Bier (Lümbörger Heid)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Bier
Laag vun Bier in Düütschland
Basisdaten
Bundsland: Neddersassen
Landkreis: Heidkreis
Samtgemeen: Rethen
Gemeen: Böhm
Flach: 14 km²
Inwahners:
Hööchd: 22 m över NHN
Postleettall: 29693
Vörwahl: 05164
Geograafsche Laag:
Koordinaten:52° 47′ N, 9° 30′ O
52° 47′ N, 9° 30′ O

Dörpstraat in Bier

Bier (hoochdüütsch Bierde) is en Dörp in de Gemeen Böhm (Samtgemeen Rethen) in’n Landkreis Heidkreis, Neddersassen.

Bi dat Dörp Bier höört von öllers ok de lüttjeren Öörd Neemöhlen un Hellbarg mit bi.

Geografie[ännern | Bornkood ännern]

Bierer See

De Oort liggt in de Lümbörger Heid an de Aller un nich wied af von de Steed, an de fröher de Laane in de Aller münnt is (Ole Laane). De Böhm münnt an’n Westrand von Bier in de Aller. De höögste Punkt von Bier is de 37 Meter hoge Korlsbarg. Bi Bier liggt ok de Bierer See, wat en olen Arm von de Aller is.

De Naveröörd sünd Neemöhlen in’n Noorden, Hollig in’n Noorden, Wiedenhusen, Hudemöhlen, Riethagen un Aalen in’n Süüdoosten, Eilte in’n Süden, Bosse un Frankenfeld in’n Süüdwesten un Böhm in’n Noordwesten.

Historie[ännern | Bornkood ännern]

Bier kummt 1258 toeerst in de Oorkunnen vör. Bi Bier leeg de Borg Bier ut dat 13. un 14. Johrhunnert. Op düsse Borg geiht ok dat Good Bier trügg, dat in Bier bestahn hett. Dat Good hett ünner annern de Familien von Fulda un Ende tohöört.

In’n Eersten Weltkrieg sünd 17 Soldaten ut Bier fullen oder vermisst un in’n Tweten Weltkrieg 36.[1]

Verwaltungsgeschicht[ännern | Bornkood ännern]

In de Franzosentied hett de Oort binnen dat Königriek Westfalen to de Mairie Bier in’n Kanton Hudemöhlen höört.

De Oort hett vör 1885 to dat Amt Aalen tohöört. Na 1885 weer dat in’n Kreis Fambossel, de 1977 mit’n Kreis Soltau to’n Landkreis Soltau-Fambossel tohoopgahn is. 2011 hett düsse Landkreis den ne’en Naam Landkreis Heidkreis kregen.

De Oort weer fröher en egenstännige Gemeen, de an’n 1. März 1974 mit de Gemeenreform in Neddersassen Deel von de Gemeen Böhm worrn is.

Inwahnertall[ännern | Bornkood ännern]

Johr Inwahners
1791-00-001791[2] 27 Füürsteden
1824-00-001824[3] 34 Füürsteden
1848-00-001848[4] 306 Lüüd. 42 Hüüs*
1871-12-011. Dezember 1871[5] 263 Lüüd. 44 Hüüs
1885-12-011. Dezember 1885[6] 289 Lüüd. 46 Hüüs
1905-12-011. Dezember 1905[7] 303 Lüüd. 53 Hüüs
1910-12-011. Dezember 1910[8] 300*
1933-00-001933[9] 331*
1939-00-001939[9] 331*
* tohoop mit Neemöhlen un Hellbarg

Religion[ännern | Bornkood ännern]

Kapell in Bier

Bier is evangeelsch-luthersch präägt un höört to dat Kaspel von de Kark Aalen. Binnen düt Kaspel billt Bier mit de Vitus-Kapell en egen Kapellengemeen.

För de Kathoolschen is de Karkengemeen St. Maria von’n hilligen Rosenkranz in Wasra tostännig.

Kultur[ännern | Bornkood ännern]

In Bier steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Schüttenvereen Bier is 1919 grünnt worrn.

Weertschop un Infrastruktur[ännern | Bornkood ännern]

Bier hett en egene freewillige Füürwehr, de 1912 grünnt worrn is.

Verkehr[ännern | Bornkood ännern]

Dör Bier löppt de Landsstraat 159, de in’n Noordwesten över Böhm na Olenwahlje un dor an de Bundsstraat 209 un denn wieder över Groten Hüßel un Wittloh geiht un in’n Süüdoosten bi Riethagen an de L 190. De L 190 föhrt von dor in’n Noorden na Wasra un in’n Süden na Hudemöhlen un Hamstorp. De B 209 geiht von Olenwahlje in’n Noordoosten ok na Wasra un in’n Süüdwesten na Rethen. En lüttjere Straat gifft dat ans noch von Bier ut na Süden över de Aller un na Eilte.

De nächste Autobahn is de Autobahn 27 (Afsnidd BremenWasra). De Opfohrt 28 Wasra-Süüd liggt so twölv Kilometer in’n Noordoosten von Bier an de L 190. De Opfohrt 49 Westenholt de Autobahn 7 (Afsnidd HamborgHannover) liggt so 13 Kilometer in’n Oosten von Bier an de L 191.

De nächste Bahnhoff is so bi acht Kilometer wied weg in’n Süüdoosten de Bahnhoff Hodenhagen an de Heidbahn von Bookholt na Hannover.

Bier höört siet August 2013 to de Öörd, de tweesprakige Oortsschiller hebbt, op de blangen den hoochdüütschen ok de plattdüütsche Naam mit opsteiht.

Scholen[ännern | Bornkood ännern]

Fröher harr Bier en egen Volksschool. Düsse School hett 1968 dichtmaakt.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 24
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 56
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 86
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 95
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 46
  8. Inwahnertallen op gemeindeverzeichnis.de
  9. a b Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Bier (Lümbörger Heid). Mehr Biller, Videos oder Audiodateien to’t Thema gifft dat bi Wikimedia Commons.