Hälßen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27374 | |
| Vörwahl: | 04262 | |
| Geograafsche Laag: | Koordinaten:53° 0′ N, 9° 36′ O53° 0′ N, 9° 36′ O | |
|
| ||
Hälßen (hoochdüütsch Heelsen) is en Dörp in de Gemeen Visselhöövd in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Schwitschen.
Geografie[ännern | Bornkood ännern]
De Oort liggt in de Lümbörger Heid. Dat Water ut dat Rebeed flütt över’n Swienkavenbeek na de Rodau hen af.
De Naveröörd sünd Roosbrook un Moordörp in’n Noorden, Hartböhn in’n Noordoosten, Hiddingen un Schwitschen in’n Oosten, Delvendaal, Riepholm un Oddingen in’n Süüdoosten, Visselhöövd, Affwinkel, Wööstenhoff un Stölpenhoff in’n Süüdwesten un Bookholt un Hütthoff in’n Noordwesten.
Historie[ännern | Bornkood ännern]
Hälßen kummt 1258 as Heldessen toeerst in en Oorkunn von’n Veerner Bischop Gerhard vör, in de he den Teegd in Hälßen de Kark in Visselhöövd överlett.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.
De Oort hett fröher to de Buurschop Schwitschen un later de Gemeen Schwitschen tohöört, de an’n 1. März 1974 mit de Gemeenreform in Neddersassen Deel von de Gemeen Visselhöövd worrn is. Sietdem höört Hälßen binnen de Gemeen to de Oortschop Schwitschen.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 4 Füürsteden |
| 1812[2] | 36 |
| 1824[3] | 5 Füürsteden |
| 1848[4] | 55 Lüüd, 10 Hüüs |
| 1. Dezember 1871[5] | 55 Lüüd, 10 Hüüs |
| 1. Dezember 1885[6] | 10 Hüüs |
| 1. Dezember 1905[7] | 55 Lüüd, 9 Hüüs |
Religion[ännern | Bornkood ännern]
Hälßen is evangeelsch-luthersch präägt un höört to dat Kaspel von de Johannis-Kark in Visselhöövd.
För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.
Weertschop un Infrastruktur[ännern | Bornkood ännern]
För Hälßen is de freewillige Füürwehr Schwitschen mit tostännig.
Verkehr[ännern | Bornkood ännern]
Hälßen is över de Hälßer Straat anbunnen an de Landsstraat 171, de in’n Noordoosten över Hiddingen un Drögenbossel in Neenkerken an de Bundsstraat 71 ran un wieder na Snevern geiht un in’n Süüdwesten na Visselhöövd an de B 440 un wieder över Jeddingen na Kerklinneln un Veern.
De nächste Autobahn is de Autobahn 7 (Afsnidd Hamborg–Hannover). De Opfohrt 46 Derpmark liggt so 20 Kilometer in’n Süüdoosten von Hälßen an de B 440. De Opfohrt 27 Wasra-West op de Autobahn 27 (Afsnidd Bremen–Wasra) liggt ok 20 Kilometer wied weg in’n Süüdwesten an de B 209.
De nächste Bahnhoff is so bi veer Kilometer wied weg in’n Süüdwesten de Bahnhoff Visselhöövd an de Bahnlien Ülzen–Langwedel.
Scholen[ännern | Bornkood ännern]
De Kinner ut Hälßen gaht na de Grundschool Visselhöövd. Bevör de Volksschool Schwitschen dichtmaakt worrn is, sünd se dor na School gahn.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 99
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 256
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 151