Bundsautobahn 293

Vun Wikipedia
Wesseln na: Navigatschoon, Söök
Bundsdüütsche Autobahntall 293
Verloop vun de A 293 in Ollnborg

De Bundsautobahn 293 (Afk.: BAB 293 oder A 293) is en Stadtautobahn in Neddersassen mit en Samtläng vun 7 km. Se verlöpt to’n gröttsten Deel op dat Stadtrebeet vun Ollnborg. De nöördliche Deel liggt aver in’n Landkreis Ammerland. Tosamen mit de A 28 un de A 29 billt de en Autobahnring üm un dör Ollnborg.

Verloop[ännern | Bornkood ännern]

De A 293 twiegt an’t Dreeeck Ollnborg-West vun de A 28 af un geiht an’t Krüüz Ollnborg-Noord in de A&nbsP;29 un in de B 211 över. De A 29 föhrt wieter na Willemshaven, de Bundsstraat verlöpt över Raastäe-Loy na Braak. Fohrtüüch ut de Gegenricht warrt mit de westlichen Stadtdeelen vun Ollborg verbunnen un jüst so mit dat westliche un süüdliche Ammerland, de nöördlichen Deelen vun’t Ollnborger Mönsterland un vun’n Landkreis Emsland as ok mit Oostfreesland.

An de Affohrt Ollnborg-Nadorst twiegt de Norodtangent af, de de Stadtdeelen Ohmstede un Nadorst mit de Autobahnen 28 un 29 verbinnt.

Historie[ännern | Bornkood ännern]

De Afsnitt twüschen dat Dreeeck Ollnborg-West un de Anslusssteed Ollnborg-Nadorst verlöpt op de Trass vun de ehmoligen Bundsstraat 69, de tweesporig utboet weer un nich free vun Krüüzungen. De nöördliche Afsnitt twüschen Ollnborg-Nadorst un dat Krüüz Ollnborg-Noord is op en ne’e Trass boet worrn. Dordör is de Dörgangsverkehr op de Nadorster Straat un de Willemshavener Heerstraat, op de fröher de B 69 ut de Stadt rutföhrt hett, minnert worrn. Vundaag loopt se parallel to de A 293

Weblenken[ännern | Bornkood ännern]