Bundsautobahn 21

Vun Wikipedia
Wesseln na: Navigatschoon, Söök
Bundsdüütsche Autobahntall 21
Verloop vun de A 21
De A 21 (ünnen) ennt to Tiet an’t Krüüz Bartheil

De Bundsautobahn 21 (Afk.: BAB 21 oder ok A 21) is en Autobahn in Noorddüütschland, mit en Gesamtläng vun opstunns 52 Kilometer. To Tiet föhrt de A 21 vun’t Autobahnkrüüz bi Bartheil an de A 1 bit na Wankendorf , wat op’n halven Weg vun Bad Sebarg na Kiel liggt. Dor geiht se in de B 404 över, de bit na Kiel wieterföhrt. De A 21 is aver lang noch nich fardig. Se schall in’n Noorden bit na Kiel in’n Süüden bit na de A 250 utboet un verlängert warrn.

Na’n Endutbo warrt de A 21 bi Bad Sebarg vun de Oostseeautobahn, de A 20, krüüzt warrn, de vun’t Krüüz Lübeck ranföhrt. Wenn de Streck bit na de A 250 – de laterhen Deel vun de A 39 warrn schall – fardigstellt un ok de Verlängern vun de A 39 vullstännig is, gifft dat en dörgahn Streck vun Soltgitter bit na Kiel, de parallel to de A 7 verlöpt un dordör sünners den Ruum Hamborg düütlich entlasten kann.

Stand vun’n Bo (Juli 2009)[ännern | Bornkood ännern]

De B 404 warrt nu in’t Rebeet vun Kiel-Wellsee mit twee Richtfohrbahnen jede Siet to de A 21 utboet. Op de Hööch vun de ne’en Anslusssteed för dat Industrierebeet Wellsee warrt an’n Wellseedamm Brüchen nee boet. De Brüchenbowark is veersproig mit Standstriepen ümsett worrn un is op een Siet al asphalteert. In’n wieteren schall de hele Boafsnitt asphalteert un de utboete B 404 mit de Anslusssteed verbunnen warrn, üm Ruum to maken för tokamen Boafsnitten.

Plaans[ännern | Bornkood ännern]

  • De B 404 schall twüschen Kiel un de Anslusssteed Wankendorf tweesporig as A 21 utboet warrn. De Afsnitt warrt vördringlich bruukt.
  • De B 404 schall wieter na Süden as A 21 twüschen dat Autobahnkrüüz Bartheil un de Anslusssteed Schwarzenbek/Grande (A 24) mit twee Fohrsporen utboet warrn. (wieteren Bruuk mit ökoloogsch Risiko)
  • Twüschen de Anslusssteed Schwarzenbek/Grande un de A 250 bi Winsen (Luh) is en Neebo as Verlängern plaant. (wieteren Bruuk mit ökoloogsch Risiko)

Weblinks[ännern | Bornkood ännern]

Commons-logo.svg Bundsautobahn 21. Mehr Biller, Videos oder Audiodateien to’t Thema gifft dat bi Wikimedia Commons.