Düünbeudel

Vun Wikipedia
(wiederwiest vun Düünbödel)
Wapen/Flagg Koort

Wapen vun Düünbeudel

Düünbeudel
Laag vun Düünbeudel in Düütschland
Basisdaten
Bundsland: Neddersassen
Landkreis: Stood
Samtgemeen: Olendörp-Himmelpoorten
Flach: 10,18 km²
Inwahners: 1024 (31. Dezember 2022)
Hööchd: 15 m över de See
Postleettall: 21709
Vörwahl: 04144
Geograafsche Laag:
Koordinaten:53° 35′ N, 9° 21′ O
53° 35′ N, 9° 21′ O
Grenzen bi OSM: 444950 444950
Gemeenslötel: 03 3 59 014
Öörd in de Gemeen: 1
Börgermeester: Klaus-Peter Borchers-Saß (FWG)
Websteed: www.himmelpforten.de
Koort
Kreis
Karte
Balje (Neddersassen)Krummendiek (Neddersassen)Freiborg (Elv)ÖderquartGemeen WischhobenGemeen DrochtersGrootweurnGemeen EngelschoppHammahDüünbeudelGemeen HimmelpoortenGemeen BurwegGemeen KronenborgGemeen EsdörpOlendörpGemeen HeinbockelGemeen StoodDeinstGemeen FreenbeekGemeen KutenhultGemeen JörkGemeen BuxthuGemeen ObbensGemeen BeekdörpGemeen SounsiekGemeen OhlersGemeen BrestBargstGemeen HarsfeldNottensdörpBliersdörpHornborgDollernGothenborgLandkreis StoodNeddersassenLandkreis CuxhobenLandkreis RodenborgLandkreis HorborgHamborgSleswig-HolsteenSleswig-HolsteenGreundiekMittelskarkNeekark (Olland)GauderhandviddelSteenkark (Olland)Hullern-Twielenfleth
Laag von de Gemeen Düünbeudel in’n Landkreis Stood (Koort lett sik anklicken)

Düünbeudel (hoochdüütsch Düdenbüttel) is een Dörp un Gemeen in de Samtgemeen Olendörp-Himmelpoorten in’n Landkreis Stood. De Gemeen hett 1024 Inwahners (Stand 31. Dezember 2022).

To den Oort höört neben den Hauptoort Düünbeudel de lüttjeren Oortsdele Schregenmoor un Wittenmoor.

Historie[ännern | Bornkood ännern]

Dat eerste Mool is de Oort an’n 20. Juli 1059 in en Uurkunn von den Arzbischop von Bremen Adalbert as Dudanebutli beneumt worrn.

Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.

Bi de Gemeenreform in Neddersassen to’n 1. Juli 1972 is denn de Samtgemeen Himmelpoorten grünnt worrn, to de Düünbeudel tohöört hett. Disse Samtgemeen harr Bestand bet to’n 1. Januar 2014, as de Samtgemeen Himmelpoorten mit de Samtgemeen Olendörp to de Samtgemeen Olendörp-Himmelpoorten tohoopgahn is.

Noom[ännern | Bornkood ännern]

De Noomsdeel -beudel (hoochdüütsch -büttel) geiht op en Woort trüch, dat soveel wie Wohnplatz bedüüdt. De eerste Deel von den Noom kummt vun den ollen Vörnoom Dudo. De Oort is also no den Wohnplatz oder Hoff von en Mann Dudo beneumt.

Inwahnertall[ännern | Bornkood ännern]

Johr Inwahners
1824-00-001824[1] 32 Füürsteden
1848-00-001848[2] 221 Lüüd, 40 Hüüs
1871-12-011. Dezember 1871[3] 294 Lüüd, 54 Hüüs
1910-12-011. Dezember 1910[4] 310
1925-00-001925[5] 292
1933-00-001933[5] 388
1939-00-001939[5] 380
2005-12-3131. Dezember 2005[6] 912
2008-12-3131. Dezember 2008[6] 941
2018-06-3030. Juni 2018[7] 1.008

Religion[ännern | Bornkood ännern]

Düünbeudel is evangeelsch-luthersch präägt un höört to dat Kaspel Himmelpoorten. Bet 1895 weer dat Dörp Deel von dat Kaspel Olendörp, is denn aver na Himmelpoorten wesselt, dat dichter bi weer.

För de Kathoolschen is de Hillig-Geist-Kark in Stood tostännig.

Politik[ännern | Bornkood ännern]

Gemeenderoot[ännern | Bornkood ännern]

Sitten in’n Gemeenraat
Johr FWG
2006 9
2011 9
2016 9
2021 11

Börgermeester[ännern | Bornkood ännern]

  • 1877–1892: Heinrich Schult
  • 1892–1922: Hinrich Mügge
  • 1922–1932: Hinrich Tiedemann
  • 1932–1945: Hinrich Schuldt
  • 1945–1946: Johann Bösch
  • 1946–1963: Johann Brunckhorst
  • 1963–1971: Johann Erhorn
  • 1971–1991: Hermann Wienberg (FWG)
  • 1991–2016: Heinz Mügge (FWG)
  • na 2016: Klaus-Peter Borchers-Saß (FWG)

Wapen[ännern | Bornkood ännern]

Dat Wapen in Blau wiest enen sülvernen Rieder mit gulden Toomtüüch, Saddel un Helm. An’n Foot von dat Schild sünd dree züngelnde Flammen.

Dat kummt von een Saag, wo no dat an’n 29. März 1754 een groot Füer in düt Dörp geven hett. All de Hüüs, bit op fiev, hebbt brennt. Do kööm von Stood her een Rieder op en Schimmel. He hool in Düünbeudel an un reep mit bannig starke Stimm: „Bit hierher und nich wieder!“ Achterna rabacker he wieder in Richtung Himmelpoorten ohn sik ümtokieken.

Flagg[ännern | Bornkood ännern]

De Flagg von de Gemeende hett twee woogrechte Striepen, boven sülver, ünnen root, de gliek breet sünd. In de Mitt is dat Gemeendewapen opleggt.

Kultur un wat to bekieken is[ännern | Bornkood ännern]

Bowark[ännern | Bornkood ännern]

De Hollänner-Windmöhl Amanda, de 1896 in’n Oortsdeel Schregenmoor boot worrn is, warrt as dat Wohrteken von Düünbeudel ansehn. Schregenmoor liggt so twee Kilometer von’n Hauptoort af an de Bundsstraat 73.


Sport[ännern | Bornkood ännern]

De Spood von de Fuustballmannschopen vun den örtlichen SV Düünbeudel hett Düünbeudel bekannt mookt. Siet 1977 is Düünbeudel in de Fuustball-Bundesliga. In dissen Vereen warrt ok de Sportoorden Tennis, Dischtennis un Gymnastik bedreven.

Siet 1984 gifft dat enen Ried- und Fohrvereen in Düünbeudel, de in'n Juli 2006 een egen Riedhall kregen hett.

Weertschop un Infrastruktur[ännern | Bornkood ännern]

De Filiaal von de Spoor- un Kreditbank Hammoh in Düünbeudel hett 1965 apenmaakt. De Kreisspoorkass Stood hett in de Hauptstraat 13 en Filiaal.

Verkehr[ännern | Bornkood ännern]

Direkt dör den Oort löppt de veel beföhrte Bundsstraat 73, de dat Dörp mit Stood un Hamborg verbindt. Mit Heinbockel is Düünbeudel öber de Kreisstroot 57 verbunnen.

In’n Mai 2016 hett dat Dörp ne’e gele Oortsschiller kregen, op de nu ok de plattdüütsche Naam blangen den hoochdüütschen mit op steiht.

Scholen[ännern | Bornkood ännern]

Düünbeudel hett keen egen School mehr. Op Haupt- un Realschool gaht de Kinner na de Porta-Coeli-School in Himmelpoorten, op Gymnasium na’n Gymnasialtwieg von de Porta-Coeli-School oder na de Vincent-Lübeck-School in Stood.


Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 148: http://books.google.de/books?id=tG0AAAAAcAAJ&pg=PA148
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
  4. http://www.gemeindeverzeichnis.de/gem1900/gem1900.htm?hannover/stade.htm
  5. a b c http://www.verwaltungsgeschichte.de/stade.html
  6. a b http://www.himmelpforten.de/2092.php
  7. http://www.samtgemeinde-oldendorf.de/rathaus-buergerinfo/zahlen-daten-fakten-impressionen.php

Weblenken[ännern | Bornkood ännern]

Düünbeudel. Mehr Biller, Videos oder Audiodateien to’t Thema gifft dat bi Wikimedia Commons.