Koppel (Gemeen Heckthusen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21755 | |
| Vörwahl: | 04774 | |
| Geograafsche Laag: | Koordinaten:53° 38′ N, 9° 13′ O53° 38′ N, 9° 13′ O | |
|
| ||
Koppel (hoochdüütsch Koppel) is en Oort in de Gemeen Heckthusen in’n Landkreis Cuxhoben, Neddersassen. De Oort höört polietsch von öllers bi Klint mit bi. Koppel warrt vondaag mehrstendeels ok kumplett as Deel von Klint wohrnahmen, hett fröher aver as egen Dörp gullen.
Geografie
[ännern | Bornkood ännern]Koppel liggt an de Geestkant hen na de Masch von de Oost.
De Naveröörd sünd Heckthusen in’n Noordoosten, dat Good Hutloh in’n Oosten, Burweg in’n Süüdoosten, Blomendol in’n Süden, Kronenborg un Klint in’n Süüdwesten un Ihlbeek un Bornbarg in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Heckthusen in’n Kanton Himmelpoorten höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1850 to dat Gericht Heckthusen höört. 1850 is dat denn Deel von dat Amt Himmelpoorten worrn, dor aver man twee Johr bleven un is 1852 an dat Amt Oosten kamen. 1885 is dat Amt Oosten in’n Kreis Neehuus opgahn. 1932 is de Oort an’n Landkreis Land Hadeln kamen un 1977 Deel von’n Landkreis Cuxhoben worrn.
Koppel höört von öllers to de Gemeen Klint. 1962 is de ole Gemeen Klint to de Samtgemeen an de Oost kamen. Disse Samtgemeen is denn an’n 1. Juli 1972 mit de Gemeenreform in Neddersassen to de hüdige Gemeen Heckthusen worrn, to de Klint un Koppel nu tohöört.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 8 Füürsteden |
| 1824[2] | 13 Füürsteden |
| 1848[3] | 69 Lüüd, 13 Hüüs |
| 1. Dezember 1871[4] | 66 Lüüd, 13 Hüüs |
Religion
[ännern | Bornkood ännern]Koppel is evangeelsch-luthersch präägt un höört to dat Kaspel von de Marienkark in Heckthusen.
För de Kathoolschen is de St.-Nikolaus-Kapell in Heckthusen tostännig, de siet 1. September 2010 to de Karkengemeen Hillig Geist in Stood tohöört.
Kultur
[ännern | Bornkood ännern]Kriegerdenkmaal
[ännern | Bornkood ännern]
Dat Kriegerdenkmaal von Klint steiht twüschen Klint un Koppel un erinnert an de 25 Fullenen ut’n Eersten Weltkrieg. Ok an de Lüüd, de in’n Tweten Weltkrieg fullen sünd, warrt erinnert. Man de staht nich mit Naams mit op dat Denkmaal.
Weertschop un Infrastruktur
[ännern | Bornkood ännern]De freewillige Füürwehr Klint is för Koppel mit tostännig.
Verkehr
[ännern | Bornkood ännern]Dör Koppel geiht de Landstraat 116, de in’n Oosten in Heckthusen an de Bundsstraat 73 rangeiht. In’n Westen löppt de L 116 na Loomst wieder un geiht dor an de Bundsstraat 495 ran. Na Süden kummt een blot över de Brügg över de Oost in Heckthusen.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 22 Kilometer in’n Süüdoosten von Koppel an de B 73.
De nächste Bahnhoff is de Bahnhoff Heckthusen an de Nedderelvbahn von Cuxhoben na Hamborg, de direkt an dat Noordoostenn von Koppel liggt.
Scholen
[ännern | Bornkood ännern]De Schölers ut Klint un Koppel gaht na de Grundschool Heckthusen. Later köönt se op de Oberschool Loomst wesseln oder alternativ op de Haupt- un Realschool Hemmoor. As Gymnasium is dat Gymnasium Warstood för den Oort tostännig.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 131
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 340
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 150
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148