Bundsautobahn 15

Vun Wikipedia
Wesseln na: Navigatschoon, Söök
Stratenschild vun de A 15
Verloop vun de A 15

De Bundsautobahn 15 (Afk.:BAB 15, in Kortform ok A 15 nöömt) is en Autobahn in’n Oosten vun de Bundsrepubliek Düütschland, de ok ünner de Beteken „Spreewaldautobahn“ bekannt is.

Verloop[ännern | Bornkood ännern]

De A 15 liggt in’n Oosten vun’t Bundsland Brannenborg, woneem se op en Läng vun 64 km dat Autobahndreeeck Spreewald mit de A 13 mit Forst in de Lausitz verbinnt. Dorbi föhrt se vörbi an Lübbenau, Vetschau un Cottbus un wieter na de Grenz to Polen bi Bademeusel.

De Autobahn is op hele Läng Deel vun de Europastraat 36. Achter de Grenz geiht de A 15 as A 18/DK 18 wieter. Se geiht na ruchweg 78 km in de Neeg vun Bolesławiec in de poolsche A 4 över, de vun Görlitz kummt un na Breslau, Kattowitz un Krakau wieterföhrt.

Historie[ännern | Bornkood ännern]

Bit to de Düütsche Weddervereenigen weer de A 15 bit op wenige hunnert Meter an’t Dreeeck Spreewald blots eenbahnig (Süüdsiet) fardigstellt. Vele Brüchen op disse Streck weern in’n Tweeten Weltkrieg tonichtenmaakt un sünd in de DDR wedder opboet worrn. De Spreebrüch in de Neeg vun de Anslusssteed Cottbus-Süüd is op de Noordsiet wedder opboet worrn. De Forhbahn weer an disse Steed verswenkt. Dat Dreeeck Spreewals is eerst 1962 toenn boet wesen. Bit dorhen weer de Verkehr vun un na de A 13 in Richt Berlin in’n Gegenverkehr över de Rampen leidt – en Brüch över de A 15 geev dat nich.

In de 1990er Johren is de Noordsiet vun de Autobahn boet worrn. Dat eerste fardige Deelstück weern dree Kilometer vun’t Dreeeck Spreewald an. De Verkekr müss wiel de Boarbeiten faken mit Ampeln regelt warrn. Bit 1990 harr noch de AVUS in West-Berlin de Beteken A 15, de dorna de Beteken A 115 kregen hett.

Gegen de tyypschen Systematik in Düütschland hett de Autobahn keen graade Tall kregen, ofschoonst se vör allen in Oost-West-Richt verlopen deit.

Weblenken[ännern | Bornkood ännern]

Commons-logo.svg Bundsautobahn 15. Mehr Biller, Videos oder Audiodateien to’t Thema gifft dat bi Wikimedia Commons.