Oosterndörp

Vun Wikipedia
(wiederwiest vun Osterndorf)
Wapen/Flagg Koort

Wapen vun Oosterndörp

Oosterndörp
Laag vun Oosterndörp in Düütschland
Basisdaten
Bundsland: Neddersassen
Landkreis: Cuxhoben
Gemeen: Beverst
Oortschop: Beverst
Flach: 5,31 km²
Inwahners:
Postleettall: 27616
Vörwahl: 04747
Geograafsche Laag:
Koordinaten:53° 27′ N, 8° 50′ O
53° 27′ N, 8° 50′ O

Karte

Good Oosterndörp 1985

Oosterndörp (hoochdüütsch Osterndorf) is en Dörp in de Gemeen Beverst in’n Landkreis Cuxhoben, Neddersassen.

Geografie[ännern | Bornkood ännern]

De Oort liggt op de Wersermünner Geest. Dat Water ut Oosterndörp flütt över Dohrener Beek un Beverster Beek na de Luun hen af.

De Naveröörd sünd Wolljes in’n Noorden, Appeln in’n Oosten, Karkwist un Stemmermöhlen in’n Süüdoosten, Beverst un Wehldörp in’n Süüdwesten, Heyerhöben in’n Westen un Loh in’n Noordwesten.

Historie[ännern | Bornkood ännern]

In dat 17. Johrhunnert is in dat Dörp dat Good Oosterndörp anleggt worrn.

Verwaltungsgeschicht[ännern | Bornkood ännern]

Oosterndörp hett bet 1851 to de Huusvaagide Beverst von dat Gericht Beverst, von 1851 bet 1859 to dat Amt Beverst un denn bet 1885 to dat Amt Leh tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn un 1977 von’n Landkreis Cuxhoben worrn.

1974 is de Gemeen Oosterndörp Deel von de Gemeen Beverst worrn. An’n 1. November 2011 is de ole Gemeen Beverst un de Samtgemeen Beverst denn as Eenheitsgemeen Beverst tohoopgahn. Oosterndörp höört nu binnen de Gemeen Beverst to de polietsche Oortschop Beverst.

In’n Eersten Weltkrieg sünd dree Soldaten ut Oosterndörp fullen oder vermisst[1].

Inwahnertall[ännern | Bornkood ännern]

Johr Inwahners
1824-00-001824[2] 11 Füürsteden
1848-00-001848[3] 74 Lüüd, 12 Hüüs
1910-12-011. Dezember 1910[4] 123
1925-00-001925[5] 124
1933-00-001933[5] 113
1939-00-001939[5] 167

Religion[ännern | Bornkood ännern]

Oosterndörp is evangeelsch-luthersch präägt un höört to dat Kaspel von de Fabian- un Sebastian-Kark in Beverst.

Wapen[ännern | Bornkood ännern]

Dat Wapen von Oosterndörp wiest baven op blauen Grund en gollen Sünn un ünnen op sülvern Grund en rode Odalsruun. De Sünn steiht as Symbol för den Oosten un dormit för den Naam von dat Dörp.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Beverst bi de Kark.

Verenen[ännern | Bornkood ännern]

Oosterndörp hett en egen Freewillige Füürwehr.

Infrastruktur[ännern | Bornkood ännern]

Verkehr[ännern | Bornkood ännern]

Oosterndörp liggt an de Landsstraat 128, de in’n Noorden na Wolljes un Geestenseth löppt un in’n Süden na bi Beverst an de Bundsstraat 71 ran. In’n Oosten geiht de Kreisstraat 41 na Appeln. En lüttjere Straat löppt ans noch na Wehldörp.

De nächsten Bahnhööv sünd de Bahnhoff Luunst un de Bahnhoff Stubben an de Bahnlien Bremen-Cuxhoben un de Bahnhoff Geestenseth an de Bahnlien Bremerhoben-Buxthu.

Lüüd[ännern | Bornkood ännern]

De Maler Carl Vinnen hett lang op dat Good Vinnen in Oosterndörp leevt.

Weblenken[ännern | Bornkood ännern]

Oosterndörp. Mehr Biller, Videos oder Audiodateien to’t Thema gifft dat bi Wikimedia Commons.

Footnoten[ännern | Bornkood ännern]

  1. Onlineprojekt Gefallenendenkmäler
  2. C. H. Jansen: Statistisches Handbuch des Königreichs Hannover. 1824, Sied 472: http://books.google.de/books?id=tG0AAAAAcAAJ&pg=PA472
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 149: http://books.google.de/books?id=eOI-AAAAcAAJ&pg=PA149
  4. http://www.gemeindeverzeichnis.de/gem1900/gem1900.htm?hannover/geestemuende.htm
  5. a b c http://www.verwaltungsgeschichte.de/wesermuende.html