Landraad (Ridderschop)

Landraad weer en Amt bi de Verwaltung von de Ridderschoppen/Landschoppen in dat Königriek Hannover.

Breemsche Landschop

De Breemsche Landschop (Ridderschop von dat Hartogdom Bremen) in dat fröhere Hartogdom Bremen weer indeelt in söss Zirkels.

In jeden von de söss Zirkels hett dat een Landraad geven. De Landraad müss in sien Zirkel en Eddelgood hebben un dor ok würklich wahnen. De Landrääd sünd von de Maten von de Ridderschop dör Mehrheit von de Stimmen wählt worrn. De Ridderschop hett jem denn bi de Regerung präsenteert un de Regerung hett jem ünner Eed nahmen. Na dat Königliche Reskript von’n 14. Februar^jul./ 25. Februar 1727^greg. stünnen de Landrääd op de sülve Ebene as en Brigadier.

Nadem de Sweden 1648 dat Hartogdom Bremen övernahmen harrn, sünd en Reeg Lüüd nee mit Göder belehnt worrn. Düsse Neebelehnten stünnen in Kunflikt mit’n breemschen Ooradel. 1664 hebbt sik de Neebelehnten un de Ooradel eenigt. Dat hett twee tosätzliche Landrääd geven, de ut de Neebelehnten besett worrn sünd. Dat hett aver blots bet to de Grote Redukschoon von 1680 duurt, as en Reeg von de ne’en Lehn wedder intagen worrn sünd. Na 1680 hett dat denn wedder söss Landrääd geven.

• 1. Zirkel: Oolland, Gericht Delm, Borgmännergericht Hornborg, de Ämter Oold- un Neeklooster, Zeven, Harsfeld, Himmelpoorten, de Kloostermeieree Stood un de Böörden Mulsen, Sürsen, Elsdörp, Heeßel, Jeem un Rhaar oder Hanst (Tall Göder 1791: 37).
• 2. Zirkel: Amt Neehuus mit dat Kaspel Kumbarg un de Wingst, de Gerichten Kark-Oosten, Warstood un Heckthusen, de Böörden Loomst, Host un Olendörp, de Buurschop Basbeek un dat Kaspel Grootweurn (Tall Göder 1791: 48).
• 3. Zirkel: Land Wusten, Olenwoold un Niewohl, de Ämter Stotel, Geestendörp, Beers un Noordholt oder Dieksenn, de Böörden Örel un Heesdörp, dat ole Amt Bremervöör, Beverst un Apeler (Tall Göder 1791: 25).
• 4. Zirkel: Oosterstoder Masch, de Böörden Braamst, Scharnbeck un Leessem, de fre’en Dämm Hagen, Kassbrook, Meyenborg, Swonewebel, Schönebeck un Heilshoorn, dat Amt Blomendal, de Gerichten Neenkarken un Hu’e, Truup un St. Jürgen (Tall Göder 1791: 29).
• 5. Zirkel: Amt Otterbarg, Gogericht Achem, Amtsschrieveree Langwedel un Gericht Swachhusen (Tall Göder 1791: 17).
• 6. Zirkel: Land Keden, Bützfleetschen Deels un Freebörgschen Deels (Tall Göder 1791: 109).

Calenbergsche Landschop

De Calenbergsche Landschop weer indeelt in veer Quartiers. Bi de Versammlungen von de Landschop harrn dat Lauenausche un dat Hamelsche Quartier een Landraad tohoop, de annern beiden jeder een Landraad.

• Göttingsch Quartier: Ämter Erichsborg, Brunstein, Reinhusen, Niedeck, Hardegsen, Nienover, Lauenförde, Brackenberg, Mohringen, Westerhofe, Friedland, Harste, Münden un Uslar, de aadligen Gerichten Adelepsen, Jühnde, Imshusen, Imsen, Hardenberg, Garte, Retmarshusen, Alten-Gleichen, Ussinghusen un Waake.
• Hamelsch Quartier: Ämter Springe, Läernstäine, Polle, Grohnde, Ohsen un Ertzen un de aadligen Gerichten Limmer, Deensen, Hastenbeck, Ohr, Hämelschenborg un Banteln.
• Hannöversch Quartier: Ämter Calenberg, Coldingen, Blumenau, Ricklingen, Niestadt, Wittenborg un Langenhagen, de Gerichten Linden, Rössing, Bredenbeck un Bemerode un de Kloosters Marienwerder, Wenngessen un Wülfinghusen.
• Lauenausch Quartier: Ämter Wölpe, Rehborg, Lauenau, Bockeloh, Lachen un de Kloosters Locken, Baschehusen, Mariensee, Wunsdörp un Marienrode.

Lümbörgsche Landschop

De Lümbörgsche Landschop weer indeelt in veer Quartiers, de jeder een Landraad harrn.

• Lümbörgsch Quartier: Ämter Horborg, Lüün, Winsen, Medingen un Ollenstadt un de Amtsvaagdien Bargen, Harmsborg un Fambossel.
• Lüchowsch Quartier: Ämter Bleikd, Hitzacker, Dannenbarg, Lüchow, Bondiek, Knesebeck un Clötze un de Gerichten Gartow un Brome.
• Cellesch Quartier: Ämter Ahlden un Rethen, de Amtsvaagdien Borgwedel, Bissendörp, Winsen un Essel un dat Gericht Wahlingen.
• Gifhornsch Quartier: Ämter Fallersleben, Gifhorn un Maanze, de Amtsvaagdien Eikeln, Bedenbostel un Ilten un de Aadligen Gerichten Wathlingen un Boldecker Land.