Stadt Eldagsen | Stadt Hameln | Stadt Hannover | Stadt Münder | Stadt Niestadt | Stadt Pattensen | Stadt Springe | Stadt Wunsdörp | Amt Blumenau* | Amt Calenberg | Amt Coppenbrügge* | Amt Grohnde* | Amt Hameln | Amt Hannover | Amt Langenhagen* | Amt Läernstäine | Amt Lauenau* | Amt Linden | Amt Niestadt | Amt Polle | Amt Rehborg* | Amt Ricklingen* | Amt Springe | Amt Wennigsen | Amt Wölpe*
Amt Auborg* | Amt Deefholt | Amt Lemförde*
Stadt Neenborg | Amt Brinkum* | Amt Brooksen | Amt Deepnau* | Amt Ehrenborg* | Amt Freudenberg | Amt Harpstedt* | Amt Heien | Amt Martfeld* | Amt Neenborg | Amt Swarm* | Amt Stolzenau | Amt Sulingen | Amt Syke | Amt Uchte | Amt Wessen*
* bet 1859