Frellsdorpermöhlen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27616 | |
| Vörwahl: | 04749 | |
| Geograafsche Laag: | Koordinaten:53° 30′ N, 8° 54′ O53° 30′ N, 8° 54′ O | |
|
| ||
Frellsdorpermöhlen (hoochdüütsch Frelsdorfermühlen) is en Dörp in de Gemeen Beverst in’n Landkreis Cuxhoben, Neddersassen. De Oord liggt an dat linke Över von de Geest.
Geografie
[ännern | Bornkood ännern]Frellsdorpermöhlen liggt ganz in’n Noordoosten von de Gemeen nich wied af von de Geest. In’n Oort sülvs doot de Frellsdorper Möhlenbeek un de Ströhngraven tohoopfleten, de denn en Stück wieder in de Geest münnt.
De Naveröörd sünd de Hööv in’n Noordoosten, Hipst in’n Oosten, Thebü in’n Süüdoosten, Frellsdorp in’n Süden, Wolljes in’n Süüdwesten, Geestenseth in’n Westen un Köhlen in’n Noordwesten.
Historie
[ännern | Bornkood ännern]De Oort is wohrschienlich in dat 15. Johrhunnert grünnt worrn, as de Herren von Luunbarg dor en Watermöhl boot hebbt. 1590 hett Henneke von Brobargen dor ok en Good boon laten. Siet 1936 is dat Good in Besitt von de Familie von de Oh.
Verwaltungsgeschicht
[ännern | Bornkood ännern]Frellsdorpermöhlen hett vör 1852 to dat Amt Bremervöör tohöört. Bi de Verwaltungs- un Justizreform an’n 1. Oktober 1852 in dat Königriek Hannover schull de Oort toeerst bi dat Amt Bremervöör blieven, is denn aver mit Verordnung von’n 28. September 1852 doch noch in dat Amt Beverst wesselt.[1] To dat Amt Beverst hett de Oort von 1852 bet 1859 tohöört un von 1859 bet 1885 to dat Amt Leh. Na 1885 weer dat in’n Kreis Geestmünn. 1932 is dat Deel von’n Landkreis Wersermünn un 1977 von’n Landkreis Cuxhoben worrn.
1926 is de Gemeen Frellsdorpermöhlen an de Gemeen Frellsdorp kamen. De Gemeen Frellsdorp is sülvs denn an’n 1. November 2011 Deel von de Gemeen Beverst worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 9 Füürsteden |
| 1848[3] | 61 Lüüd, 11 Hüüs |
| 1. Dezember 1910[4] | 61 |
| 1925[5] | 50 |
Religion
[ännern | Bornkood ännern]Frellsdorpermöhlen is evangeelsch-luthersch präägt un höört to dat Kaspel von de Bethlehem-Kark in Hipst.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Von Frellsdorpermöhlen gaht lüttjere Straten na Westen bi Geestenseth an de Kreisstraat 40, na Süden in Frellsdorp ok an de K 40 un na Oosten bi Hipst an de K 144 ran. Na Noorden hen is de Verkehr dör de Geest afsperrt.
De Bahnhoff Frellsdorp an de Bahnlien Bremerhoben–Buxthu liggt in Frellsdorpermöhlen.
Scholen
[ännern | Bornkood ännern]De Kinner ut Frellsdorpermöhlen gaht na de Grundschool Geestenseth. Bet 1976 sünd se na de Volksschool in Frellsdorp gahn.
Footnoten
[ännern | Bornkood ännern]- ↑ Hannoversche Gesetzgebung über Staats- und Gemeinde-Verwaltung. Helwing, Hannover 1852, Sied 80a
- ↑ C. H. Jansen: Statistisches Handbuch des Königreichs Hannover. 1824, Sied 192: http://books.google.de/books?id=tG0AAAAAcAAJ&pg=PA192
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/geestemuende.htm
- ↑ http://www.verwaltungsgeschichte.de/wesermuende.html
