Füürwehr in de Samtgemeen Olendörp-Himmelpoorten

De Samtgemeen Olendörp-Himmelpoorten is Dreger von 18 freewillige Füürwehren op dat Rebeed von de Samtgemeen.

Dat sünd de Füürwehren in de Dörper Blomendol, Bredenwisch, Brobargen, Burweg, Düünbeudel, Engelschopp, Esdörp, Grootweurn, Groot-Steernbarg, Gröpel, Hammoh, Heinbockel, Himmelpoorten, Hogenoh, Kronenborg, Middelsdörp, Neeland un Olendörp.

Olendörp un Himmelpoorten sünd Stüttpunktfüürwehren, de annern Oortsfüürwehren.

Jugendfüürwehren gifft dat in Hammoh, Himmelpoorten, Neeland, Olendörp un Esdörp (Jugendfüürwehr Oost, tostännig för en Reeg Öörd).

Oortsfüürwehren

Blomendol

Dat Sprüttenhuus steiht in de Ooststraat (53° 37′ N, 9° 14′ O).

De freewillige Füürwehr Blomendol is 1902 grünnt worrn.

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 34/40-01	STD-J 4021	TSF	Draagkraftsprüttenfohrtüüg	Mercedes-Benz (Sprinter NCV 3)/Ziegler			1:5 (Staffel)		^[1]

Bredenwisch

Dat Sprüttenhuus steiht in de Straat Bredenwisch 2 (53° 38′ N, 9° 18′ O).

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 35/40-01	STD-J 3521	TSF	Draagkraftsprüttenfohrtüüg	Opel (Movano 2.5 CDTI 3500)/Magirus	2006				^[2]

Brobargen

Dat Sprüttenhuus steiht in de Straat Boben in Dörp 10 (53° 36′ N, 9° 11′ O).

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 34/40-02	STD-J 4022	TSF	Draagkraftsprüttenfohrtüüg	Mercedes-Benz (T 1 310 D)/Barth	1992		1:5 (Staffel)	tosätzlich gifft dat en Schlauchanhänger	^[3]

Burweg

Dat Sprüttenhuus steiht in de Straat Buurnreeg 35A (53° 38′ N, 9° 16′ O).

De Wehr hett 2014 en Mannschopstransportfohrtüüg tokregen.^[4]

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 34/45-03	STD-J 4023	LF 10/6	Löschgruppenfohrtüüg	Mercedes-Benz (Atego 1118 AFE)/Schlingmann	2006	1:8 (Grupp)			^[5]
	Florian Stood 34/78-03			Mehrzweckboot	Leskau Boote, Stood (MZB 5000)	2004			warrt op de Oost insett	^[6]

Düünbeudel

Dat Sprüttenhuus steiht in de Straat An de Loog 16 (53° 35′ N, 9° 21′ O).

En Karren-Handdrucksprütt is 1894 in Düünbeudel köfft worrn. De freewillige Füürwehr is denn 1901 grünnt worrn. Dor is denn ok glieks en Sprüttenhuus an de Hauptstraat boot worrn un 1902 keem en tosätzliche Handdrucksprütt dorto, de von Peer tagen worrn is.

1945 hett de Wehr en Draagkraftsprütt ut Bstänn von’n Rieksluftschutzbund köpen un 1950 is en Auto as Togmaschien köfft worrn. 1959 hett de Wehr en VW-Draagkraftsprüttenfohrtüüg mit Schlauchanhänger kregen. För dat VW-Fohrtüüg is 1978 en Ford Transit nee kamen un de is 2000 wedder gegen en Mercedes-Benz Sprinter uttuuscht worrn.^[7]

Engelschopp

De freewillige Füürwehr Engelschopp is 1902 grünnt worrn.

Esdörp

Dat Sprüttenhuus steiht in de Straat Oosterbarg 3 (53° 34′ N, 9° 12′ O).

De Jugendfüürwehr Oost is in Esdörp grünnt worrn un ok för en Reeg annere Öörd langs de Oost mit tostännig.

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 34/40-04	STD-J 4024	TSF	Draagkraftsprüttenfohrtüüg	Mercedes-Benz (Sprinter 515 CDI)/Ziegler	2009		1:5 (Staffel)		^[8]

Grootweurn

Dat Sprüttenhuus steiht in de Straat Na’n See (53° 41′ N, 9° 16′ O).

De freewillige Füürwehr Grootweurn is an’n 11. September 1894 grünnt worrn. 1934 hett de Wehr en Fohrtüüg von Büssing-NAG kregen.^[9]

Bet 1951 stünn dat Sprüttenhuus in de Straat An’n Glind. In dat Johr is denn en neet Gebüüd in de Diekstraat boot worrn.^[9]

1958 hett de Füürwehr en LF 8 (Opel Blitz) kregen. Dat Fohrtüüg is bet 1980 bruukt worrn. In dat Johr keem en LF 8/TS von Mercedes-Benz un en Schlauchanhänger. In’n März 2004 hett de Wehr denn dat TSF-W kregen, wat ok vondaag noch dor is.^[9]

In’n Mai 2005 is dat ne’e Sprüttenhuus in de Straat Na’n See inwieht worrn.^[9]

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 35/41-05	STD-J 3525	TSF-W	Draagkraftsprüttenfohrtüüg	Mercedes-Benz (Vario 614 D)/Schlingmann	März 2004		1:5 (Staffel)		^[10]

Groot-Steernbarg

Dat Sprüttenhuus steiht in de Groot-Steernbarger Straat (53° 38′ N, 9° 22′ O).

Gröpel

Dat Sprüttenhuus steiht in de Dörpstraat (53° 34′ N, 9° 11′ O).

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 34/40-05	STD-J 4025	TSF	Draagkraftsprüttenfohrtüüg	Mercedes-Benz (Sprinter)/Ziegler	2006		1:5 (Staffel)		^[11]
	Florian Stood 34/78-05			Mehrzweckboot					warrt op de Oost insett	^[12]

Hammoh

De freewillige Füürwehr Hammoh is 1897 grünnt worrn.

An’n 23. März 2007 harr dat LF 8 von de Füürwehr Hammoh en sworen Unfall, bi den een Kameraad doodbleven un de acht annern in dat Fohrtüüg deelwies swoor verwunnt worrn sünd. De Wagen weer op’n Weg na de Johrshauptversammlung von de Füürwehren in de Samtgemeen Himmelpoorten op de Landsstraat 113 twüschen Neeland un Grootweurn ünnerwegens. Dorbi is he von de Straat afkamen un gegen en Boom föhrt. Dat Fohrtüüg weer en Totalschaden. As Ersatz för dat LF 8 hett de Wehr en neet LF 10/6 kregen.

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 35-45-06		LF 10/6	Löschgruppenfohrtüüg	Mercedes-Benz (Atego)/Schlingmann	2007		1:8 (Grupp)		^[13]

Heinbockel

53° 34′ N, 9° 19′ O

De freewillige Füürwehr Heinbockel is an’n 20. Oktober 1901 grünnt worrn. De Wehr hett sik 1932 in’n Stried mit de Gemeen aver wedder oplööst. Dat hett denn kort en Plichtfüürwehr geven, bet 1933 en ne’e freewillige Füürwehr grünnt worrn is. 1946 hett de Füürwehr en Motorsprütt TS 8 köfft. En Sireen op dat Dack von de School hett de Oort 1951 kregen un 1963 en Löschfohrtüüg von VW.

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 34/40-07	STD-J 4027	TSF	Draagkraftsprüttenfohrtüüg	Fiat (Ducato)/Magirus	1997		1:5 (Staffel)	tosätzlich gifft dat en Schlauchanhänger	^[14]

Himmelpoorten

De freewillige Füürwehr Himmelpoorten is 1889 grünnt worrn. In de Tied von’n Eersten Weltkrieg 1914 bet 1918 warrt noch wedder en Plichtfüürwehr inföhrt, von wegen dat so veel Mannslüüd in’n Krieg sünd.^[15]

1934 hett de Füürwehr en Motorsprütt ut de Fabrik Hermann Koebe kregen un en Tied later noch en Angreepswagen von Audi mit 100 PS.^[16] In’n Tweten Weltkrieg mööt 1942 wedder Füürwehrlüüd noodverplicht warrn. In dat Johr kriggt de Wehr ok en neet Löschgruppenfohrtüüg. In’n Juli 1943 weer de Wehr in Hamborg in Insatz un hett dor na de Luftangrepen löschen müsst. In’n November 1943 hett de Füürwehr so wenig Lüüd, dat ok 19 Froonslüüd as Helpers verplicht warrt. Dat Löschgruppenfohrtüüg is 1945 von de brietschen Besatters intagen worrn. Later hett de Füürwehr dat Fohrtüüg aver trüggkregen.

In’n Juni 1956 is för 65.000 DM in de Poststraat en neet Sprüttenhuus boot worrn, dat Platz för all dree Fohrtüüg von de Wehr harr.^[17] Vörher weren de Fohrtüüg op verscheden Standöörd opdeelt. In’n Oktober 1956 hett Himmelpoorten överall fleten Water kregen un 16 Hydranten sünd anleggt worrn.

In’n September 1962 hett de Wehr en neet TLF 16 von Mercedes-Benz mit en Tank von 3200 Liter to en Pries von 59.000 DM kregen.

1964 warrt de Füürwehr Swoorpunktwehr un kriggt dorüm tosätzlich en VW-Kummandowagen.^[18] In’n Januar 1969 hett de Füürwehr en LF 8 (Pries 54.000 DM) tokregen. In’n März 1975 kriggt de Füürwehr in Himmelpoorten von de Stadt Stood de Dreihledder (Bojohr 1951), de ok vondaag noch in Insatz is. 1980 kriggt dat Sprüttenhuus en Anbo, dat de Dreihledder dor ok Platz in finnt, un 2007 is dat Gebüüd noch wedder ümboot worrn.^[19]

De Füürwehr besitt ok noch en olen Hydrophor, de 1885 boot worrn is.

Fohrtüüg

Roopteken	Kennteken	Norm	Typ	Hersteller	in Deenst stellt	Besatzung	Born
Florian Stood 35/24-07	STD-J 3517	TLF 16/25	Tanklöschfohrtüüg	Mercedes-Benz ( LK 1120 AF)/Metz	April 1991	1:5 (Staffel)	^[20]
Florian Stood 35/17-07	STD-J 3577	MTF/ELW	Mannschopstransportwagen	VW (Caravelle T4)		1:7	^[21]
Florian Stood 35/35-07	STD-J 3537	DL 17	Dreihledder	Magirus-Deutz (S 3500)/Magirus	1951	1:2	^[22]
Florian Stood 35/54-07	STD-J 3527	LF 8	Löschgruppenfohrtüüg	Mercedes-Benz (Atego 815 F EcoPower)/Schlingmann		1:8 (Grupp)	^[23]

Hogenoh

De freewillige Füürwehr Hogenoh is för en ganz Enn von de Bundsstraat 74 tostännig un hett dorüm veel mit Unfäll to doon.

In de Johren 1970 weer de Füürwehr mit een Fohrtüüg un twee Anhängers utrüst. Een Anhänger mit Reedschoppen för Füür un een för technische Hülp. 1987 hett de Füürwehr en Löschgruppenfohrtüüg von’n Typ LF 8 kregen, dat mit Reedschoppen för de technische Hülp utrüst weer. 2014 hett de Wehr en ne’en Wagen von’n Typ HLF 10 kregen (Kösten 196.000 Euro)^[24]. Dat Füürwehrhuus (53° 33′ N, 9° 19′ O) is 2006 bet 2008 en beten butenoords kumplett neet boot worrn. Dat ole Sprüttenhuus leeg in’n Oort (53° 33′ N, 9° 19′ O).

2014 hett de Wehr en neet Hülpleistungslöschfohrtüüg för 196.000 Euro kregen.^[4]

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
			HLF 10	Hülpleistungslöschfohrtüüg	Mercedes-Benz (Atego)/Schlingmann	2015				^[25]

Kronenborg

53° 36′ N, 9° 12′ O

De eerste Füürsprütt hett Kronenborg 1830 kregen. An’n 7. April 1895 is denn vun 24 Lüüd de freewillige Füürwehr grünnt worrn. 1898 hett de Wehr en Karrensprütt kregen. In de Tiet vun’n Natschonalsozialismus is de Kronenbörger Füürwehr as all de annern freewilligen Füürwehren ok in ene Polizeihülpstrupp ümwannelt worrn. In’n Tweten Weltkrieg sünd ut Mangel an Insatzkräft ok Froonslüüd to’n Deenst rantagen worrn. De Kleinkraftsprütt, de de Füürwehr in’n Krieg kregen harr, is 1945 von de Briten intagen worrn. En neet Füürwehrhuus op’n Brink, in dat ok en Gemeenbüro ünnerbröcht weer, is 1951 inwieht worrn. Dat 1950 ut olen Wehrmachtsbestänn köffte Füürwehrauto (Opel Blitz) is 1960 gegen en VW-Transporter uttuuscht worrn. 1963 is ok de Kraftsprütt gegen en ne’er Modell uttuuscht worrn. Siet dat Dörpgemeenschopshuus 1982 trech worrn is, is ok dat Füürwehrhuus dor mit ünnerbröcht. 1982 hett de Füürwehr för den nu al temlich olen VW-Transporter en Dragkraftsprüttenfohrtüüch von Mercedes-Benz kregen. 2010 hett de Wehr wedder en neet TSG kregen.

Fohrtüüg

Bild	Roopteken	Kennteken	Norm	Typ	Hersteller	in Deenst stellt	ut Deenst stellt	Besatzung	Annerswat	Born
	Florian Stood 34/40/08	STD-J 4028	TSF	Draagkraftsprüttenfohrtüüg	Mercedes-Benz (Sprinter 516 CDI)/Ziegler	2010		1:5 (Staffel)		^[26]
	~~Florian Stood 40/28~~	STD-J 4028	TSF	Draagkraftsprüttenfohrtüüg	Mercedes-Benz (T 1 310)/Meisner	1982	2010	1:5 (Staffel)		^[27]

Middelsdörp

De freewillige Füürwehr Middelsdörp is 1936 grünnt un dat hüdige Füürwehrhuus 2006 boot worrn.

Neeland

Dat Sprüttenhuus steiht in de Straat Kamper Weg (53° 39′ N, 9° 18′ O).

De Jugendfüürwehr Neeland is an’n 19. Juni 2005 grünnt worrn un is ok för dat Rebeed von Grootweurn un Engelschopp mit tostännig.

Olendörp

Dat Sprüttenhuus steiht in de Schüttenstraat 12 (53° 35′ N, 9° 15′ O).

De eerste Füürsprütt is 1828 in Olendörp köfft worrn. 1862 is en Plichtfüürwehr grünnt worrn un an’n 16. März 1883 en freewillige Füürwehr. Dat weer de eerste freewillige Füürwehr in dat Rebeed von de hüdige Samtgemeen.^[28] 1925 hett de Wehr en Motorwagen von Magirus kregen.

In’n Juli 1943 weer de Wehr in Hamborg in Insatz un hett dor na de Luftangrepen löschen müsst. Nadem 1945 de Briten dat Rebeed innahmen harrn, hebbt se de Motorsprütt intagen. As an’t Enn von dat Johr 1945 en LF 15, dat de Briten as Fohrtüüg bruukt harrn, in Olendörp liggenbleven is, hett de Olendörper Füürwehr den Wagen övernahmen.

1953 hett de Wehr en neet Sprüttenhuus boot, dat an dat Gemeenhuus anboot weer. 1957 hett de Wehr en LF 8 TS von Ford kregen. Dat hüdige Sprüttenhuus is 1975 boot worrn un 1977 hett de Wehr en Tanklöschfohrtüüg tokregen. 1981 is dat LF 8 gegen en neet uttuuscht worrn.

De Jugendfüürwehr Olendörp is an’n 13. November 2007 grünnt worrn.

Historie

De Samtgemeen Olendörp (mit negen Oortsfüürwehren) un de Samtgemeen Himmelpoorten (ok mit negen Oortsfüürwehren) hebbt sik an’n 1. Januar 2014 to de ne’e Samtgemeen Olendörp-Himmelpoorten tohoopslaten.

Tall Insätz

De Füürwehren in de Samtgemeen Himmelpoorten harrn 2013 164 Insätz. Dat weren 27 Bränn, 134 technische Hülpleistungen un 3 Maal falschen Alarm. De Füürwehren in de Samtgemeen Olendörp harrn in dat Johr 149 Insätz. Dat weren 16 Bränn, 71 technische Hülpleistungen un 2 Maal falschen Alarm. Tosätzlich is de Füürwehr in Olendörp 14 Maal mit’n Defibrillator utrückt.^[29]

Aktive

De Füürwehren in de Samtgemeen Himmelpoorten harrn an’n 31. Dezember 2013 308 Aktive, 130 Ehren- un Öllerskameraden un 45 Liddmaten in de Jugendfüürwehr. In de Samtgemeen Olendörp weren dat 360 Aktive, 141 Ehren- un Öllerskameraden un 31 Liddmaten in de Jugendfüürwehr.

Gemeenbrandmeester

2014–: Rolf Jarck

Himmelpoorten

–2014: Rolf Jarck

Olendörp

1973–: Richard Elfers
–2014: Hans-Heinrich tom Have

Footnoten

Weblenken

Füürwehr-Satzung von de Samtgemeen Olendörp-Himmelpoorten (hoochdüütsch)
Füürwehr-Gebührensatzung von de Samtgemeen Olendörp-Himmelpoorten (hoochdüütsch)
Websteed von de Füürwehr Olendörp (hoochdüütsch)
Websteed von de Füürwehr Kronenborg (hoochdüütsch)
Websteed von de Füürwehr Heinbockel (hoochdüütsch)
Websteed von de Füürwehr Hammoh (hoochdüütsch)

Füürwehr in’n Landkreis Stood

De Artikel „Füürwehr in de Samtgemeen Olendörp-Himmelpoorten“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

[1] ttp://bos-fahrzeuge.info/einsatzfahrzeuge/37355/Florian_Stade_3440-01

[2] ttp://bos-fahrzeuge.info/einsatzfahrzeuge/36831/Florian_Stade_3540-01

[3] ttp://bos-fahrzeuge.info/einsatzfahrzeuge/85860/Florian_Stade_3440-02

[kfv-stade-1-4] Schlagkräftige Truppe in fusionierter Samtgemeinde, Kreisfüürwehrverband Stood, 31. März 2015

[5] ttp://bos-fahrzeuge.info/einsatzfahrzeuge/39751/Florian_Stade_3445-03

[6] ttp://bos-fahrzeuge.info/einsatzfahrzeuge/36212/Florian_Stade_3478-03

[7] 50 Jahre Faustball im SV Düdenbüttel ...und einiges mehr! 2012, Sied 116

[8] ttp://bos-fahrzeuge.info/einsatzfahrzeuge/91658/Florian_Stade_3440-04

[historie-grootweurn-9] ttp://www.grossenwoerden.de/pages/vereine/freiwillige-feuerwehr/historie.php

[10] ttp://bos-fahrzeuge.info/einsatzfahrzeuge/38858/Florian_Stade_3541-05

[11] ttp://bos-fahrzeuge.info/einsatzfahrzeuge/36828/Florian_Stade_3440-05

[12] ttp://bos-fahrzeuge.info/einsatzfahrzeuge/36828/Florian_Stade_3440-05

[13] ttp://www.feuerwehr-hammah.de/index.php/technik/fahrzeuge/lf106

[14] ttp://bos-fahrzeuge.info/einsatzfahrzeuge/20414/Florian_Stade_3440-07

[15] ttp://www.feuerwehr-himmelpforten.de/ueber-uns/geschichte/1908---1931.html

[16] ttp://www.feuerwehr-himmelpforten.de/ueber-uns/geschichte/1932---1945.html

[17] ttp://www.feuerwehr-himmelpforten.de/ueber-uns/geschichte/1946---1963.html

[18] ttp://www.feuerwehr-himmelpforten.de/ueber-uns/geschichte/1964---1986.html

[19] ttp://www.feuerwehr-himmelpforten.de/ueber-uns/geschichte/1987---heute.html

[20] ttp://bos-fahrzeuge.info/einsatzfahrzeuge/39015/Florian_Stade_3524-07

[21] ttp://bos-fahrzeuge.info/einsatzfahrzeuge/64917/Florian_Stade_3517-07

[22] ttp://bos-fahrzeuge.info/einsatzfahrzeuge/121220/Florian_Stade_3535-07

[23] ttp://bos-fahrzeuge.info/einsatzfahrzeuge/37929/Florian_Stade_3543-07

[24] ttp://www.kfv-stade.de/index.php/berichte/23-festtag-fuer-feuerwehr-hagenah

[25] ttp://www.kfv-stade.de/index.php/berichte/23-festtag-fuer-feuerwehr-hagenah

[26] ttp://bos-fahrzeuge.info/einsatzfahrzeuge/85876/Florian_Stade_3440-08

[27] ttp://bos-fahrzeuge.info/einsatzfahrzeuge/65165/Florian_Stade_4028_aD

[28] ttp://www.ff-oldendorf.de/html/geschichte.htm

[29] ttp://www.feuerwehr-himmelpforten.de/jhv-ff-oldendorf-himmelpforten.html

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]