Bundsautobahn 113

Vun Wikipedia
Wesseln na: Navigatschoon, Söök
Stratenschild vun de A 113
Verloop vun de A 113

De Bundsautobahn 113 (Afk.:BAB 113, in Kortform ok A 113 nöömt) is en öörtliche Autobahn in’n Süüdoosten vun Berlin. Se verlöpt to'n gröttsten Deel in Berlin, aver ’n lütt Stück ok op dat Rebeet vun Brannenborg. De A 113 verbinnt mit en Samtläng vun 19,1 km[1] den Berliner Ring mit den Berliner Stadtring un slutt ok den Flaaghaven Berlin-Schöönefelt an de Berliner Binnenstadt an.

Verloop[ännern | Bornkood ännern]

De Autobahn fangt an’t Autbahndreeeck Neukölln an un verlöpt süüdööstlich parallel to’n Teltowkanal. Se neiht bi Adlershof dweer den Kanal un knickt denn süddlich in Richt na Schöönefelt na’t Autobahnkrüüz Schöönefelt af. Op dissen Afsnitt mit nege Wahnbowarken leegt twee Tunnels: de lange Ünnerföhren vun de Rudower Hööch un en korte Ünnerföhren un de Överdweeren vun’n Berliner Iesenbahnbahnbutenring twüschen Rudow un Schöönefelt. Opletzt krüüzt se in’n Süüden den Berliner Ring (A 10) un föhrt denn as A 13 wieter. En groten Deel vun de Streckenföhren folgt den Verloop vun de fröheren Berliner Muer, ümdat keen ne’e Snees in dat Stadtbild slahn warrn müss.

Historie[ännern | Bornkood ännern]

De A 113 twüschen Schöönefelt-Süüd (links baven) un Adlershof (rechts ünnen) ut de Luft

De Plaan to’n Utbo vun de BAB 113 is 1992 losgahn. in’t Johr 1997 güng dat denn mit de Boarbeiten los. De Afsnitt twüschen dat Dreeeck Neukölln un Späthstraße künn an’n 14. Juli 2004 apen maakt warrn. De nächste Afsnitt bit Adlershof/Wegedornstraße weer an’n 1. September 2005 dör Manfred Stolpe, den dormoligen Bundsverkehrsminister, för den Verkehr freegeven worrn. De Afsnitt vun Adlershof bit an’t Waltersdorfer Dreeeck keem denn an’n 23. Mai 2008 achteran.

Na de Freegaav vun’t letzte Deelstück vun de A 113 twüschen dat Schöönefelder Krüüz un dat Autobahndreeeck Neukölln warrt de olle Afsnitt twüschen dat nee boete Dreeeck Waltershof un dat Dreeeck Berlin-Treptow, de deelwies ’n annern Verloop as de ne’e Streck harr, as A 117 föhrt.

De Bo vun de Autobahn hett ünner’n Streek üm un bi 593 Millionen Euro köst, wovun 363 Millionen Euro alleen för dat 10 km lange Deelstück mit de opwännigen Tunnels vun de Anslussteed Adlershof bit na de Landsgrenz Brannenborg bruukt weern[2].

Tokunft[ännern | Bornkood ännern]

Dör den Utbo vun den Flaaghaven Berlin-Schöönefelt to den ne’en Grootflaaghaven BBI entsteiht dor en ne’e Utfohrt, de den tokamen Flaaghaven direkt an de Autobahn anbinnt. Dat de Flaaghaven gau fardigstellt warrt is wedder wohrschienlicher worrn, as dat Bundsverwaltensgericht in’t Oordeel vun’n 16. März 2006 den Utbo vun’n Flaaghaven ünner Oplagen verlööft hett.

Borns[ännern | Bornkood ännern]

  1. http://autobahnatlas-online.de/A113.htm
  2. http://www.stadtentwicklung.berlin.de/bauen/strassenbau/de/a113_zahlen.shtml

Weblenken[ännern | Bornkood ännern]

Commons-logo.svg Bundsautobahn 113. Mehr Biller, Videos oder Audiodateien to’t Thema gifft dat bi Wikimedia Commons.