Bundsautobahn 281

Vun Wikipedia
Bundsdüütsche Autobahntall 281

De Bundsautobahn 281 (Afk.:BAB 281 oder ok A 281) is en öörtliche Autobahn in Bremen, de opstunns noch ut twee Deelstücken besteiht. Beide Delen tosamen hebbt en Läng vun ruchweg 7 km.

De A 281 schall, wenn se fardigstellt is, den Autobahnring in’n Noorden vun Bremen sluten, man de fehlen Streckenafsnitten sünd opstunns noch nich in de Plaanfaststellen. An’n Enn schall se mit twee Fohrstriepen in jede Richt, de A 27 vun’t Dreeeck Bremen-Industriehavens över Woltmershusen mit de Bundsautobahn 1 an de Anslussteed Bremen/Brinken verbinnen. So is dat in’n Bundsverkehrsweegplaan as vördringlich nödig Boünnernehmen kenntekent.

In’t Johr 1995 is de eerste Afsnitt twüschen Bremen-Industriehavens un Borg-Grambke mit en Läng vun twee Kilometer fardig worrn. Dat annere Deelstück, dat vun’t Göderverkehrszentrum (GVZ) na’n Neuenlander Ring föhrt, is an’n 30. Januar 2008 in Bedrief nahmen worrn. En Bestanddeel vun de Verbinnen na de Anslusssteed Borg-Grambke schall en ne’en Wersertunnel warrn, da na den politischen Stand vun 2008 privat betahlt warrn schall. De Investitschoon schall sik ut Mautinnahmen afdrägen. Wenn de Autobahn kumplett fardig is, schall se en Samtläng vun 20 km hebben.

Sünnerheiten[ännern | Bornkood ännern]

In’t Rebeet vun’n Flaaghavendamm verlöpt de Autobahn as Hoochstraat över en lange Schraagreepbrüch. De Bremer Stratenbahn kriggt dor to’n Utgliek för dat Land, dat se dor praatstellt hebbt, Stellmööglichkeiten mit Dack ünner de Autobahn. Togliek warrt dormit de sworer Grünnenbedingen in’n Verloop vun de Neuenlanner Waterlöös överwunnen.

Weblenken[ännern | Bornkood ännern]