Kanton Wessen

De Kanton Wessen weer as Kanton en Verwaltungsrebeed in de Franzosentied (1810-1811). De Seet weer Wessen.

Historie

Dat Rebeed weer vörher Deel von dat Förstendom Lümborg (Kurförstendom Hannover) un hett dor to dat Amt Wessen-Thänhusen un de Vaagdien Eestrup un Hassel von dat Amt Heien höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Wessen een von de ölven Kantons in’n Distrikt Veern von dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Wessen is opdeelt worrn op de Mairie Wessen in’n Kanton Rethen un de Mairie Eestrup in’n Kanton Heien, all beid in’n Distrikt Neenborg von dat Departement von de Wersermünnen.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor.

Kantons

Königriek Westfalen

De Kanton weer indeelt in söss Mairien:

• Mairie Wessen: Wessen, Noke, Hiddenhusen, Bössel, Baanstäer
• Mairie Hassel: Hassel, Hope, Jübber, Drübber, Dienshoop, Alhusen
• Mairie Dörbern: Dörbern, Loohoff, Baame
• Mairie Städörp: Städörp, Geesfeld
• Mairie Eestrup: Eestrup, Hämelhusen, Dönhusen, Mahlen, Hogenholt
• Mairie Hassbargen: Hassbargen, Gannsbargen

Footnoten

Kantons in’n Distrikt Veern (Königriek Westfalen, 1810–1811)

Achem | Hudemöhlen | Mattfeld | Nee-Syke | Oold-Syke | Rethen | Rodenborg | Thänhusen | Veern | Wasra | Wessen