Heinz Hax

Vun Wikipedia

Heinrich-Georg „Heinz“ Hax (* 24. Januar 1900 in Berlin; † 1. September 1969 in Koblenz) weer en düütsch Modern Fievkämper, Sportschütt un Offizier vun de düütsch Wehrmacht as ok de Bundswehr, toletzt as Generalmajor.

Leven[ännern | Bornkood ännern]

Sportlich Loopbahn[ännern | Bornkood ännern]

Heinrich-Georg Hax weer de Söhn vun Georg Hax, de in’ Waterball un in’t Turnen an de Olympisch Spelen deelnommen harr. Ok Heinz Hax wies sück as völsiedig. Bi de Olympisch Spelen 1928 belegg he den fievten Platz in’ Modernen Fievkamp, wobi he de Eenzeldisplin Scheeten wunn un in’t Rieden den tweeten Platz belegg. Bi de Olympisch Spelen 1932 is Heinz Hax in’t Scheeten mit de Flinkfüerpistole antreden. He wunn de Sülvermedaille achter den Italiener Renzo Morigi. Veer Johr later bi de Olympisch Spelen 1936 reck he weer den tweeten Platz, ditmal achter den Düütschen Cornelius van Oyen.

Militärisch Loopbahn[ännern | Bornkood ännern]

Gegen Enn’ vun den Eersten Weltkrieg weer Hax in dat Garde-Füsilier-Regiment in Berlin intreden. 1922 wurr he Leutnant bi de Riekswehr. To’n Tietpunkt vun sien letzte Olympiadeelnahm weer Hax in de Wehrmacht to’n Hauptmann befördert wurrn.

In’ Tweeten Weltkrieg weer he Generalstaffsoffizier in de Heeresgrupp Süd bi de Överfall up de Sowjetunion un wurr 1944 Kommandeur vun en Regiments vun de 11. Panzer-Division. Anfang 1945 kommandeer he de 8. Panzer-Division.

Nahdem he an’ 8. März 1945 as Oberst för de Führen vun de 8. Panzer-Division da Ridderkrüüz vun dat Iesern Krüüz kreeg, wurr he an’ 30. April 1945 mit dat Eekenloov to’n Ridderkrüüz vun dat Iesern Krüüz uttekent. Gegen Enn’ vun den tweeten Weltkrieg weer Hax bit to’n Generalmajor upsteegen.

Nah den Krieg wurr Hax wegen Kriegsverbreken vun en sowjeetsch Militärgericht to 25 Johr Dwangsarbeit veroordeelt.[1] As Bundskanzler Konrad Adenauer 1955 mit de sowjeetsch Führung de „Heimkehr der Zehntausend“ vun düütsch Kriegsfangen afsluuten dee, kehr ok Heinz Hax in’ Oktober 1955 nah Düütschland trügg. Hax is 1956 as Brigadegeneral in de Bundeswehr intreeden un steeg ok hier bit to’n Generalmajor up. Af 1958 weer he stellvertreden Kommandeeren General bi dat III. Heereskorps in Koblenz.

Literatur[ännern | Bornkood ännern]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Kluge, Siet 899, Anmarken 232