Grasdörp (Landkreis Oosterholt)

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Grasdörp

Grasdörp
Laag vun Grasdörp in Düütschland
Basisdaten
Bundsland: Neddersassen
Landkreis: Oosterholt
Gemeen: Grasbarg
Inwahners:
Postleettall: 28879
Vörwahl: 04208
Geograafsche Laag:
Koordinaten:53° 10′ N, 8° 60′ O
53° 10′ N, 8° 60′ O

Grasdörp (hoochdüütsch Grasdorf) is en Dörp in de Gemeen Grasbarg in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Korte Moor, wat en Utlöper von dat Düvelsmoor is. Dat Water ut dat Rebeed warrt över Gravens na de Wörp hen afföhrt.

De Naveröörd sünd Eekdorp in’n Noorden, Huxfeld in’n Oosten, Meinershusen un Dannenbarg in’n Süden un Heidbarg in’n Süüdwesten.

Historie[ännern | Bornkood ännern]

Grasdörp is 1784 as twee Kilometer lang Stratendörp un Moorkolonie grünnt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hu’e in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Moorvaagdie Grasdörp in dat Amt Otterbarg tohöört un von 1852 bet 1885 to dat Amt Leendaal. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort weer bet 1929 en egen Gemeen. In dat Johr sünd de twee Gemenen Grasdörp un Heidbarg to de ne’e Gemeen Heidbarg tohoopslaten worrn. Mit de Gemeenreform in Neddersassen an’n 1. März 1974 is disse Gemeen wedder oplööst worrn. Heidbarg is Deel von de Gemeen Leendaal worrn un Grasdörp von de Gemeen Grasbarg.

Inwahnertall[ännern | Bornkood ännern]

Johr Inwahners
1791-00-00 1791[1] 12 Füürsteden
1812-00-00 1812[2] 97
1824-00-00 1824[3] 19 Füürsteden
1848-00-00 1848[4] 212 Lüüd. 35 Hüüs
1871-12-011. Dezember 1871[5] 216 Lüüd. 37 Hüüs
1885-12-011. Dezember 1885[6] 209 Lüüd. 38 Hüüs
1905-12-011. Dezember 1905[7] 211 Lüüd. 38 Hüüs
1910-12-011. Dezember 1910[8] 213

Religion[ännern | Bornkood ännern]

Grasdörp is evangeelsch-luthersch präägt un höört to dat Kaspel von de Findörp-Kark in Grasbarg.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Dörpstraat von Grasdörp is in’n Noordoosten anbunnen an de Kreisstraat 10, de in’n Noorden na Grasbarg un Worpsweed geiht un in’n Süden bi Seebargen un Rutendorp an de Landsstraat 154. In’n Süüdwesten löppt de Dörpstraat na de K 27, de in Heidbarg an de L 154 geiht. De L 154 föhrt von Heidbarg in’n Noordwesten na Falkenbarg bi Leendaal un von Rutendorp in’n Oosten an Hu’e langs över Quelkhoorn na Otterbarg.

De nächste Autobahn is de Autobahn 27 (Afsnidd BremenWasra). De Opfohrt 19 Horn-Leh liggt so 16 Kilometer in’n Süüdwesten von Grasdörp.

De nächste Bahnhoff is so bi 14 Kilometer wied weg in’n Süden de Bahnhoff Sagehorn an de Bahnlien Hamborg–Bremen. Op de Bahnlien Bremen–Tarms hett dat von 1900 bet 1956 Personenverkehr geven. De Bahnhoff Grasbarg weer in düsse Tied veer Kilometer in’n Noorden.

Scholen[ännern | Bornkood ännern]

De Kinner ut Grasdörp gaht na de Grundschool Grasbarg.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 86
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 218
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
  8. Inwahnertallen op gemeindeverzeichnis.de