Karin Baal

Vun Wikipedia
Wesseln na: Navigatschoon, Söök

Karin Baal, eegentlich Karin Blauermel (* 19. September 1940 in Berlin) is en düütsche Theater-, Film- un Fernsehschauspelerin.

Filmloopbahn[ännern | Bornkood ännern]

Baal is ünner swore soziale Ümstännen in de Triftstraat in’n Berliner Stadtdeel Wedding upwussen. Nah hör Schooltiet fung se mit 14 Johr en Utbildung as Modeteknerin an.

1956 kreeg se mit, dat för de Film Die Halbstarken en junge Schauspelerin söcht wurr, de den so nöömten Tietgeist verkörpern de. Se harr zwar kien Schauspeelutbildung, kregg ünner 700 Bewerberinnen trotzdem de Hööftrull un en dreejohrig Schauspelerutbildungsverdrag. Fastleggt weer se aber dordör up de Rull vun en blond upsternaatsch Fru. So kreeg se ok 1958 en Nebenrull in de Film Das Mädchen Rosemarie, en Verfilmung vun dat Leben vun Rosemarie Nitribitt. In anner Filmen gung hör dat meest genauso.

1959 harr se hör Utbildung beend un harr eerste Bühnenrullen in München. Siet disse Tiet is se regelmatig in Theaters uptreden. Af de 70er Johren gung se vermehrt nah dat Feernsehn, wiels Filmrullen utblieben deen. Meestens harr se in Krimiserien Nebenrullen.

En Hööchpunkt vun hör Theaterarbeit weer de 1977 anfungen Tournee mit dat Theaterstück Die verlorene Ehre der Katharina Blum nah de Roman vun Heinrich Böll un de Tournee vun 1986 mit de Theaterstücken Geschlossene Gesellschaft vun Jean-Paul Sartre un Mord um Mitternacht vun Francis Durbridge.

Privatleven[ännern | Bornkood ännern]

Karin Baal hett 1959 hör Fründ ut de Jöögdtiet un Filmpartner ut Die Halbstarken Karlheinz Gaffkus, heiraat, mit de se de Söhn Thomas hett. Nah twee Johr sünd se schett wurrn un Baal gung 1962 mit den Schauspeler Helmut Lohner en tweete Ehe in. 1965 kreeg se hör Dochter Therese. De Familie leevte meeste Tiet in de Swiez. De Ehe is 1977 scheitert. Hör darte Ehemann, de Schauspeler Volker Eckstein, is 1996 an Krebs storven. Sien Dood hett hör damals düchtig för söben Johr ut de Bahn smeten. Se harr Alkoholproblemen un is tosommenbroken.

2006 is the weer up de Böhn torüchkommen un hett in dat Düsseldörper Theater Komödie mit dat Stück 8 Frauen mitspeelt. To glieker Tiet wurr se mit en Matinée in dat Filmuseum Düsseldörp ehrt. In veerte Ehe is se nu mit den dartig Johr jüngeren Kurden Cevdet Celik verheiraat.

Filmografie (Utwahl)[ännern | Bornkood ännern]

Johr Titel
1956 Die Halbstarken
1958 Der eiserne Gustav
1959 So angelt man keinen Mann
1960 Der Jugendrichter
1960 Wir Kellerkinder
1960 Die junge Sünderin
1961 Und sowas nennt sich Leben
1961 Die toten Augen von London
1961 Vertauschtes Leben
1962 So toll wie anno dazumal
1962 Straße der Verheißung
1964 Das Blaue vom Himmel, Feernsehn
1966 Ganovenehre
1968 Der Hund von Blackwood Castle
1970 Ein Jahr ohne Sonntag, Feernsehreeg
1977 Gefundenes Fressen
1981 Lili Marleen
1981 Desperado City
1982 Der Mann auf der Mauer
1984 Tausend Augen
1985 Die Mitläufer
1986 Dann ist nichts mehr wie vorher
1988 Der Passagier – Welcome to Germany
1989 Der letzte Gast, Feernsehn
1990 Marleneken, Feernseh-Minireeg
1991, Scheidung a la carte, Feernsehn
1991 Im Kreise der Lieben
1992 Cosima’s Lexikon
1993 Wenn Engel reisen, Feernsehreeg
1996 5 Stunden Angst – Geiselnahme im Kindergarten, Feernsehn
2001 Sass
2003 Für immer verloren, Feernsehn
2004 Vinzent
2007 Sieben Tage Sonntag

Utteken[ännern | Bornkood ännern]

Weblenken[ännern | Bornkood ännern]