Kanton Hudemöhlen

De Kanton Hudemöhlen weer as Kanton en Verwaltungsrebeed in de Franzosentied (1810-1813). De Seet weer Hudemöhlen.

Historie

Dat Rebeed weer vörher Deel von dat Förstendom Lümborg (Kurförstendom Hannover) un hett dor to de Ämter Rethen un Aalen höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Hudemöhlen een von de ölven Kantons in’n Distrikt Veern von dat Departement von de Elv- un Wersermünnen. Man al to’n 1. Januar 1811 harr dat in düsse Form wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Noorden von’n Kanton Hudemöhlen is opdeelt worrn op de Mairie Kerkboitzen in’n Kanton Rethen un de Mairie Wasra in’n Kanton Wasra, all beid in’n Distrikt Neenborg von dat Departement von de Wersermünnen. De Süden is bi dat Königriek Westfalen bleven un hett dor as Kanton binnen den Distrikt Celle von dat Departement von de Aller wiederbestahn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor.

Kantons

De Kanton weer bet 1811 indeelt in 13 Mairien:

• Mairie Hudemöhlen: Hudemöhlen, Riethagen, Wiedenhusen
• Mairie Eickeloh: Eickeloh, Homsdorp
• Mairie Vethem: Vethem, Helmsen, Blankemöhlen, Witten Kampen
• Mairie Groten-Eilsdörp: Groten Eisderp, Lütjen Eisderp
• Mairie Kerkboitzen: Kerkboitzen, Sindörp, Helbargermöhl
• Mairie Olenboitzen: Olenboitzen
• Mairie Hollige: Hollig, Benzen
• Mairie Groten Hüßel: Groten Hüßel, Lütjen Hüßel
• Mairie Olenwahlje: Olenwahlje, Böhm, Kerkwahlje
• Mairie Bier: Bier, Neemöhl, Hellbarg
• Mairie Öberho: Öberho, Benhorn
• Mairie Westenholt: Westenholt, Ettenbossel
• Mairie Oostenholt: Oostenholt

Footnoten

Kantons in’n Distrikt Veern (Königriek Westfalen, 1810–1811)

Achem | Hudemöhlen | Mattfeld | Nee-Syke | Oold-Syke | Rethen | Rodenborg | Thänhusen | Veern | Wasra | Wessen