Mekelnborg-Vörpommern
Vun Wikipedia
Mekelnborg-Vörpommern is en düütsch Bundsland in’n Norden. De Hööftstadt is Swerin. Mekelnborg-Vörpommern liggt an de Waterkant vun de Oostsee. Dor leevt up 23.180 km² 1.696.500 Inwahners (30. September 2006). Dat sünd 73 Inwahners/km². (De gröttste See is de Müritz, de gröttste Insel sünd Rügen un Usedom.
Inholtsverteken |
De Naam [ännern]
De Naam vun dat Land kummt vun de twee Delen:
- Mekelnborg, wat vun dat ole Mikilinburg kummt, woneem al vör 1066 en Bischop seet, de to dat Arzbisdom Hamborg-Bremen tohörig west is, as Adam vun Bremen dat schreven harr.
- Vörpommern, wat de westlich Deel vun Pommern is.
Regeerung [ännern]
Regeert warrt Mekelnborg-Vörpommern vun den 17. September 2006 af an vun en grote Koalitschoon ut SPD un CDU. Ministerpräsident is vun den 6. Oktober 2008 af an Erwin Sellering vun de SPD. Sien Vörganger Harald Ringsdörp hät vör de leste Wahl ok al en Root-rode Koalitschoon tohopen mit de PDS anföhrt.
Spraken [ännern]
In’t Land warrt Plattdüütsch, sünners Mekelnborg-Vörpommersch Platt un Hoochdüütsch snackt.
