Westervees

Vun Wikipedia
(wiederwiest vun Westervesede)
Wapen/Flagg Koort
Wapen unbekannt
Westervees
Laag vun Westervees in Düütschland
Basisdaten
Bundsland: Neddersassen
Landkreis: Rodenborg
Gemeen: Scheeßl
Inwahners: 776 (2009-09-3030. September 2009)
Postleettall: 27383
Vörwahl: 04263
Geograafsche Laag:
Koordinaten:53° 9′ N, 9° 33′ O
53° 9′ N, 9° 33′ O

Karte

Westervees (hoochdüütsch Westervesede) is en Dörp in de Gemeen Scheeßl in’n Landkreis Rodenborg, Neddersassen. Binnen de Gemeen billt de Oort de polietsche Oortschop Westervees.

Geografie[ännern | Bornkood ännern]

Veers bi Westervees

De Oort liggt in’n Westen von de Lümbörger Heid. Dat Water ut dat Rebeed flütt över’n Kröpelbeek na de Veers hen af. In’n Noorden över de Beek hen na de Wümm. Dat Land an de Veers is as Naturschuulrebeed Veersdaal schuult.

De Naveröörd sünd Lauenbrüch in’n Noorden, Benkeloh un Oostervees in’n Noordoosten, Deepen un Hemslingen in’n Süüdoosten, Brookel, Wensbrook, Badlsdörp un Wohlsdörp in’n Süüdwesten, Veers un Veersbrügg in’n Westen un Scheeßl un Varel in’n Noordwesten.

Historie[ännern | Bornkood ännern]

Veeser Möhl
Ole Smeed in Westervees

De Oort Vees kummt 1082 toeerst in de Oorkunnen vör. De Ünnerscheed twüschen Westervees un Oostervees warrt toeerst üm 1320 rüm maakt.

De Veeser Möhl is en Windmöhl, de 1874 an de Straat na Oostervees boot worrn is. De Möhl is bet 1985 lopen, siet 1946 aver blots noch elektrisch.

In’n Eersten Weltkrieg sünd 24 Soldaten ut Westervees fullen oder vermisst un in’n Tweten Weltkrieg 38.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Lauenbrüch in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort is an’n 1. März 1974 mit de Gemeenreform in Neddersassen Deel von de Gemeen Scheeßl worrn. Sietdem billt Westervees en Oortschop mit egen Oortsraad mit negen Maten un Oortsbörgermeester.

Inwahnertall[ännern | Bornkood ännern]

Johr Inwahners
1791-00-001791[2] 29 Füürsteden
1812-00-001812[3] 210
1824-00-001824[4] 44 Füürsteden
1848-00-001848[5] 340 Lüüd, 49 Hüüs
1871-12-011. Dezember 1871[6] 385 Lüüd, 65 Hüüs
1885-12-011. Dezember 1885[7] 370 Lüüd, 70 Hüüs
1905-12-011. Dezember 1905[8] 418 Lüüd, 70 Hüüs
1910-12-011. Dezember 1910[9] 436
1925-00-001925[10] 416
1933-00-001933[10] 477
1939-00-001939[10] 475

Religion[ännern | Bornkood ännern]

Westervees is evangeelsch-luthersch präägt un höört to dat Kaspel von de Lucas-Kark in Scheeßl.

För de Kathoolschen is de Corpus-Christi-Kark in Rodenborg tostännig.

De Karkhoff Westervees liggt an de Straat Tavenhorn un is 1928 inricht worrn. De Kapell op’n Karkhoff is 1971 boot worrn.

Oortsraad[ännern | Bornkood ännern]

Bi de Wahlen to’n Oortsraad in Westervees gifft dat en Eenheitslist ahn Parteien.

Liddmaten
  • 2016:
    Christian Götze, Andreas Heitmann, Kerstin Heitmann, Silvia Huch, Ralf Jürges, Karsten Peters, Martin Riebesell, Björn Hendrik Seel, Florian Wahlers

Börgermeesters/Oortsbörgermeesters[ännern | Bornkood ännern]

Börgermeesters:

Tied Naam Partei
–1863 Johann-Hinrich Everding
1863–1876 Friedrich Bassen
1876–1882 Hinrich Meyer
1882–1894 Johann Weseloh
1894–1919 Johann Bassen
1919–1945 Friedrich Heitmann
1945–1947 Johann Behrens
1947–1948 Johann Heitmann
1948–1952 Johann Behrens
1952–1972 Adolf Thies
1972–28. Februar 1974 Johann Wehrmann

Oortsbörgermeesters:

Tied Naam Partei
1. März 1974–1981 Johann Wehrmann
1981–1991 Johann Heitmann
1991–2011 Wilhelm Heins
2011– Ralf Jürges

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Westervees op’n Karkhoff.

Verenen[ännern | Bornkood ännern]

De Schüttenvereen Westervees is an’n 29. Mai 1924 grünnt worrn un de Sportvereen Blau-Witt Westervees an’n 18. August 1966.

Weertschop un Infrastruktur[ännern | Bornkood ännern]

Westervees hett en egene freewillige Füürwehr, de 1901 grünnt worrn is.

Verkehr[ännern | Bornkood ännern]

Dör Westervees löppt de Landsstraat 131, de in’n Noordwesten na Scheeßl an de Bundsstraat 75 ran geiht un in’n Süüdoosten över Deepen na Hemslingen an de Landsstraat 170. De L 131 warrt in Westervees krüüzt von de Kreisstraat 211, de in’n Süüdwesten na Badlsdörp un Wohlsdörp föhrt un in’n Noordoosten na Oostervees un Fintel. De B 75 geiht von Scheeßl in’n Süüdwesten na Rodenborg un Otterbarg un in’n Noordoosten över Lauenbrüch na Töst un Bookholt.

De nächste Autobahn is de Autobahn 1 (Afsnidd HamborgBremen). De Opfohrten 48 Elsdörp un 47 Zittens doot all beid so 19 Kilometer in’n Noordwesten von Westervees liggen.

De nächste Bahnhoff is so bi veer Kilometer wied weg in’n Noordwesten de Bahnhoff Scheeßl an de Bahnlien Hamborg–Bremen.

Scholen[ännern | Bornkood ännern]

Dat Dörp hett en egen Kinnergoorn. Na School gaht de Kinner ut Westervees op de Grundschool Scheeßl.

Dat eerste Schoolhuus för Westervees is 1686 boot worrn. Ne’e Schoolhüüs sünd denn 1822, 1852 un 1911 boot worrn. 1972 hett de Volksschool in Westervees dichtmaakt un de Kinner kemen na Scheeßl.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 247
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 620
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de

Weblenken[ännern | Bornkood ännern]

Westervees. Mehr Biller, Videos oder Audiodateien to’t Thema gifft dat bi Wikimedia Commons.