Bundsautobahn 352

Vun Wikipedia
Wesseln na: Navigatschoon, Söök
Bundsdüütsche Autobahntall 352

De Bundsautobahn 352 (Afk.: BAB 352 oder ok A 352) is en öörtliche Autobahn in Neddersassen mit en Samtläng vun 18 km.

De A 352 verlöpt in dat Rebeet nöördlich vun Hannober un verbinnt dor de A 7 mit de A 2. Een kann vun de A 7 ut aver blots op de A 352 opföhren, wenn een vun Hamborg kummt. Annersrüm kann een blots vun de A 2 opföhren wenn man ut Richt vun Düörpm kummt. In de beiden gegensetten Fohrrichten gifft dat keen Opfohrten.

De hauptsächliche Opgaav vun de A 352 is, dat Autobahnkrüüz Hannober-Oost woneem sik de beiden groten Autobahnen 2 un 7 draapt, to entlasten, vun wegen dat se den Verkehr twüschen Noorden un Westen opfangen deit un ruchweg söven Kilometer afkört. De Utfädeln liggt an de A 2 nipp un nau achter de Anslussteed Hannober/Herrenhusen. Dormit binnt se ok den hannoberschen Westgauweg un dormit ok de Bundstraten 6 un 3 direkt an de A 7 in Richt Noorden an.

Butendem deent dat Autobahnstück ok to’n Verdelen vun’n Verkehr. Langenhagen in’n Noorden un de Weedmark, as ok de Flaaghaven Hannober-Langenhagen warrt so an dat Autobahnnett anslaten. Över de kumplett högenfre’e süüdliche Anslussteed na de Flaaghavenstraat B 522 gifft dat so ok en direkte verbinnen in de Stadtmitt vun Hannober över de Vahrenwalder Straat.

Weblenken[ännern | Bornkood ännern]