Berlin

Vun Wikipedia

"Schloss Bellevue"

Berlin is de Hööftstadt vun de Bundsrepubliek Düütschland un en Bundsland, wat vun dat Land Brannenborg umgeven is. Berlin hett 3.399.511 Inwahners (2006) un hett een Fläch vun 89.169 ha. Berlin liggt bi 70 km af vun de Grenz to Polen.

Berlin

Vör de Weddervereenigung vun de beiden düütschen Staaten "Bundsrepubliek Düütschland" (BRD, West) un "Düütsche Demokraatsche Republiek" (DDR, Oost) in't Johr 1990 weer Bonn (an'n Rhien) de provisoorsche Hööftstadt vun de Bundsrepubliek Düütschland (West) un Oost-Berlin Hööftstadt vun de DDR (Oost). Dat gesamtdüütsche Parlament hett na de Weddervereenigung besloten, dat Berlin de niege Hööftstadt vun dat vereente Düütschland is.

Berlin. Mehr Biller, Videos oder Audiodateien to't Thema gifft dat bi WikiCommons.

[Ännern] Historie

De bedüütsamste historisch Daten:

1237 De Naam vun Berlin steiht to'n eersten Mol in en Urkunn

1307 Berlin un Kölln weert vereenigt

1451 Berlin warrt Residenzstadt vun Markgrafen un Kurförsten

1701 Berlin warrt Hööftstadt vun dat Königriek Preußen

1871 Berlin warrt Hööftstadt vun dat Düütsche Riek

1918 Na den eersten Weltkrieg warrt in Berlin de Republiek utropen

De Muur

1920 veele Gemenden kaamt to Berlin hento vunwegen dat "Groot-Berlin-Gesett"

1933 Berlin warrt to de Machtzentrale vun'ne Natschonalsozialisten

1945 Berlin warrt na den 2. Weltkrieg "Veer-Sektor-Stadt"

1949 politisch Updeelung vun Berlin in'n Oost-West-Konflikt

1961 de Muur warrt an'n 13. August boot

1989 de Wenne in'e DDR, Fall vun'e Muur.

1990 Weddervereenigung vun Düütschland un vun beide Stadtdelen, Berlin warrt Hööftstadt vun dat weddervereenigt Düütschland.

[Ännern] Verwaltungsbezirken vun Berlin

• Berlin-Mitte (3.947 ha, 322.577 Inw.)
  • Börgermeester: Christian Hanke, SPD
• Friedrichshain-Kreuzberg (2.016 ha, 252.495 Inw.)
  • Börgermeestersche: Franz Schulz, Bündnis 90/Die Grünen
• Pankow (10.301 ha, 343.228 Inw.)
  • Börgermeester: Matthias Köhne, SPD
• Charlottenburg-Wilmersdorf (6.472 ha, 315.854 Inw.)
  • Börgermeestersche: Monika Thiemen, SPD
• Spandau (9.191 ha, 255.488 Inw.)
  • Börgermeester: Konrad Birkholz, CDU
• Steglitz-Zehlendorf (10.250 ha, 288.149 Inw.)
  • Börgermeester: Norbert Kopp, CDU
• Tempelhof-Schöneberg (5.309 ha, 337.535 Inw.)
  • Börgermeester: Ekkehard Band, SPD
• Neukölln (4.493 ha, 307.038 Inw.)
  • Börgermeester: Heinz Buschkowsky, SPD
• Treptow-Köpenick (16.842 ha, 233.010 Inw.)
  • Börgermeester: Gabriele Schöttler, SPD
• Marzahn-Hellersdorf (6.174 ha, 257.324 Inw.)
  • Börgermeester: Dagmar Pohle, Die Linke.
• Lichtenberg (5.229 ha, 260.908 Inw.)
  • Börgermeestersche: Christina Emmerich, Die Linke.
• Reinickendorf (8.946 ha, 245.844 Inw.)
  • Börgermeestersche: Marlies Wanjura, CDU

[Ännern] Wat een sik ankieken schall un wo een hengahn kann

In Berlin gift dat völ Sehnswördigkeiten, so to'n Bispeel, den Neptunbrunnen, dat Roode Raathuus, de Funktoorn, Gendarmenmarkt, Brannenborger Door, de Holocaust-Gedenksteed, Berliner Dom, St. Marienkark, Siegesgöddin, Siegessüül, Slott Bellevue un mehr.

Ok beröhmte Persönlichkeiten kommt ut Berlin, so as de Hööftmann van Köpenick, de Ieserne Gustav und de Maler un Tekner Heinrich Zille.